Աբրահամ Բ Խոշաբեցի
| Աբրահամ Բ Խոշաբեցի | |
|---|---|
| Ընդհանուր տեղեկություններ | |
| Եկեղեցի |  Հայ Առաքելական եկեղեցի |
| Գահակալություն | 1730-1734 թթ. |
| Իրավանախորդ | Կարապետ Բ Ուլնեցի |
| Իրավահաջորդ | Աբրահամ Գ Կրետացի |
| Ծնվել է | 1677 |
| Մահացել է | նոյեմբերի 11, 1734[1] |
| Մահվան վայր | Վաղարշապատ |
| Ազգություն | Հայ |
Աբրահամ Բ Խոշաբեցի (հայտնի է նաև որպես՝ Բաղիշեցի, Մշեցի, Քեղեցի, 1677–1734, թաղվել է Վաղարշապատի Սբ. Գայանե վանքում), Ամենայն հայոց կաթողիկոս 1730 թվականից։ Հաջորդել է Կարապետ Բ Ուլնեցուն։
1708 թվականին՝ Մշո Առաքելոց վանքի առաջնորդ, 1717–1730 թվականներին՝ Տարոնի Սբ. Կարապետ վանքի վանահայր։ 1727 թվականին ուխտագնացություն է կատարել Երուսաղեմ։ Շինարարական աշխատանքներ է կատարել Էջմիածնի վանքում, պատկերազարդել է տվել Մայր տաճարի երկու խորանները, որմերն ու սյուները, նորոգել մի շարք կառույցներ։ Աբրահամ Բ Խոշաբեցու անունով մեզ են հասել 7 ներբողական ու հոգևոր տաղեր և կոնդակներ։
Կաթողիկոսական գահին Աբրահամ Բ Խոշաբեցուն հաջորդել է Աբրահամ Գ Կրետացին։
Ծանոթագրություններ
[խմբագրել | խմբագրել կոդը]Գրականություն
[խմբագրել | խմբագրել կոդը]- Օրմանյան Մ., Ազգապատում, հ. 2, մաս 3, 2 հրտ., Պեյրութ, 1959, էջ 2871—2882
- Անասյան Տ. Ս., Հայկական մատենագիտություն, հ. 1, Ե., 1959, էջ 101 — 103
| ||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 41)։ 
|
| Նախորդող՝ Կարապետ Բ Ուլնեցի |
Կաթողիկոս 1730–1734 |
Հաջորդող՝ Աբրահամ Գ Կրետացի |