St. Vincent un de Grenadinen
| |||||
Wahlspröök: Pax et Justitia. Latiensch, „Freden un Gerechtigkeit“ | |||||
Natschonalhymne: St. Vincent Land So Beautiful | |||||
![]() | |||||
Hööftstadt | Kingstown 13° 10′ N, 61° 14′ W | ||||
Gröttste Stadt | Kingstown | ||||
Amtsspraak | Engelsch | ||||
Regeren König Premierminister |
Parlamentaarsch Monarkie Charles III. Ralph Gonsalves | ||||
Sülvstännigkeit |
27. Oktober 1979 vun dat | ||||
Grött • Allens • Water (%) |
389 km² ? % | ||||
Inwahnertall • 2008 afschätzt • Inwahnerdicht |
117.200 303,7/km² | ||||
Geldsoort | 1 Oostkaribischen Dollar = 100 Cent ( [[ISO 4217|]] )
| ||||
BBP | 559 Mio. US$ (170.) $ (2007) 5.229 US$ (76.) $ je Kopp | ||||
Tietzoon | UTC (UTC-4) | ||||
Internet-TLD | .vc | ||||
ISO 3166 | VC | ||||
Vörwahl | ++1 (784) kiek NANP
| ||||
![]() |
St. Vincent un de Grenadinen is en unafhängigen Inselstaat in den Commonwealth of Nations.
Geographie
[ännern | Bornkood ännern]De Staat liggt in de Karibische See un in de Gemarken vun de Westindischen Eilannen, in'n Süden vun St. Lucia. Dor höört de Insel St. Vincent to, un ok de 32 Inseln vun de nöördlichen Grenadinen, de nu wedder en Deel vun de Lüttjen Antillen sünd. De süüdlichen Grenadinen, mit de Eilannen Grenada, Carriacou un Petite Martinique höört to den Staat Grenada. Hööftstadt vun St. Vincent un de Grenadinen un ok de gröttste Stadt vun dat Land is Kingstown.
Politik
[ännern | Bornkood ännern]St. Vincent un de Grenadinen is Liddmaat vun de Vereenten Natschonen, de Karibische Meenheit (CARICOM), de Organisatschoon vun Oostkaribische Staten (OECS), de Organisatschoon vun Amerikaansche Staten (OAS) un vun den Commonwealth. Bovenhen höört vdat Land to de Staten to, de de University of the West Indies unnerholen doot.
Dat Land is en Parlamentaarsche Monarkie un Hööft vun den Staat is König Charles III. vun dat Vereenigte Königriek. Ehre herrschop up de Eilannen warrt utöövt vun ehren generalgouverneur Frederick Ballantyne. Baas vun de Regeerung is Ralph Gonsalves.
Dat Parlament driggt den Naam vun dat House of Assembly. Dor höört 21 Liddmaten to. All fiev Johre weert 15 vun jem wählt un sess beropen. Wählen dröövt all Lüde, wenn se 18 Johre oolt wurrn sünd. De lesten Wahlen sünd an'n 7. Dezember 2005 ween. De United Labour Party ULP hett 12 Sitte kregen, de New Democratic Party man bloß dree.
Inwahners
[ännern | Bornkood ännern]65,5 % vun all Inwahners sünd Lüde, de ehre Vörwesers ut Afrika stammen doot. Um un bi 19 % sünd Mulatten. Bovenhen gifft dat 5,5 % Inders un bi 3,5 % Witte. Alltohopen leevt bi 117.000 Inwahners in den Inselstaat. Jedet Johr weert dat bi 0,3 % mehr. 2002 weer dat so, datt 43 % vun de Inwahners up'n Lanne leevt hefft un 57 % in'e Stadt.
Gloven
[ännern | Bornkood ännern]Bi 80 % vun all Inwahners höört to den Protestantismus, dormank bi 40 % to de Anglikaansche Kark, 30 % to de Methodisten, bi 11 % to de Röömsch-kathoolsche Kark. 0,5 % höört to Jehova siene Tügen.
