Ёсеф Вацлаў Мысльбек

Ёсеф Вацлаў Мысльбек
Josef Václav Myslbek
Дата нараджэння	20 чэрвеня 1848(1848-06-20)[…]
Месца нараджэння	Прага, Каралеўства Багемія, Землі багемскай кароны, Аўстрыйская імперыя
Дата смерці	2 чэрвеня 1922(1922-06-02)[…] (73 гады)
Месца смерці	Стара-Места, Прага 1, Прага, Чэхаславакія
Месца пахавання	Slavín[d]
Падданства	Аўстра-Венгрыя
Грамадзянства	Чэхаславакія
Бацька	Václav Myslbek[d]
Жонка	Karolina Myslbeková[d]
Дзеці	Karel Myslbek[d], Josef Myslbek[d] і Jiří Myslbek[d]
Род дзейнасці	скульптар, настаўнік
Месца працы	Вышэйшая школа прыкладнога мастацтва ў Празе Пражская акадэмія мастацтваў
Жанр	скульптура
Вучоба	Пражская акадэмія мастацтваў
Вядомыя працы	помнік Святому Вацлаву
Уплыў	Tomáš Seidan[d], Josef Matyáš Trenkwald[d] і Эрнст Юліус Хэнель
Уплыў на	Břetislav Benda[d]
Узнагароды
Подпіс
Медыяфайлы на Вікісховішчы

Ёсеф Вацлаў Мы́сльбек (чэшск.: Josef Václav Myslbek; 20 чэрвеня 1848 г. Прага, Аўстра-Венгрыя — 2 чэрвеня 1922, Прага, Аўстра-Венгрыя) — адзін з найбуйнейшых чэшскіх скульптараў XIX стагоддзі, заснавальнік чэшскай скульптурнай школы пачатку XX ст.

Скульптурныя кампазіцыі працы І. В. Мысльбека можна ўбачыць у самым цэнтры чэшскай сталіцы, у такіх яе выдатных месцах, як Нацыянальны тэатр, у Сабора Святога Віта, на Вацлаўскай плошчы і на пражскіх мастах. Гарачыя творы скульптара спрыялі культурнаму і палітычнаму адраджэнню чэшскага народа на мяжы XIX—XX стагоддзяў.

Біяграфія

І. В. Мысльбек нарадзіўся ў беднай сям'і і з фінансавых меркаванняў рана кінуў школу. Вучыўся на друкара, затым у 1864—1866 гадах на скульптара ў майстэрнях Т. Сейдана. Працаваў у Празе і ў Вене. У 1866 годзе ён пазнаёміўся з Вацлавам Левым, найбуйнейшым чэшскім скульптарам XIX стагоддзя, і да смерці апошняга ў 1870 годзе заставаўся яго вучнем. У 1868—1872 гадах навучаўся ў пражскай Акадэміі мастацтваў.

У 1885—1896 гадах Мысльбек — прафесар у Вышэйшай мастацкай школе Прагі, у 1896—1919 гадах — прафесар пражскай Мастацкай акадэміі.

У 1873 годзе Мысльбек адкрывае ў Празе сваю мастацкую майстэрню, дзе спецыялізуецца на вырабе бюстаў палітычных і рэлігійных дзеячаў свайго часу.

Творчасць

Зазнаў уплыў А. Радэна. У творчасці эвалюцыяніраваў ад рамантызму да рэалізму і неакласіцызму. Стварыў узнёслыя, манументальныя вобразы гістарычных дзеячаў Чэхіі і герояў народнага эпасу, якія спалучаюць сімвалічную абагульненасць трактоўкі з жыццёвай канкрэтнасцю. Сярод твораў: дэкаратыўныя скульптуры партала Нацыянальнага тэатра (1871—1872), скульптурныя групы на мосце Ф. Палацкага (1881—1897), помнік Св. Вацлаву (1888—1912), партрэтная статуя кардынала Шварцэнберга ў саборы Св. Віта (1891—95), помнік Ф. Л. Рыгеру (1903—1914; усе ў Празе), статуі для будынка парламента ў Вене (пачатак 1880-х гг.), серыя алегарычных статуй «Музыка» (1892—1912), партрэтныя бюсты, надмагіллі і інш.

Вядомыя вучні

• Бржэціслаў Бенда
• Богуміл Кафка
• Карал Покарны

Галерэя

• 
  Скульптурны аўтапартрэт, Прага
• 
  Пржэмысл і Лібуша, Прага, Вышаград
• 
  Св. Вацлаў, Прага, Вацлаўская плошча
• 
  Арда, Кошыцы
• 
  партрэтная статуя кардынала Шварцэнберга ў саборы Св. Віта (1891—95), Прага
• 
  Біскуп Ян Валяр'ян Іршык, Чэске-Будзеёвіцы
• 
  Адвазе і Славе (1881-1882), Прага

Літаратура

• Мысльбек Іозеф Вацлаў. Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• На Вікісховішчы ёсць медыяфайлы па тэме Ёсеф Вацлаў Мысльбек