Франсуа Энглер

Франсуа Энглер
фр.: François Englert
Дата нараджэння	6 лістапада 1932(1932-11-06) (92 гады)
Месца нараджэння	Этэрбек[d], правінцыя Брабант[d], Бельгія
Грамадзянства	Бельгія
Род дзейнасці	фізік, выкладчык універсітэта, фізік-тэарэтык
Навуковая сфера	тэарэтычная фізіка
Месца працы	Карнельскі ўніверсітэт Брусельскі свабодны ўніверсітэт Тэль-Авіўскі ўніверсітэт Чэпменскі ўніверсітэт[d]
Альма-матар	Брусельскі свабодны ўніверсітэт
Узнагароды	прэмія Вольфа па фізіцы (2004) прэмія Франкі[d] (1982) прэмія ў вобласці фізікі часціц і фізікі высокіх энергій[d] (1997) Прэмія Сакураі[d] (2010) Honorary doctor of the University of Mons[d] ганаровы доктар Пекінскага ўніверсітэта[d] (21 чэрвеня 2014) ганаровы доктар Эдынбургскага ўніверсітэта[d] (28 чэрвеня 2014) ганаровы доктар Універсітэта імя Бар-Ілана[d] (6 лютага 2015) ганаровы доктар Брусельскага вольнага ўніверсітэта[d] (2005) ганаровы доктар Універсітэта Маямі[d] (13 снежня 2018) honorary doctorate at the Blaise-Pascal university[d] (2013) Clarivate Citation Laureate[d] (2013)
Медыяфайлы на Вікісховішчы

Франсуа Энглер (фр.: François Englert, нар. 6 лістапада 1932) — бельгійскі фізік-тэарэтык, які спецыялізуецца ў галіне статыстычнай фізікі, квантавай тэорыі поля, касмалогіі, тэорыі струн і супергравітацыі, лаўрэат Нобелеўскай прэміі па фізіцы за 2013 сумесна з Пітэрам Хігсам за адкрыццё базона Хігса.

Біяграфія

Франсуа Энглер нарадзіўся ў 1932 годзе ў Этэрбеке (адзін з раёнаў Бруселя) у яўрэйскай сям’і. Падчас нацысцкай акупацыі Бельгіі Энглер, хаваючы сваё яўрэйскае паходжанне, жыў у розных сірочых прытулках і дзіцячых дамах бельгійскіх гарадоў Дзіна, Люстэн, Стумон і, Анвуа-Руён, дзе быў вызвалены амерыканскімі войскамі.

У 1955 годзе Энглер скончыў франкамоўны Брусельскі свабодны ўніверсітэт па спецыяльнасці інжынера-электрамеханіка. Там жа ў 1959 годзе атрымаў ступень PhD ў галіне фізікі. З 1959 па 1961 гады працаваў у Карнельскім універсітэце, быўшы спачатку асістэнтам Роберта Браута, а потым у якасці ад’юнкт-прафесара. Пасля Энглер вярнуўся ў Брусельскі ўніверсітэт, дзе атрымаў прафесарскую пасаду. У 1980 годзе ён сумесна з Робертам Браутам сфармаваў даследчую групу. У 1998 годзе Энглер атрымаў пасаду ганаровага прафесара.

З 2011 года ён займае пасаду запрошанага прафесара ў Чэпменскім універсітэце ў Каліфорніі. Акрамя таго, з 1984 года ён з’яўляецца прафесарам каледжа фізікі і астраноміі Тэль-Авіўскага універсітэта.

Спасылкі

• Механізм Браўта-Энглера-Хігса на рэсурсе Scholarpedia