Geschichte
[ännern | Bornkood ännern]![](http://upload.wikimedia.org/wikipedia/commons/thumb/3/3c/Port_Elizabeth%2C_Bequia.jpg/220px-Port_Elizabeth%2C_Bequia.jpg)
Vör de Kolonisatschoon hefft Indianers vun dat Arawak-Volk up de Eilannen wahnt. Se sünd um un bi 700 v. Chr. hier ankamen. Um 800 n. Chr. hefft de Kariben jem dor verdreven. As Kolumbus de Inseln an den Sant-Vinzenz-Dag 1498 funnen hett, regeern dor de Kariben. An'n Anfang vun dat 17. Johrhunnert harrn Frankriek un Grootbritannien dat up de Eilannen afsehn. Mol hett een vun düsse Königrieke dor de Hand up harrt, mol weern dat wedder de Kariben. 1783 hett Frankriek St. Vincent denn an Grootbritannien aftreden.
Al fröh gung dat los, un up de Eilannen is vun de Europäers Zuckerrohr anboot wurrn. Dor möss de meiste Arbeit bi vun Slaven ut Afrika maakt weern. 1635 is en Schipp mit Slaven vör St. Vincent up Grund lopen. De Swarten hefft sik mit de inheemschen „geelen Kariben“ mischt un dor sünd denn de so nömmten „Swarten Kariben“ vun kamen.
Dat duer nich lang, denn geev dat mehr Afrikaners up de Eilannen, as Europäers oder Indianers. Dormit all Inwahners satt weern konnen, sünd jummers nee Planten up de Inseln inföhrt wurrn, unner annern de Brootfrucht. William Bligh, vördem Kaptein vun de beröhmte Bounty, hett se 1793 up siene „Tweede Brootfruchtreise“ na de Inseln bröcht. 1838 is de Slaveree up St. Vincent afschafft wurrn. Nu hefft sik de Grootbuern Verdragarbeiders ut Indien hoolt. Um de Midden vun dat 19. Johrhunnert sund ok allerhand Lüde ut Portugal inwannert. All hefft se sik mischt un so is de hüdige „Vincentianer“ tostanne kamen. Bit 1969 is St. Vincent en brietsche Kolonie bleven, denn hett dat wiethen Autonomie kregen. Unafhängig wurrn is de Staat unner den ne'en Naam St. Vincent un de Grenadinen an'n 27. Oktober 1979.
Weblenken
[ännern | Bornkood ännern]![](http://upload.wikimedia.org/wikipedia/commons/thumb/4/4a/Commons-logo.svg/20px-Commons-logo.svg.png)
- Offizielle Websteed vun de Regeerung
- Informatschonen vun dat Utwärtige Amt
- Websteed vun dat Tourismusministerium
Antigua un Barbuda | Bahamas | Barbados | Dominica | Dominikaansche Republiek | Grenada | Haiti | Jamaika | Kuba | St. Kitts un Nevis | St. Lucia | St. Vincent un de Grenadinen | Trinidad un Tobago
Afhängige Rebeden: Amerikaansche Jumferninseln | Anguilla | Aruba | Britsche Jumferninseln | Curaçao | Guadeloupe | Kaimaninseln | Martinique | Montserrat | Navassa | Puerto Rico | St. Maarten | Turks- un Caicosinseln
Antigua un Barbuda | Australien | Bahamas | Bangladesch | Barbados | Belize | Botsuana | Brunei | Dominica | Fidschi | Gambia | Ghana | Grenada | Guyana | Indien | Jamaika | Kamerun | Kanada | Kenia | Kiribati | Lesotho | Malawi | Malaysia | Malediven | Malta | Mauritius | Mosambik | Namibia | Nauru | Neeseeland | Nigeria | Pakistan | Papua-Neeguinea | Ruanda | Salomonen | Sambia | Samoa | Seychellen | Sierra Leone | Singapur | Sri Lanka | St. Kitts un Nevis | St. Lucia | St. Vincent un de Grenadinen | Süüdafrika | Swasiland | Tansania | Tonga | Trinidad un Tobago | Tuvalu | Uganda | Vanuatu | Vereenigt Königriek vun Grootbritannien un Noordirland | Zypern