قومار

میشلانجلو مریسی نین قومارا مربوط اولان اثری

قۇمار — اوْینایانا قازانج و یا ضرر گتیرن هر جور شانس اوْیونو، پول یا دا مادی دَیَری اوْلان بیر شئی یاتیردیلاراق اوْینانان، قارشیلیغیندا قازانانا مادی گلیری اوْلان اوْیونلارا وئریلن عۆمومی آد.

اینسان جمعیتلرینین ایلک زامانلاریندان بۇ یانا مؤوجود اوْلان قۇمار چوْخ دییشیک اۆصوللارلا رئاللاش‌دیریلا بیلر.

قۇمار، حاقسیز یئره باشقاسینین مالینی گؤتورمک، بیله-بیله اوْرتاق شکیل‌ده اوْغورلوق ائتمک‌دیر. قۇمار، اجتماعی بیر فلاکت‌دیر. قۇماردا ایتیریلن پول‌دا اۇشاقلارین، کاسیبلارین حاقی واردیر. قازانیلان پول دا قانونی دییل. قۇمار یاییلدیقجا اجتماعی ضررلر آرتار. قۇمار عائله حیاتیندا نیظام‌سیزلیقلارا، آنلاشیلمازلیقلارا، لاقیدلیکلره سبب اوْلار. چوْخ زامان ایله‌نجه‌لی واخت کئچیرمک اۆچون سئچیلن قۇمار چوْخ ضررلی بیر اوْیون‌دور. بۇنا گؤره عائیله‌لر داغیلیر و حتی جینایتلر باش وئریر.

ایسلام نظریندن قۇمار

ایسلام‌دا قۇمار اوْیناماق بیرمعنالی شکیل‌ده حرام حساب اوْلونور. بئله کی قورانی-کریم‌ده شراب، بوتلر اۆچون ("انساب"، یعنی کعبه اطرافیندا دوزولموش داشلار.) کسیلن هئیانلار و فال اوْخلاری ایله یاناشی قۇمارین دا اینسانلار آراسیندا اداوت، کین-کودورت یاراتماسینا سسب اوْلماسی قئید اوْلونور: "ای ایمان گتیرنلر! شراب دا (ایچکی ده)، قۇمار دا، بوتلر ده، فال اوْخلاری دا شیطان عملیندن اوْلان مۇردار بیر شئی‌دیر. بۇنلاردان چکی‌نین کی، بلکه، نجات تاپاسینیز! شوبهه‌سیز کی، شیطان ایچکی و قۇمارلا آرانیزا اداوت و کین سالماق‌دان و ناماز قیلماق‌دان آییرماق ایستر. آرتیق بۇ ایشه سوْن قویاجاقسینیزمی؟" بۇ حاق‌دا آیه نازیل اوْلدوق‌دا پیغمبردن قۇمار، انساب و ازلام باره‌ده سوروشولدوق‌دا جواب وئریر کی، "میسیر" (قۇمار) حتی تاختا نرد و جویز دا اوْلسا، اۇدولوب-اۇدوزولان هر بیر شئی، "ازلام" (فال اوْخلاری) ایسه اوْنلارین واسطه‌سی‌له پوشک آتدیقلاری اوْخلاردیر.

ایمام صادق اۇشاقلارین اۇدوب-اۇدوزماقلا قازاندیقلاری گیرده‌کانی حرام اوْلماسینی قئید ائده‌رک، اوْنو یئمه‌یین قاداغان اوْلوندوغونو قئید ائتمیشدیر.