വി.വി. ഗിരി
വി.വി.ഗിരി എന്നറിയപ്പെടുന്ന വരാഹഗിരി വെങ്കട ഗിരി(തെലുഗ്: వరాహగిరి వేంకట గిరి) (ഓഗസ്റ്റ് 10, 1894 - ജൂൺ 23, 1980) സ്വതന്ത്ര ഇന്ത്യയുടെ നാലാമത് രാഷ്ട്രപതി ആയിരുന്നു. 1975-ൽ ഭാരതരത്നം പുരസ്കാരം ലഭിച്ചിട്ടുണ്ട്. ആക്ടിംഗ് പ്രസിഡന്റ് സ്ഥാനം വഹിച്ച വ്യക്തിയായ ഇദ്ദേഹമാണ് ഏറ്റവും കുറഞ്ഞ ഭൂരിപക്ഷത്തിൽ ഇന്ത്യൻ രാഷ്ട്രപതിയായത്.
ഇദ്ദേഹം ഉത്തർ പ്രദേശ്(1957-1960), കേരളം (1960-1965) എന്നീ സംസ്ഥാനങ്ങളുടെയും ,മൈസൂരിന്റെയും (1965-1967) ഗവർണർ ആയും സേവനം അനുഷ്ടിച്ചിട്ടുണ്ട്.
മുൻകാലജീവിതം
[തിരുത്തുക]ഒഡിഷയിലെ ബർഹാമ്പൂരിൽ തെലുഗു ദമ്പതികളുടെ മകനായി ജനിച്ചു. ഇന്ത്യൻ നാഷനൽ കോൺഗ്രസ്സിന്റെ പ്രവർത്തകനായ അഭിഭാഷകനായിരുന്നു പിതാവായ വി. വി. ജോഗയ്യ പാണ്ടുലു. ഗിരിയുടെ മാതാവ് സ്വാതന്ത്ര്യസമരത്തിലെ നിസ്സഹകരണ പ്രസ്ഥാനത്തിലും മറ്റും പ്രവർത്തിച്ച് ജയിൽവാസം അനുഭവിച്ച ബെർഹാമ്പൂരിലെ സ്വാതന്ത്ര്യ സമരനായികയായ സുഭദ്രാമ്മ ആയിരുന്നു. [1]
ഗിരി സരസ്വതിഭായിയെ വിവാഹം കഴിച്ചു. അവർക്ക് 14 മക്കൾ ഉണ്ടായിരുന്നു. [2]
ബെർഹാമ്പൂരിലെ ഖല്ലിക്കോട്ടെ കോളേജിലാണ് ഇന്ത്യയിലെ തന്റെ വിദ്യാഭ്യാസം പൂർത്തിയാക്കിയത്. [3] തുടർന്ന് 1913ൽ അദ്ദേഹം നിയമം പഠിക്കാനായി അയർലന്റിലെ ഡബ്ലിനിലെ യൂണിവേഴ്സിറ്റി കോളേജിൽ ചേർന്നു. 1913-1916 വരെ അവിടെ പഠിച്ചു. [4] അവിടുത്തെ Sinn Féin പ്രസ്ഥാനവുമായി അടുത്തതിനാൽ അദ്ദേഹത്തെ ഡബ്ലിനിൽനിന്നും 1916ൽ നാടുകടത്തി. [5][6][7]
ഔദ്യോഗിക ജീവിതം
[തിരുത്തുക]ഡബ്ലിനിൽനിന്നും ഇന്ത്യയിൽ വന്നശേഷം അദ്ദേഹം മദ്രാസ് ഹൈക്കോടതിയിൽ അഭിഭാഷകനായിച്ചേർന്നു.[8] അതിനോടൊപ്പം അദ്ദേഹം കോൺഗ്രസ്സ് പാർട്ടിയിൽ പ്രവർത്തിക്കാനും തുടങ്ങി. ആ പാർട്ടിയുടെ ലക്നോ സമ്മേളനത്തിൽ സംബന്ധിക്കുകയും ആനി ബസന്റിന്റെ ഹോം റൂൾ പ്രസ്ഥാനത്തിൽ ചേരുകയും ചെയ്തു. [9]
തൊഴിലാളിപ്രസ്ഥാനത്തിലുള്ള പങ്ക്
[തിരുത്തുക]തന്റെ ജീവിതത്തിലുടനീളം തൊഴിലാളിപ്രസ്ഥാനപ്രവർത്തനങ്ങളിൽ അദ്ദേഹം മുഴുകിയിട്ടുണ്ട്. [10] ഗിരി, 1923ൽ സ്ഥാപിച്ച All India Railwaymen’s Federation ന്റെ സ്ഥാപകനും പത്തുവർഷത്തോളം അതിന്റെ ജനറൽ സെക്രട്ടറിയും ആയിരുന്നു. [11][12][13]
പ്രത്യേകതകൾ
[തിരുത്തുക]- ഇന്ത്യയുടെ ആദ്യത്തെ ആക്ടിംഗ് രാഷ്ട്രപതി.
