Mar Mediterraneu
Mar Mediterraneu | |
---|---|
![]() | |
Situación | |
![]() | |
Tipu |
mar interior (es) ![]() |
Parte de | Océanu Atlánticu Norte |
Coordenaes | 38°N 17°E / 38°N 17°E |
Datos | |
Altitú media | 0 m |
Superficie | 2 500 000 km² |
Conca hidrográfica |
cuenca hidrográfica del Mediterráneo (es) ![]() |
Fondura |
5267 m (máximu) 1541 m (media) |
![]() |
El mar Mediterraneu[1][2] ye un mar del Atlánticu oriental, asitiáu ente Europa meridional, Asia occidental y África del Norte. Tien aproximadamente 2,5 millones de km² y 3.860 km de lonxitú ya ye'l mar interior más grande del mundu. Les sos agües, que bañen les tres penínsules del sur d'Europa, (Ibérica, Itálica y Balcánica) y una d'Asia, Anatolia, comuniquen col océanu Atlánticu al través del estrechu de Xibraltar), col mar Negru (polos estrechos del Bósforu y de los Dardanelos), y col mar Roxu (pela canal de Suez). Formóse hai 6,5 millones d'años debío al agua que lo inundó pol estrechu de Xibraltar.
Orixe del nome
[editar | editar la fonte]El nome d'esti mar vien del llatín mar medi terraneum, que quier decir mar en mediu de les tierres. Los romanos llamábenlo Mare Nostrum porque toles orielles yeren d'ellos.
Llendes
[editar | editar la fonte]El Mediterraneu tien como llendes les costes d'África, Asia y Europa comprendíes ente'l estrechu de Xibraltar al oeste y la entrada a los Dardanelos y la canal de Suez al este. Sodivídese en dos grandes cuenques:
- la occidental, que les sos llendes son: al oeste, la llinia imaxinaria qu'aúne'l cabu Trafalgar (España) y el cabu Espartel (Marruecos); al noreste, la costa occidental d'Italia, la costa norte de Sicilia y, nel estrechu de Messina, la llinia imaxinaria qu'aúne l'estremu norte del cabu Paci (15º42'E) col cabu Peloro, que ye l'estremu oriental de la islla de Sicilia; y al este la llinia qu'aúne'l cabu Lilibeo (37º47'N, 12º22'E), que ye l'estremu occidental de Sicilia, col cabu Bon (Tunicia).
- la oriental, que llenda: al oeste, coles llendes nororiental y oriental de la cuenca occidental; al noreste cola llinia imaxinaria qu'aúne Kum Kale (26º11'E) col cabu Helles, que ye la entrada occidental a los Dardanelos; al sureste cola entrada de la canal de Suez; y al este cola costa de Siria y Palestina.
Llenden col Mediterraneu los siguientes estaos:
- Xibraltar (Reinu Xuníu), España, Francia, Mónacu, Italia, Eslovenia, Bosnia y Herzegovina, Croacia, Albania, Grecia y Turquía, pela costa norte.
- Siria, El Líbanu, Israel y la Franxa de Gaza pel este.
- Exiptu, Libia, Tunicia, Arxelia y Marruecos, pel sur.
- Malta y Xipre como islles que conformen estaos independientes.
Sobdivisión
[editar | editar la fonte]Esti mar sodivídese, según la Organización Hidrográfica Internacional, n'otros más pequeños. Según la enumeración de la tercer edición de Limits of Oceans and Seas (1953) estos son:
- Estrechu de Xibraltar
- Mar d'Alborán
- Mar Balear, que la so mitá oriental recibe'l nome de mar de Cerdeña, mayormente nesa islla.
- Mar de Liguria
- Mar Tirrenu
- Mar Xónicu
- Mar Adriáticu
- Mar Exéu. Esti sodivídese tradicionalmente en trés: mar de Tracia, mar de Creta y mar de Mirtos.
Hai otru nome tradicional, el de mar de Libia, pa referise a la fastera mediterránea asitiada ente esti país y los mares Xónicu Exéu; sicasí, la OHI nun lu recueye na obra de referencia internacional pa considerar les llendes de los mares y océanos.
Hai otros mares que, magar que tán incluyíos na cuenca mediterránea, son consideraos pola OHI como mares independientes y ayenos a elli:
Referencies
[editar | editar la fonte]- ↑ Esti términu apaez nel Diccionariu de l'Academia de la Llingua Asturiana. Ver: mediterraneu, -ánea, -áneo
- ↑ Esti topónimu apaez na traducción al asturianu de los Mapes de l'Associació Bíblica de Catalunya
Esta fonte emplégase como referencia dende'l puntu de vista llingüísticu.