ویکتوریا گؤلو

ویکتوریا گؤلو فضادان

فایل:Africa Lake Victoria 1۰ ۰۰۶.jpg

ویکتوریا گؤلو

ویکتوریا گؤلو (اینگیلیسجه:Lake Victoria) آفریقا قارّه‌سی‌نین بؤیوک گؤللریندن بیری دیر، بۇ گؤل کنیا، اوقاندا و تانزانیا اؤلکه‌لری آراسیندا یئرله‌شیب. گؤلون آدی موکتشیف جان هنینق اسپک طرفیندن ملکه ویکتوریا اؤچون آدلانیب. اسپک ۱۸۵۸ ایلینده ریچارد فرانسیس برتون ایله بیرلیکده نیل چایی‌نین قایناغینی تاپماق هدفیله ایکتیشافی بیر سفرده بۇ آدی گؤله قوْیدو. ۶۹٫۴۸۴ موربع کیلومتر اۆزاؤلچوسو ایله ویکتوریا گؤلو آفریقا قارّه‌سی‌نین و دونیانین حارّه منطقه‌لری‌نین ان بؤیوک گؤلو اوْلور. بۇ گؤل شومالی آمریکا دا اوْلان سوپریو گؤلوندن سوْنرا دونیانین ایکینجی شیرین سویونا صاحیب دیر. ویکتوریا گؤلونون سویو عوموماٌ موستقیم یاغیش و مینلر کیچیک آرخدان تأمین اوْلور. گؤلون ان دیرین نوقطه‌سی ۸۴ متیر و اوْتالاما درینلیگی ۴۰ متیره یئتیشیر.