Gauli-Glaĉero
| Gauli-Glaĉero | ||
|---|---|---|
 Bärglistock kun Gauli-Glaĉero | ||
| glaĉero | ||
| Geografia situo | CH1903: 645475 / 162069 (mapo)46.6083333333338.0322222222222Koordinatoj: 46° 36′ N, 8° 2′ O; CH1903: 645475 / 162069 (mapo) | |
| ||
 Gauli-Glaĉero | ||
| Estiĝloko | Bärglistock | |
| Longeco | 6 km | |
| Larĝeco | 1,5 km | |
| Areo | 13,5 km² | |
| Glacikvanto | 2 km³ | |
| Elfluanto(j) | Ürbachwasser→Aro | |
| Jara retiriĝo/kresko | 100 m en 2007 | |
| Glaĉeroj de Svislando | ||
Gauli-Glaĉero (germane Gauligletscher) estas valglaĉero en Berna Oberlando, Kantono Berno, Svislando. La glaĉero havas longecon de 6 km, averaĝan larĝecon de 1,5 km kaj kun flankglaĉeroj surfacon de proksimume 13,5 km². Ĝi situas sur la teritorio de la komunumo Innertkirchen.
Priskribo
[redakti | redakti fonton]Gauli-Glaĉero havas sian originon ĉe la orienta flanko de Bärglistock kaj la suda flanko de Rosenhorn, kiu apartenas al la Wetterhorn-grupo, je alteco de proksimume 3400 m. En sia estiĝregiono la glaĉero estas ligita per firnkovritaj krestoj okcidente kun la Supra Grindelwald-Glaĉero kaj norde kun Rosenlaui-Glaĉero. Gauli-Glaĉero fluas orienten kaj estas flankita norde de Hangendgletscherhorn (3292 m s.m.), sude de Ewigschneehorn (3329 m s.m.), Trifthorn (3230 m s. m.) kaj Hienderstock (3307 m). La glaĉero estas aldone nutrita de la suda valdeklivo, kiu estas preskaŭ komplete kovrita de firnglaĉeroj kroman glacinutraĵon. La plej signifa de ĉi-tiuj tributglaĉeroj estas la Grienbärgli-Glaĉero, kies origino situas inter Ewigschneehorn kaj Trifthorn. La lango de Gauli-Glaĉero finiĝas nuntempe je 2150 m kaj deidiĝas en du lagojn, kiuj estiĝis nur en la dua duono de la 20-a jarcento post retiriĝo de la glaĉero. El ĉi-tiuj lagoj elfluas la rivero Ürbachwasser, kiu en Innertkirchen alfluas al Aro.
Altmontara turismo
[redakti | redakti fonton]Norde de la glaĉerlango situas sur 2205 m s.m. la Gauli-Kabano de la Svisa Alpismo-Klubo (SAC). La kabano estas elirejo por glaĉer- kaj montturoj en la kolektaregiono de Gauli-Glaĉero.
Eksteraj ligiloj
[redakti | redakti fonton]- Satelita bildo sur Google-Mapo
- Flugbildoj de Gauli-Glaĉero
- Gauli-Glaĉero sur la Svisa Glaĉermezurreto de ETH-Zuriko
- Naturdanĝeroj de Gauli-Glaĉero laŭ ETH-Zuriko
