Masuala ya UM

Katibu Mkuu wa Umoja wa Mataifa  Antonio Guterres leo Jumapili amesisitiza kwamba ulinzi na usalama wa wafanyakazi wa Umoja wa Mataifa na mali za Umoja wa Mataifa lazima uhakikishwe, kufuatia uvunjaji wa makusudi wa sheria katika kituo cha Umoja wa Mataifa cha kulinda amani uliofanywa na magari ya kivita ya jeshi la Israel IDF kusini mwa Lebanon.

Kikosi cha Muda cha Umoja wa Mataifa nchini Lebanon UNIFIL kimesema mapema leo asubuhi saa za Lebanon walinda amani katika kituo cha Umoja wa Mataifa huko Ramyah wameshuhudia vikosi vitatu vya askari wa jeshila Israel IDF wakivuka msitari tenganishi wa Bluu na kuingia Lebanon.

Ikiwa le oni Siku ya Kimataifa ya Mtoto wa Kike, Katibu Mkuu wa Umoja wa Mataifa António Guterres ametoa wito wa kuwapa sikio watoto wa kike akianza ujumbe wake mahususi kwa ajili ya siku hii akisema uwezo wa wasichana zaidi ya bilioni 1.1 duniani hauna kikomo lakini tunapokaribia tarehe mwaka 2030, wa mwisho kwa Malengo ya Maendeleo Endelevu, ulimwengu unaendelea kuwaangusha wasichana.

Wakati mwaka mmoja ukipita tangu shambulio la umwagaji damu lililotekelezwa na Hamas dhidi ya Israel, Katibu Mkuu wa Umoja wa Mataifa Antonio Guterres kupitia ujumbe uliowekwa wazi Jumamosi Septemba 5 jioni saa za New York, Marekani ametoa wito wa kuunganishwa kwa familia na kukomeshwa kwa mateso na ghasia katika eneo la Mashariki ya Kati.

Mpango wa Umoja wa Mataifa wa kulinda amani nchini Jamhuri ya Kidemokrasia ya Congo DRC ujulikanao kama MONUSCO unashikamana na serikali ya nchi hiyo ili kuwasaidia waathirika wa ajali mbaya ya kuzama kwa boti iliyotokea jana Alhamisi 3 Oktaba katika ziwa Kivu.

Wajumbe wa Baraza la Usalama la Umoja wa Mataifa leo wamekutana tena jijini New York Marekani kujadili hali tete inayoendelea Mashariki ya Kati likiwemo suala la Palestina.

"Mimi ni Mbusa Thasikalyo nina miaka 60. Zamani kabla ya vita hii hatukuishi kimaskini. Tulikula chakula kutoka mazao ya shambani tena kizuri sana. Tulikula nyama lakini kwa sababu ya vita, sasa tunahangaika. Huyu ni mkazi wa Goma, mashariki kwa Jamhuri ya Kidemokrasia ya Congo, DRC akisimulia madhila ya wazee, leo siku ya wazee duniani.

Mjadala mkuu wa Baraza Kuu la Umoja wa Mataifa kikao cha ulihitimishwa umekunja jamvi leo Jumatatu jioni, ambapo waliohudhuria wamewasikiliza wawakilishi wa nchi 190, wakiwemo wakuu wa nchi 71, wakuu wa serikali 42, makamu 6 wa rais na wana wafalme , manaibu waziri mkuu 8, mawaziri wakuu 53, manaibu waziri 3, wakuu wa ujumbe 7 na waangalizi 3.

Katika siku ya mwisho ya mjadala mkuu wa Mkutano wa 79 wa Baraza Kuu la Umoja wa Mataifa, hotuba ya Msumbiji imeangazia udharura wa kulifanyia mageuzi Baraza la Usalama ili kuipa fursa Afrika.

Mwakilishi wa Kudumu wa Rwanda katika Umoja wa Mataifa, Balozi Rwamucyo Ernest akihutubia Mjadala Mkuu wa Mkutano wa 79 wa Baraza Kuu la Umoja wa Mataifa leo Septemba 30, pamoja na kusisitiza masuala mengine muhimu kama ushirikiano wa kimataifa, amesisitiza kufanyia mageuzi mashirika ya kimataifa ya fedha na Baraza la Usalama la Umoja wa Mataifa ili kuhakikisha uwakilishi wa haki, kukuza kuaminiana miongoni mwa mataifa, na kukabiliana vilivyo na changamoto za kisasa, kama vile kuyumba kwa uchumi, mabadiliko ya tabianchi na migogoro.