Դավթի աստղ (եբրայերեն՝ מָגֵן דָּוִד - Մագեն Դավիդ, «Դավթի վահանը»), վեցթևանի աստղի տեսքով հին խորհրդանշան է։ Համաձայն առասպելի` «Դավթի աստղը» անունն ստացել այն պատճառով, որ պատկերված է եղել Դավիթ թագավորի զինվորների վահաններին։ Խորհրդանշանի մյուս անվանատարբերակն է «Սողոմոն թագավորի կնիքը»։ Դավթի աստղը պատկերված է Իսրայելի պետական դրոշին, և այդ երկրի, ինչպես նաև հրեա ժողովրդի հիմնական խորհրդանշանների մեկն է։
1897 թվականին Առաջին սիոնիստական կոնգրեսն ընդունեց սիոնիստական շարժման դրոշի նախագիծը, որի կենտրոնում տեղադրված էր կապույտ Մագեն Դավիթը, և որն այսօր հայտնի է որպես Իսրայելի դրոշ։
