Блужскі Бор

Вёска Блужскі Бор Блужскі Бор, ускраіна вёскі, 2007 г. Краіна Беларусь Вобласць Мінская Раён Пухавіцкі Сельсавет Блужскі Каардынаты 53°27′20″ пн. ш. 28°20′26″ у. д. Водныя аб’екты Свіслач Насельніцтва ▼5 чал. (2019) Часавы пояс UTC+3 Тэлефонны код +375 1713 Аўтамабільны код 5 Блужскі Бор на карце Беларусі ±

Блужскі Бор на Вікісховішчы

Блу́жскі Бор (трансліт.: Blužski Bor, руск.: Блужский Бор) — вёска ў Пухавіцкім раёне Мінскай вобласці. Уваходзіць у склад Блужскага сельсавета. Месціцца за 15 км на паўднёвы ўсход ад Мар’інай Горкі, 57 км ад Мінска, 9 км ад чыгуначнай станцыі Талька, каля ракі Свіслач.

Назва

Назва паходзіць ад прыродных асаблівасцяў мясцовасці.

Гісторыя

Рака Свіслач каля Блужскага Бору

За 1,5 і 1,2 км на поўдзень ад вёскі месцяцца гарадзішча жалезнага веку і курган, што сведчыць пра даўнюю заселенасць гэтых земляў.

У XIX стагоддзі ўрочышча ў Пухавіцкай воласці Ігуменскага павета Мінскай губерні.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. З 20 жніўня 1924 года ў Талькаўскім сельсавеце Пухавіцкага раёна Менскай акругі (да 26 ліпеня 1930), з 20 лютага 1938 года ў Менскай вобласці.

У Другую сусветную вайну з канца чэрвеня 1941 года да 3 ліпеня 1944 года вёска пад акупацыяй Германіі. У ваколіцах вёскі дзейнічалі савецкія партызанскія брыгады «Буравеснік» і 2-я Мінская. У траўні 1943 года нямецкія войскі спалілі 13 з 22 дамоў, забілі 23 жыхароў.

З 30 кастрычніка 2009 года вёска ўваходзіла ў складзе Блужскага сельсавета.

Насельніцтва

• 1897 год — 10 двароў, 75 жыхароў
• 1917 год — 22 двары, 138 жыхароў
• 1960 год — 49 жыхароў
• 2002 год — 1 двор, 2 жыхары
• 2007 год — 1 гаспадарка, 2 жыхары
• 2010 год — 1 гаспадарка, 1 жыхар
• 2019 год — 5 жыхароў

Славутасці

• Археалагічныя помнікі (гарадзішча і курган)

Літаратура

• Блужскі Бор // Гарады і вёскі Беларусі. Т. 8 : Мінская вобласць, кн. 4 / Т.У. Бялова (галоўны рэдактар) і інш. — Мінск: Беларуская энцыклапедыя імя Петруся Броўкі, 2013. — С. 120—121. — 528 с. — 2 000 экз. — ISBN 978-985-11-0735-9.
• Памяць: Пухавіцкі раён: Гісторыка-дакументальныя хронікі гарадоў і раёнаў Беларусі / Укл. А. А. Прановіч; Рэдкал.: А. М. Карлюкевіч і інш.. — Мінск: Беларусь, 2003. — 749 с. — ISBN 985-01-0251-9.

Спасылкі

• На Вікісховішчы ёсць медыяфайлы па тэме Блужскі Бор