Olav Gjærevoll
| Olav Gjærevoll | |||
 | |||
| Fødd | 24. september 1916 Alvdal, Tynset kommune | ||
|---|---|---|---|
| Død | 30. august 1994 Trondheim | ||
| Nasjonalitet | Noreg | ||
| Yrke | politikar, professor, botanikar, faglitterær forfattar | ||
| Institusjonar | Noregs teknisk-naturvitskaplege universitet | ||
| Alma mater | Universitetet i Oslo Uppsala universitet | ||
| Medlem | Det Norske Videnskaps-Akademi Det Kongelige Norske Videnskabers Selskab | ||
| Verv | Ordførar i Trondheim 1958-1963 | ||
| Føregangar | John Aae | ||
| Etterfylgjar | Odd Sagør | ||
Olav Gjærevoll (24. september 1916–30. august 1994), fødd i Tynset, død i Trondheim, var ein norsk botanikar og politikar for Arbeidarpartiet.
Han var utdanna cand.real frå Universitetet i Oslo i 1947. Ved Uppsala universitet tok han graden fil.lic i 1955, og doktorgrad i 1956. Han var tilsett som konservator ved Vitskapsmuseet i Trondheim frå 1947 til 1979. I tillegg hadde han ei professorstilling ved Noregs lærarhøgskole frå 1958 til 1986. Som botanikar arbeidde han mest med planter til fjells, og i arktiske strok. Utanom dei meir faglege publikasjonane, skreiv han også populærvitskaplege bøker, og dreiv opplysingsarbeid om botanikk. Hans Fjellflora (skrive saman med Reidar Jørgensen, illustrert av Dagny Tande Lid) har fast plass i lomma hos mange fjellvandrarar.
Gjærevoll var ordførar i Trondheim frå 1958 til 1963, og frå 1979 til 1981. Han var sosialminister frå 1963 til 1965, med kort avbrot av John Lyng si regjering. Frå 1965 til 1969 møtte Gjærevoll på Stortinget som fast representant for Sør-Trøndelag. I Trygve Bratteli si første regjering var han statsråd i Løns- og prisdepartementet frå 1971 til 1972, til han 8. mai 1972 blei utnemnd til den første miljøvernministeren i Noreg og i verda. Han hadde denne posten i fem månader, til regjeringa Bratteli gjekk av i oktober 1972 etter Folkeavstemminga i 1972 om Noreg sitt medlemskap i EF.
Bakgrunnsstoff
[endre | endre wikiteksten]- Stortinget.no - Biografi
- Olav Gjærevoll sitt private arkiv finst ved Universitetsbiblioteket i Trondheim
- Einskildmenn
- Fødde i 1916
- Døde i 1994
- Norske løns- og prisministrar
- Norske miljøvernministrar
- Norske sosialministrar
- Ap-statsrådar
- Statsrådar i Regjeringa Gerhardsen III
- Statsrådar i Regjeringa Gerhardsen IV
- Statsrådar i Regjeringa Bratteli I
- Stortingsrepresentantar frå Ap
- Stortingsrepresentantar for Sør-Trøndelag
- Stortingsrepresentantar 1965-1969
- Ordførarar i Trondheim
- Ap-ordførarar i Sør-Trøndelag
- Norske botanikkprofessorar
- Medlemmar av Det Norske Videnskaps-Akademi
- Norske motstandsfolk
- Folk frå Tynset
- Folk frå Trondheim