Shirika la Umoja wa Mataifa la Kuhudumia Wakimbizi (UNHCR) limetangaza kuwa zaidi ya watu nusu milioni ambao hawakuwa na uraia, wakinyimwa haki zao za kisheria, sasa wamepata uraia tangu kuanzishwa kwa kampeni ya #IBelong miaka kumi iliyopita. Kampeni hiyo, iliyolenga kumaliza tatizo la watu wasio na uraia, inakamilika mwaka huu.
Shirika la Umoja wa Mataifa la Kuhudumia Wakimbizi, UNHCR limetangaza leo Oktoba 11 kwamba Sudan Kusini sasa inawahifadhi zaidi ya wakimbizi nusu milioni katika maeneo 30 nchini humo, hasa katika kambi za wakimbizi za Maban, Jamjang, Wedweil na Gorom.
Chonde chonde Baraza la Usalama lindeni shirika la Umoja wa Mataifa la Kusaidia Wakimbizi wa kipalestina, UNRWA, ndio ulikuwa wito wa Kamishna Mkuu wa shirika hilo Philippe Lazzarin alipotuhubia Baraza hilo kwa njia ya video wakati huu ambapo Israeli iko katika harakati za kulifuta.
Matarajio ya vita kamili nchini Lebanon yanaonekana kutopungua leo huku mkuu wa shirika la Umoja wa Mataifa la msaada kwa wakimbizi wa Kipalestina, UNRWA, akisema kuwa hakuna dalili ya "mwisho wa hali ya kuzimu kaskazini mwa Gaza, ambako misaada ya kuokoa maisha imezimwa.”
Mtawa kutoka Brazil amekuwa mshindi wa jumla wa tuzo ya mwaka huu ya Nansen ya kusaidia wakimbizi huku wanawake wengine wanne wakiibuka washindi wa kikanda.
Jamhuri ya Kidemokrasia ya Congo DRC, imesalia katika mgogoro kwa miaka mingi, hali ambayo imewasababishia raia mateso ya hali ya juu zaidi yakiwemo mauaji, utekaji nyara, na kuteketezwa kwa nyumbaa zao. Mapigano hayo pia yamewafungisha viragozaidi ya watu milioni 6.4 nchini humo, na kulazimisha familia kutafuta usalama katika makazi ya muda yaliyojaa pomoni.
Shirika la Umoja wa Mataifa la Kuhudumia Wakimbizi (UNHCR), linatoa mwito wa kuongezwa na kushughulikiwa kwa haraka, uungwaji mkono na utatuzi kwa Wahaiti walioathiriwa na ghasia na ukosefu wa usalama, wakiwemo wale waliofurushwa kwa nguvu, imeeleza taarifa ya shirika hilo iliyotolewa leo Oktoba 4 jijini Geneva, Uswisi.
Shirika la Umoja wa Mataifa la Uhamiaji (IOM) limeripoti kuwa zaidi ya watu 700,000, nusu yao wakiwa watoto, wamekimbia makazi yao ndani ya Haiti kufuatia kuongezeka kwa machafuko. Ripoti hiyo mpya inaonesha ongezeko la asilimia 22 la wakimbizi wa ndani tangu mwezi Juni, huku hali ya kibinadamu nchini humo ikiendelea kuzorota.
Huko Mashariki ya Kati, nchini Lebanon hali inaendelea kuwa tete amesema mratibu maalum wa Umoja wa mataifa nchini humo Jeanine Hennis Plasschaert. Kupiti ukurasa wake wa mtandao wa X amesema umekuwa usiku mwingine wa kutoka kulala mjini Beiruti milipuko ikighubika mji huo bila tahadhari, raia wakikumbwa na taharuki bila kujua mustakbali wao.
Tume ya Umoja wa Mataifa ya Haki za Binadamu nchini Sudan Kusini OHCHR imeeleza wasiwasi wake juu ya muda wa nyongeza ya miaka miwili kwa serikali ya mpito ya Sudan Kusini, ikitaja kuwa ni kutokana na kushindwa kwa uongozi wa nchi hiyo kutekeleza kikamilifu Mkataba wa Amani 2018.
