Tabianchi na mazingira

Kutana na Profesa Ruth Wanjau, mbobezi wa kemia katika Chuo Kikuu cha Kenyatta nchini Kenya, ambaye andiko lake la dhahania kuhusu mbolea itengenezwayo kwa kutumia taka za plastiki lilimkutanisha na wajasiriamali na wawekezaji kwenye Jukwaa la nne la kimataifa la uwekezaji kwa wajasiriamali, WEIF 2024  huko Manama nchini Bahrain, mwezi Mei mwaka huu.

Shirika la Umoja wa Mataifa la Afya Duniani (WHO) limechapisha mwongozo wake wa kwanza kabisa kuhusu uchafuzi wa viuavijasumu unaotokana na  uzalishaji viwandani. Mwongozo huu unaohusu usimamizi wa maji taka na taka ngumu katika uzalishaji wa viuavijasumu unaangazia changamoto hii iliyopuuzwa huku dunia ikisubiri Mkutano wa Baraza Kuu la Umoja wa Mataifa (UNGA) kuhusu vijidudu au vijiumbe maradhi vyenye usugu kwa dawa za viua vijiumbe maradhi, au AMR unaotarajiwa kufanyika tarehe 26 Septemba 2024 

Mradi wa Vijana Kilimo Biashara (VKB) unaotekelezwa na shirika la Umoja wa Mataifa la Mpango wa Chakula duniani (WFP) nchini Tanzania unawapatia vijana wakulima wadogo ujuzi na rasilimali zinazohitajika ili kuboresha uzalishaji wa chakula na kujenga uchumi endelevu wakati huu ambao madhara ya El niño yanayosabisha ukame na mafuriko yamekuwa dhahiri. 

Mafunzo ya matumizi ya zana za kisasa za kilimo cha mpunga kwa wakulima 50 nchini Tanzania yaliyotolewa na shirika la Umoja wa Mataifa la Chakula na Kilimo nchini humo, FAO kwa ufadhili kutoka serikali ya Korea Kusini yameleta matumaini mapya kwa wakulima hao.

Akiwa Tonga, taifa la kisiwa katika bahari ya Pasifiki Katibu Mkuu wa Umoja wa Mataifa Antonio Guterres ametoa wito akiupatia jina Okoa Bahari Zetu au SOS kutokana na kitisho kinachokumba maeneo ya visiwani kwa sababu ya ongezeko la kina cha maji ya bahari.

Wahudumu wa kibinadamu wa Umoja wa Mataifa wamesema kwamba timu za misaada zimeanza kusambaza misaada ya dharura kwa familia zilizoathiriwa na mvua za masika katika Delta ya Ayeyarwady huko Myanmar na kusema kuwa takribani watu 500,000 katika eneo muhimu linalolimwa mpunga wanaweza kuathirika.

Mataifa ya visiwa vya Pasifiki "yanaonesha njia" ya kulinda sayari kutokana na uharibifu wa mabadiliko ya tabianchi na sasa dunia nzima inahitaji kuchukua hatua kwa msaada zaidi, Katibu Mkuu wa Umoja wa Mataifa amesema Jumatatu Agosti 26 kwa saa za Tonga.

Rais wa Msumbiji Filipe Nyusi, amezindua mpango wa kitaifa wa kuhakikisha kila mtu anapata Maonyo ya Mapema kuhusu hali ya hewa, EW4All ifikapo mwishoni mwa mwaka 2027 huku akitangaza uwekezaji mpya muhimu ili kuboresha uchunguzi wa kimsingi wa hali ya hewa, uzinduzi uliofanyika katika hafla ya ngazi ya mawaziri iliyofanyika katika mji mkuu wa Msumbiji, Maputo. 

Katibu Mkuu wa Umoja wa Mataifa Antonio Guterres akiwa ziarani Samoa, visiwa vilivyoko huko baharí ya Pasifiki akizungumza na waandishi wa habari amelisifu taifa hilo kwa uimara wake wa kukabiliana na mabadiliko ya tabianchi ikiwemo ongezeko la kina cha baharí, licha ya ukata utokanao na kiwango kidogo cha ufadhili kwa tabianchi. Amesema dunia itumie mikutano ya mwezi ujao kuchagiza marekebisho ya taasisi za fedha duniani ili ziongeze ufadhili.

Ripoti mpya iliyotolewa leo na Shirika la Umoja wa Mataifa la kuhudumia watoto UNICEF, inasema mtoto 1 kati ya 5 anaishi katika maeneo ambayo yanapata angalau mara mbili ya idadi ya siku za joto kali kila mwaka ikilinganishwa na miongo sita iliyopita.