Касьцюкоўка
| Касьцюкоўка | |
| трансьліт. Kaściukoŭka[a] | |
_(3).jpg)
| |
| Першыя згадкі: | 1873 |
| Краіна: | Беларусь |
| Вобласьць: | Гомельская |
| Раён: | Гомельскі |
| Гарадзкі савет: | Гомельскі |
| Плошча: | 4,36 км² |
| Насельніцтва (2016) | |
| колькасьць: | 9904 чал.[1] |
| шчыльнасьць: | 2271,56 чал./км² |
| Часавы пас: | UTC+3 |
| Тэлефонны код: | +375 232 |
| Паштовы індэкс: | 247045 |
| СААТА: | 3401655000 |
| Нумарны знак: | 3 |
| Геаграфічныя каардынаты: | 52°32′13″ пн. ш. 30°55′10″ у. д. / 52.53694° пн. ш. 30.91944° у. д.Каардынаты: 52°32′13″ пн. ш. 30°55′10″ у. д. / 52.53694° пн. ш. 30.91944° у. д. |
Касьцюкоўка на мапе Беларусі ±   Касьцюкоўка | |
 Галерэя здымкаў у Вікісховішчы
| |
Касьцюко́ўка — былое мястэчка[b] ў Беларусі, каля ракі Белічанкі. Падпарадкоўваецца Чыгуначнаму раённаму савету Гомелю і ўваходзіць у склад Гомельскага гарсавету. Насельніцтва на 2016 год — 9904 чалавек[1]. Знаходзіцца за 12 км паўночны захад ад Гомелю, чыгуначная станцыя на лініі Гомель — Жлобін, на аўтамабільнай дарозе Гомель — Магілёў.
Гісторыя
[рэдагаваць | рэдагаваць крыніцу]Упершыню Касьцюкоўка ўпамінаецца ў 1873 годзе як станцыя Лібаўска-Роменскай чыгункі. Неўзабаве пры станцыі ўтварылася паселішча, дзе адкрылася школа, працаваў млын. Адміністрацыйна Касьцюкоўка належала да Пакалюбіцкай воласьці Гомельскага павету Магілёўскай губэрні. Штогод з чыгуначнай станцыі вывозілі больш за 400 тыс. пудоў хлебных і лясных грузаў.
У лютым — сакавіку 1918 году Касьцюкоўку занялі нямецкія войскі, якія знаходзіліся ў паселішчы да 30 лістапада таго ж гоку. 25 сакавіка 1918 году згодна з Трэцяй Устаўной граматай Касьцюкоўка абвяшчалася часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яна ўвайшла ў склад Беларускай ССР, аднак 16 студзеня Масква адабрала паселішча разам зь іншымі этнічна беларускімі тэрыторыямі ў склад РСФСР. У 1926 годзе Касьцюкоўка вярнулася ў склад БССР, дзе з 1929 году стала пасёлкам работнікаў Гомельскага шклозаводу. У 1935 годзе Касьцюкоўка атрымала афіцыйны статус працоўнага пасёлку.
У часы Другой сусьветнай вайны з 18 жніўня 1941 да 26 лістапада 1943 году Касьцюкоўка знаходзілася пад нямецкай акупацыяй. У 1943—1945 гадох вялося аднаўленьне заводу і мястэчка. У 2016 годзе Касьцюкоўка ўвайшла ў межы Гомелю[2].
- Касьцюкоўка на старых здымках
-
Сядзіба Нолькенаў,
да 1918 г. -
Мястэчка пры гуце, 1931 г. -
Мястэчка пры гуце, 1931 г. -
Мястэчка пры гуце, 1933—39 гг.
.jpg)
.jpg)
_(2).jpg){kind=small}
.jpg)
Насельніцтва
[рэдагаваць | рэдагаваць крыніцу]Дэмаграфія
[рэдагаваць | рэдагаваць крыніцу]- XX стагодзьдзе: 1970 год — 10 тыс. чал.[3]; 1998 год — 11,1 тыс. чал.[4]
- XXI стагодзьдзе: 2006 год — 10,6 тыс. чал.; 2008 год — 10,6 тыс. чал.; 2016 год — 9904 чал.[1]
Рэлігія
[рэдагаваць | рэдагаваць крыніцу]У 1990-я гады ў мястэчку збудавалі царкву Сьвятога Міхала Арханёла.
Адукацыя
[рэдагаваць | рэдагаваць крыніцу]У Касьцюкоўцы працуюць 2 сярэднія школы, школа-інтэрнат і школа мастацтваў.
Мэдыцына
[рэдагаваць | рэдагаваць крыніцу]Мэдычнае абслугоўваньне насельніцтва ажыцьцяўляюць лякарня і паліклініка.
Культура
[рэдагаваць | рэдагаваць крыніцу]Дзейнічаюць палац культуры шклозаводу і бібліятэка.
Эканоміка
[рэдагаваць | рэдагаваць крыніцу]Галоўнае прадпрыемства Касьцюкоўкі — гута ААТ «Гомельшкло», апроч таго працуюць прадпрыемствы тарфяной і швацкай прамысловасьці.
Турыстычная інфармацыя
[рэдагаваць | рэдагаваць крыніцу]Славутасьці
[рэдагаваць | рэдагаваць крыніцу]- Жылы раён пры гуце (1930-я)
Страчаная спадчына
[рэдагаваць | рэдагаваць крыніцу]- Сядзіба Нолькенаў
Асобы
[рэдагаваць | рэдагаваць крыніцу]- Уладзімер Ісачэнка — мастак, выкладнік
- Пётар Лук’яненка — мастак, аўтар і вядоўца тэлевізійнай праграмы «Мастак i час»
- Уладзімер Сьцепаненка — мастак, пісьменьнік і журналіст
- Уладзімер Шымко — генэрал-лейтэнант авіяцыі
Заўвагі
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]- ^ а б в Численность населения на 1 января 2016 г. и среднегодовая численность населения за 2015 год по Республике Беларусь в разрезе областей, районов, городов и поселков городского типа (рас.) Нацыянальны статыстычны камітэт Рэспублікі Беларусь
- ^ Пастанова Гомельскага абласнога Савета дэпутатаў ад 26 студзеня 2016 г. № 99 «Об изменении границ города Гомеля и Гомельского района» на Нацыянальным праўным Інтэрнэт-партале Беларусі (рас.)
- ^ Большая советская энциклопедия, 3-е изд.: в 30 т. / Гл. ред. А.М. Прохоров. — М.: Сов. энциклопедия, 1969—1978.
- ^ БЭ. — Мн.: 1999 Т. 8. С. 163.
Літаратура
[рэдагаваць | рэдагаваць крыніцу]- Беларуская энцыклапедыя: У 18 т. / Рэдкал.: Г. П. Пашкоў і інш. — Мн.: БелЭн, 1999. — Т. 8: Канто — Кулі. — 576 с. — ISBN 985-11-0144-3
Вонкавыя спасылкі
[рэдагаваць | рэдагаваць крыніцу]
Касьцюкоўка — сховішча мультымэдыйных матэрыялаў
