Эрнест Томас Сінтан Уолтан

Эрнест Томас Сінтан Уолтан
англ.: Ernest Thomas Sinton Walton
Выдатны вучоны-фізік, лаўрэат Нобелеўскай прэміі
Дата нараджэння	6 кастрычніка 1903(1903-10-06)[…]
Месца нараджэння	Abbeyside[d], Злучанае каралеўства Вялікабрытаніі і Ірландыі
Дата смерці	25 чэрвеня 1995(1995-06-25) (91 год)
Месца смерці	Белфаст, акруга Белфаст[d], Паўночная Ірландыя, Вялікабрытанія
Месца пахавання	Deans Grange Cemetery[d]
Грамадзянства	Ірландыя  Злучанае каралеўства Вялікабрытаніі і Ірландыі  Ірландская Свабодная дзяржава
Жонка	Winifred Walton[d]
Род дзейнасці	фізік, выкладчык універсітэта
Навуковая сфера	фізіка, ядзерная фізіка і фізіка элементарных часціц
Месца працы	Кембрыджскі ўніверсітэт Трыніці-каледж[d]
Альма-матар	Трыніці-каледж (1931) Methodist College Belfast[d] (1922) Трыніці-каледж[d] (1927) Cookstown High School[d]
Навуковы кіраўнік	Эрнест Рэзерфорд
Вядомы як	Генератар Кокрафта — Уолтана, трансмутацыя атамных ядраў
Узнагароды	медаль Х’юза (1938)
Медыяфайлы на Вікісховішчы

Эрнест Томас Сінтан Уолтан (англ.: Ernest Thomas Sinton Walton; 6 кастрычніка 1903 — 25 чэрвеня 1995) — выдатны ірландскі фізік, лаўрэат Нобелеўскай прэміі па фізіцы (1951) (сумесна з Джонам Кокрафтам).

Біяграфія

Эрнест Уолтан нарадзіўся ў мястэчку Дунгарван ў Ірландыі. Яго бацька быў святаром метадысцкай царквы. Амаль усё сваё дзяцінства Уолтан правёў у Ольстэры. У той час было прынята, што сем'і святароў пераязджалі з месца на месца кожныя 3 гады. У выніку, Эрнест вучыўся ў некалькіх школах у графствах Доўні і Тыран і ў Дубліне. З 1915 да 1921 года ён вучыўся ў метадысцкім каледжы Белфаста. У 1922 годзе Уолтан выйграў стыпендыю і пачаў вывучаць фізіку і матэматыку ў Трыніці-каледжы Дубліна, дзе атрымаў дыплом бакалаўра ў 1926 годзе і магістэрскі дыплом у 1927 годзе. За гады навучання ў Трыніці-каледжы Уолтан атрымаў сем узнагарод за поспехі ў вывучэнні фізікі і матэматыкі. Пасля атрымання дыплома Уолтан быў прыняты ў аспірантуру Кембрыджскага ўніверсітэта ў Кавендышскую лабараторыю пад кіраўніцтва Эрнэстa Рэзерфордa. Уолтан атрымаў ступень доктара філасофіі ў 1931 годзе і прапрацаваў даследчыкам ў Кембрыджы да 1934 года.

Эрнест Уолтан вярнуўся назад у Ірландыю ў 1934 г. і стаў членам факультэта фізікі Трыніці каледжа ў Дубліне. У 1946 ён быў прызначаны прафесарам з ганаровым званнем прафесар натуральнай і эксперыментальнай філасофіі Трыніці каледжа ў Дубліне. Уолтан быў выдатным лектарам, ён умеў падаць складаныя пытанні фізікі ў простай і лёгкай для разумення манеры. Аднак, магчымасці для правядзення эксперыментальных даследаванняў у Дубліне былі вельмі абмежаваныя. Уолтан займаўся даследаваннямі эфекту фасфарэсцэнцыі ў шкле, другаснай электроннай эмісіі з паверхні пад уздзеяннем іоннай бамбардзіроўкі і развіццём метаду радыевугляроднай даціроўкі і метадаў вымярэння радыеактыўнасці (low level counting) тонкіх плёнак на шкле.

Літаратура

• Cathcart, Brian, The Fly in the Cathedral, Penguin, 2005. ISBN 0-14-027906-7
• McBrierty, Vincent J., Walton, The Irish Scientist, Trinity College Dublin Press, 2003. ISBN 1-871408-22-9

Спасылкі

• Біяграфія Эрнеста Т. С. Уолтана на сайце Нобелеўскага камітэта (англ.)
• Бібліяграфія прац (з каментарамі) Эрнеста Уолтана з лічбавай бібліятэкі па ядзерных даследаваннях Алсас Архівавана 28 жніўня 2006.