یونسکو
یونسکو بیر عومومی تشکیلاتین آدی دیر.
یونسکو
'یونسکو' (UNESCO — United Nations Educational, Scientific and Cultural Organization) – علم، تحصیل و مدنیت اوزره بیرلشمیش میلتلر تشکیلاتی.
تشکیلات 16 نویابر 1945-جی ایلده یارادیلمیشدیر، مرکزی قرارگاهی فرانسه نین باشکندی پاریسده یئرلشمیشدیر. تشکیلاتین ترکیبینه دونیانین موختلیف حیصه لرینده یئرلشمیش 67 بورو و آلت بؤلمهلر داخیلدیر.
یونئسکو-نون نیظامنامهسی 1945-جی ایلده لندن کونفرانسیندا قبول ائدیلمیش، 4 نویابر 1946-جی ایلده قوووهیه مینمیشدیر. حال-حاضیردا تشکیلاتین 191 اؤلکه عوضوودور.
یونئسکو-نون اساس مقصدی – عیرقیندن، جینسیندن، دیلیندن و دینیندن آسیلی اولمایاراق تحصیل، علم و مدنیت ساحهلری اوزره خالقلارین امکداشلیغینی گئنیشلندیرمک یولو ایله صولحون و تهلوکهسیزلیگین مؤحکملنمهسینه کؤمک ائتمکدیر.
1972-جی ایلده یونئسکو طرفیندن "عوموم دونیا مدنی و طبیعی ایرثین قورونماسی حاقیندا کونوئنسییا" قبول ائدیلمیشدیر.
بو تشکیلاتین نیظامنامهسی 1945-جی ایلین نویابر آییندا لندنده 44 اؤلکهنین نومایندهلرینین قاتیلدیقلاری ییغینجاقدا قبول ائدیلمیشدیر. تورکیه، بو سنهدی ایمضالایان ایلک ایییرمی دؤولت آراسیندادیر (یونئسکو نیظامنامهسی، تورکیهده 20 مای 1946 تاریخلی و 4895 سایلی قانونلا تصدیق ائدیلمیشدیر).
مرکزی پاریسده اولان و عومومی کونفرانس، ایجرا شوراسی،کاتیبلیک اولماقلا اوچ عالی اورقانی اولان یونئسکو تحصیل، علم و مدنیت ساحه لریندهکی مقصدلرینی، اؤزونه عوضو اولان هر دؤولتده قورولان میللی کومیسیالار واسیطهسیله رئاللاشدیرماغا چالیشیر.
عومومی کونفرانس
عوضو دؤولتلرین نومایندهلریندن عیبارت اولان عومومی کونفرانس 1946-1953-جی ایللر آراسیندا حالیندا هر ایل، 1954-جی ایلدن بری ایکی ایلده بیر توپلاشیر. بو واختا قدر 26 عومومی کونفرانس کئچیریلمیشدیر.
عومومی کونفرانس، تشکیلاتین ان صلاحیتلی اورقانی اولاراق ایجرا شوراسی عوضولرینی و باش دیرئکتورو سئچیر، یونئسکو-نون ایش پروقراملارینی قبول ائدیر و بودجهنی تصدیق ائدیر.
ایجرا شوراسی
یونئسکو ایجرا شوراسی عومومی کونفرانسا قاتیلان و حؤکومتلرین طرفیندن آدای گؤستریلن نومایندهلر آراسیندان دؤرد ایل اۆچون 58 عوضودن عیبارت سئچیلیر.
کاتیبلیک
عومومی کونفرانس طرفیندن آلتی ایل اۆچون سئچیلن باش دیرئکتورون رهبرلیگی آلتیندا یونئسکو کاتیبلیگی تحصیل، علم، مدنیت و اونسیت ساحه لرینه سوروملودور.
کاتیبلیگین باشلیجا وضیفهسی، ایکی ایللیک یونئسکو پروقراملارینین تطبیق اولونماسی اۆچون بوتون لازیمی تئکنیکی ایشلری گؤرمک و تدبیرلری تشکیل ائتمکدیر.
قایناقلار
- بیرلشمیش میلتلر قورومو
- یونسکو
- Organizations established in 1945
- Conservation and restoration organizations
- Heritage organizations
- International cultural organizations
- International educational organizations
- International scientific organizations
- Lists of organizations based in France
- Organizations based in Paris
- United Nations Development Group
- United Nations specialized agencies
- France and the United Nations
- ۱۹۴۵ - جی ایلینده فرانسه اؤلکهسینده یارانانلار