- 1967 മുതൽ 1969 വരെ ഉപരാഷ്ട്രപതിയായിരിക്കുകയും ഉപരാഷ്ട്രപതിസ്ഥാനം രാജിവച്ച് രാഷ്ട്രപതിയാവുകയും ചെയ്ത ആദ്യവ്യക്തി.
- ഏറ്റവും കുറച്ച് ഭൂരിപക്ഷത്തിൽ വിജയിച്ച രാഷ്ട്രപതി.
- നെഹ്രുമന്ത്രിസഭയിൽ തൊഴിൽ വകപ്പ് കൈകാര്യം ചെയ്തിരുന്നതും പിന്നീട് ശ്രീലങ്കയിലെ ഇന്ത്യൻ ഹൈക്കമ്മീഷണറാകുകയും ചെയ്തശേഷം രാഷ്ട്രപതിയായ വ്യക്തി.
- ഒറീസയിൽ ജനിച്ച രാഷ്ട്രപതി.
- കേരളത്തിൽ ഗവർണ്ണർ പദവി അലങ്കരിച്ചിട്ടുള്ള രാഷ്ട്രപതി.
- 1971 ലെ അടിയന്തരാവസ്ഥ സമയത്തെ ഇന്ത്യൻ രാഷ്ട്രപതി.
- ജോബ് ഫോർ മില്ല്യൺസ് എന്ന ഗ്രന്ഥത്തിന്റെ കർത്താവ്.
References
[തിരുത്തുക]- ↑ Sarma, Bina Kumari (August 2010). "Women's Role in the Freedom Movement in South Orissa" (PDF). Orissa Review: 34–35. Retrieved 8 February 2015.
- ↑ P. Rajeswar Rao (1991). The Great Indian Patriots. Mittal Publications. p. 282. ISBN 978-81-7099-280-6.
- ↑ "Varahagiri Venkata Giri". Encyclopaedia Britannica. Retrieved 8 February 2015.
- ↑ "University College Dublin announces special scholarships for Indian students". India Today. 6 November 2013. Retrieved 8 January 2015.
- ↑ Cockburn, Alexander (25 March 2005). "Why Indian Farmers Kill Themselves; Why Lange's Photographs are Phony". Counter Punch. Retrieved 19 January 2015.
- ↑ Brigadier Samir Bhattacharya (December 2013). NOTHING BUT!. Author Solutions. pp. 636–. ISBN 978-1-4828-1626-6.
- ↑ Harris M. Lentz (4 February 2014). Heads of States and Governments Since 1945. Taylor & Francis. pp. 1538–. ISBN 978-1-134-26497-1.
- ↑ "Worker's leader who turned President". The Deccan Herald. 8 August 2004. Archived from the original on 2016-08-27. Retrieved 24 January 2015.
- ↑ Janak Raj Jai (1 January 2003). Presidents of India, 1950-2003. Regency Publications. p. 76. ISBN 978-81-87498-65-0.
- ↑ Shukla, Chandrashanker (March 1951). Reminiscences of Gandhiji (PDF). Bombay: Vora & Co. p. 108. Retrieved 15 January 2015.
- ↑ "President of India speaking!". taxindiaonline.com. Retrieved 8 February 2015.
- ↑ S. Chandrasekhar (1985). Dimensions of Socio-political Change in Mysore, 1918-40. Ashish Publishing House. pp. 113–. ISBN 978-0-8364-1471-4.
- ↑ "A principled politician". The Hindu. 23 September 2002. Archived from the original on 2002-10-28. Retrieved 8 February 2015.
| രാഷ്ട്രപതി | |
|---|---|
| താൽകാലിക രാഷ്ട്രപതി | |
|
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |