Elisabeth II. (Windsor)
![](http://upload.wikimedia.org/wikipedia/commons/thumb/5/5f/Elizabeth_II_greets_NASA_GSFC_employees%2C_May_8%2C_2007_edit.jpg/220px-Elizabeth_II_greets_NASA_GSFC_employees%2C_May_8%2C_2007_edit.jpg)
Elisabeth II. (* 21. April 1926 in Mayfair, London; † 8. September 2022 in Balmoral Castle engelsch: Elizabeth II; Elizabeth Alexandra Mary) ut dat Huus Huus Windsor weer de konstitutschonelle Monarkin vun 16 as Commonwealth Realms betekent souverään Staaten as ok deren Territorien un afhängig Rebeeden. Se is Böverhoopt vun den 53 Staaten umfaaten Commonwealth of Nations un weltlich Böverhoopt vun de anglikaansch Church of England, de Staatskark vun England.
To Tiet is Elisabeth II. in Personalunion Staatsböverhoopt vun folgen Staaten: Vereenigt Königriek vun Grootbritannien un Noordirland, Antigua un Barbuda, Australien, Bahamas, Barbados, Belize, Grenada, Jamaika, Kanada, Neeseeland, Papua-Niegguinea, St. Kitts un Nevis, St. Lucia, St. Vincent un de Grenadinen, Salomonen un Tuvalu. Blots in dat Vereenigte Königriek öövt se de hör towiest Rechte un Plichten sülvst ut (ok wenn de meest blots noch vun repräsentativ Aart sünd), in de övrig Commonwealth Realms wurrd se dör Generalgouverneure vertreden. Hör Herrschapsdüer is de bitlang längste vun all britisch Monarken.[1] Siet den Dood vun den saudschen König Abdullah an' 23. Januar 2015 is se de to Tiet öldste amteeren Monarkin up de Welt.[2]
Elisabeth stunn bi hör Gebort an dart Stäe vun de britisch Throonfolg. Hör Vader besteeg as Georg VI. den Throon, nahdem de sien öllere Bröer Eduard VIII. 1936 afdankt harr. As heiress presumptive (vörutsichtlich Throonfolgerin) fung se wiels den Tweeten Weltkrieg an, Upgaven in de Apenlichkeit wohrtonehmen, un deen in de Fruenafdeelen vun dat britisch Heer. 1947 hett se Prinz Philip vun Grekenland un Däänmark (den hüüdigen Herzog von Edinburgh) heiraadt, mit de se veer Kinner hett: Charles, Anne, Andrew un Edward.
Bi hör Throonbestiegen an' 6. Februar 1952 wurr Elisabeth Königin vun söben Commonwealth Realms (Königrieken). Hör Kröönung funn an' 2. Juni 1953 in de Westminster Abbey statt un weer de eerste, de in't Feernsehn överdragen wurr. Van 1956 bit 1992 änner sück de Tall vun de Commonwealth Realms fakener, wiel verscheeden britisch Kolonien unafhängig wurrn un mehrere Staaten sück vun Monarkien to Republieken wanneln dee. Bedüüdend politische Perzesse wiels hör Herrschap weern de Entkolonialisierung vun dat britisch Weltriek, de Kold Krieg un de Nordirlandkonflikt.
Up de persönlich Ebene muss sück Elisabeth mit de Ermordung vun Lord Mountbatten (den Unkel vun hör Mann) 1979 un dat Missglücken vun de Ehen vun hör Kinner 1992 (in dat so nömmt annus horribilis) utnannersetten. Se muss sück tonehmen Kritik vun de Medien an de Königsfamilie un wussen Tostimmung to en republikaansch Staatsform stellen, aber de Ünnerstütten för de Monarkie schient nich braaken to ween.
Kiek ok bi
[ännern | Bornkood ännern]Weblenken
[ännern | Bornkood ännern]- Websteed vun dat britisch Königshuus
- YouTube-Kanal vun dat britisch Königshuus
- Elisabeth II. (Windsor) in de Internet Movie Database (engelsch)
Enkeld Nahwiesen
[ännern | Bornkood ännern]- ↑ http://www.focus.de/wissen/mensch/tid-24946/60-thronjubilaeum-von-queen-elizabeth-von-reisepaessen-kanarienvoegeln-und-rentenanspruechen_aid_710280.html, Focus 2012, afropen an' 22. Februar 2014
- ↑ http://www.telegraph.co.uk/news/uknews/queen-elizabeth-II/11364902/Queen-becomes-worlds-oldest-monarch-following-death-of-King-Abdullah-of-Saudi-Arabia.html, The Daily Telegraph van' 23. Januar 2015 (engelsch), afropen an den sülvigen Dag