Միրա Ալեչկովիչ

Միրա Ալեչկովիչ; սերբ.՝ Мира Алечковић
Ծննդյան անուն	Мирослава Алечковић
Ծնվել է	փետրվարի 2, 1924
Ծննդավայր	Նովի Սադ, Սերբերի, խորվաթների և սլովակների թագավորություն
Վախճանվել է	փետրվարի 26, 2008 (84 տարեկան) կամ փետրվարի 27, 2008 (84 տարեկան)
Վախճանի վայր	Բելգրադ, Սերբիա
Գերեզման	Բելգրադի նոր գերեզմանատուն
Մասնագիտություն	բանաստեղծուհի և գրող
Լեզու	սերբերեն
Քաղաքացիություն	Սերբիա
Կրթություն	Բելգրադի համալսարան
Ժանրեր	պոեզիա և արձակ
Անդամակցություն	Սերբական գիտությունների և արվեստների ակադեմիա և Սերբիայի գրողների միություն
Պարգևներ	և
	Mira Alečković Վիքիպահեստում

Միրա Ալեչկովիչ (սերբ.՝ Мира Алечковић, փետրվարի 2, 1924(1924-02-02)^[1], Նովի Սադ, Սերբերի, խորվաթների և սլովակների թագավորություն^[1] - փետրվարի 26, 2008(2008-02-26)^[1] կամ փետրվարի 27, 2008(2008-02-27)^[2]^[3], Բելգրադ, Սերբիա^[1]), սերբիացի և հարավսլավացի գրող, բանաստեղծուհի։ Սերբիայի գիտությունների և արվեստի ակադեմիայի անդամ։ Հարավսլավիայի գրողների միության նախագահ։

Կենսագրություն

Միրա Ալեչկովիչը ծնվել է 1924 թվականին Նովի Սադում։ Սովորել է Բելգրադի համալսարանի սլավոնական գրականության ֆակուլտետում, հայտնի լեզվաբան, ակադեմիկոս և Բելգրադի համալսարանի պրոֆեսոր Ալեքսանդր Բելիչի մոտ։

1941 թվականին դարձել է Հարավսլավիայի երիտասարդական կոմունիստական միության անդամ։

Միրա Ալեչկովիչը եղել է պոլիգլոտ, ազատ տիրապետել է մի շարք լեզուների՝ ֆրանսերենի, գերմաներենի, անգլերենի, ռուսերենի, իտալերենի, լեհերենի, չեխերենի, մակեդոներենի, սլովեներենի և սլովակերենի։

Երկրորդ համաշխարհային պատերազմի սկսվելուց հետո մասնակցել է պարտիզանական պայքարին, եղել է գործող բանակի բուժքույր։ Պատերազմից հետո խաղաղության հաստատման համար մասնակցել բազմաթիվ արշավների, կապ հաստատել տարբեր երկրների հումանիստների, գրողների և արվեստագետների հետ, մասնակցել տարբեր սոցիալական և գրական գործունեությունների։ Նախագահել է Հարավսլավիա-Ֆրանսիա բարեկամություն միությունը։

Խմբագրել է բազմաթիվ երիտասարդական ամսագրեր («Omladina» (Երիտասարդություն), «Pionir» (Պիոներ), «Mladost» (Ջահելություն) և «Poletarac» (Ճուտիկ))։ Եղել է Սերբիայի գրողների միության քարտուղար, հետագայում՝ փոխնախագահ և նախագահ և Հարավսլավիայի գրողների միության նախագահ։

1946 թվականին շարունակել է ուսումը Բելգրադի համալսարանում, 1953 թվականին՝ Սորբոնում։

Մահացել է 2008 թվականին Բելգրադում։ Թաղված է Բելգրադի նոր գերեզմանատան պատվո արահետում։ Թաղման արարողակարգը կատարվել է զինվորական հարգանքի տուրքի մատուցմամբ։

Ստեղծագործություն

Միրա Ալեչկովիչը երեխաների և մեծահասակների համար նախատեսված 53 գրքերի հեղինակ է։ Նրա աշխատանքի մեծ մասը բաղկացած է պոեզիայից։ Առաջին ժողովածուն հրատարակվել է 1946 թվականին։ Ալեչկովիչի պոեզիան, հիմնականում, նվիրված է սիրո և մանուկների թեմաներին, գովաբանել է հարավսլավական և միջազգային բանվորական շարժման գործիչ Իոսիպ Տիտոյին։

Նրա պոեզիան և արձակը թարգմանվել են ավելի քան 20 լեզուներով (ռուսերեն, բուլղարերեն, ռումիներեն, հունգարերեն, լեհերեն, չեխերեն, մոնղոլերեն, իտալերեն և Հարավսլավիայի ժողովուրդների և ազգերի բոլոր լեզուներով։

Հարավսլավիայի Սոցիալիստական Ֆեդերատիվ Հանրապետությունում նա մեծ ճանաչում է ձեռք բերել, հատկապես իր մանկական ստեղծագործություններով, պարտիզանական և մանկական երգերով։

Ստեղծագործություններ

1946 Zvezdane balade
1955 Pionirsko proleće
1956 Prijatelji
1957 Lastavica
1963 Srebrni voz
1970 Sunčani soliteri
1972 Da život bude ljubav
1975 Sanjalica
1980 Ne mogu bez snova
1982 Staza srebrom izvezena

Վեպեր

1953 Srebrna Kosa
1960 Zbogom velika tajno
Zašto grdiš reku?
Jutro

Պարգևներ

Պատվավոր Լեգեոնի շքանշան ասպետ
Պատվավոր Լեգեոնի շքանշան կոմանդոր
Ակադեմիական արմավների շքանշան
Հայրենական պատերազմի շքանշան
Առյուծի ազգային շքանշան (Սենեգալ)
1950 թվականին ազգային մրցանակ բանաստեղծությունների հավաքածուի համար
1953 թվականին «Մանկական գիրք» մրցանակ «Արծաթե մազ» վեպի համար
1964 թվականին Երեխաների համար լավագույն երգերի մրցանակ
1965 թվականին Պիստոե միջազգային բանաստեղծական մրցույթի ոսկե մեդալ
1966 թվականին «Պիոներ» խորհրդային մանկական ամսագրի առաջին մրցանակ
Բելգրադ քաղաքի հոկտեմբերյան պարգև

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Deutsche Nationalbibliothek Record #1023008416 // Gemeinsame Normdatei (գերմ.) — 2012—2016.
↑ ^2,0 ^2,1 ^2,2 Library of Congress Authorities — Library of Congress.
↑ ^3,0 ^3,1 ^3,2 ПроДетЛит (ռուս.) — 2019.

Արտաքին հղումներ

Վիքիպահեստն ունի նյութեր, որոնք վերաբերում են «Միրա Ալեչկովիչ» հոդվածին։

[_ad7fcad00e715ddb-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Deutsche Nationalbibliothek Record #1023008416 // Gemeinsame Normdatei (գերմ.) — 2012—2016.

[_46ca54eef6f253e9-2] 2,0 ^2,1 ^2,2 Library of Congress Authorities — Library of Congress.

[_25f5d107f8ea5bd4-3] 3,0 ^3,1 ^3,2 ПроДетЛит (ռուս.) — 2019.

[1]

[2]

[3]