Mar Mediterráneo
L Mar Mediterráneo ye un mar de l Atlántico ouriental, cumprendido antre la Ouropa meridional, la Ásia oucidental i la África setentrional; cun cerda de 2,5 milhones de km², ye l maior mar cuntinental de l mundo. Las augas de l Mar Mediterráneo bánhan las trés penínsulas de l sul de la Ouropa, que son:Eibérica (Pertual i Spanha), Eitálica (Eitália) i la de l Bálcanas (Region de la Grécia). Sues augas zaugan ne l Ouceano Atlántico atrabeç de l Streito de Gibraltar, i ne l Mar Burmeilho (ne l Canhal de Sueç). Las augas de outro mar tamien zaugan ne l Mediterráneo, que ye l Mar Negro (puls streitos de l Bósforo i de l Dardanelos). Las augas de l Mediterráneo giralmente son calientes debido a la calor benida de l zerto de l Saara, fazendo cun que caleça praticamente todo l Sul de la Ouropa (Clima Mediterráneo).
Atinge la sue maior perfundidade, 5121 metros, ne l Mar Jónico, a sul de la Grécia.
Geografie houmana
[eiditar | eiditar código-fuonte]![](http://upload.wikimedia.org/wikipedia/commons/thumb/6/6b/Waves_mediterranean_sea.jpg/300px-Waves_mediterranean_sea.jpg)
Países banhados pul Mediterráneo:
- Ouropa (de oeste para lheste): Spanha, Gibraltar (quelónia de l Reino Ounido), Fráncia, Mónaco, Eitália, Malta, Eslobénia, Croácia, Bósnia i Heirzegobina[1], Montenegro, Albánia, Grécia i Turquia
- Ásia (de norte para sul): Turquia, Xipre, Síria, Lhíbano, Israel i Palestina
- África (de lheste para oeste): Eigito, Lhíbia, Tunísia, Argélia i Marrocos
Ambora nun séian banhados pul Mar Mediterráneo, Pertual i Sérbia na Ouropa, i la Jordánia, na Ásia, son cunsidrados países mediterránicos debido a la cercandade geográfica i sue aparença culs países de l Mediterráneo.
Percipales cidades costeiras de l Mediterráneo:
- Málaga, Cartagena, Baléncia, Barcelona, Alicante,Tarragona, Girona, Palma, Ceuta i Melilha, an Spanha
- Marselha, Nice, Cannes i Ajácio, an Fráncia
- Mónaco, ne l Prencipado de l Mónaco
- Génoba, Liborno, Cagliari, Nápoles, Palermo, Catánia, Bari, Brindisi, Beneza ,Rabena i Triiste, na Eitália
- Baletta, an Malta
- Split, Dubrobnik i Rijeka, na Croácia
- Durrës, na Albánia
- Corinto, Pireu, Tessalónica i Heiráclio, na Grécia
- Smirna, Antália i Iskenderun, na Turquie
- Latakia, na Síria
- Beirute, ne l Lhíbano
- Tel Abib i Haifa, an Eisrael
- Alexandria, ne l Eigito
- Bengazi i Trípoli, na Lhíbia
- Sfax i Tunis, na Tunísia
- Argel i Oron, na Argélia
Geografie física
[eiditar | eiditar código-fuonte]L clima de la region Mediterránica ye caratelizado por Beranos calientes i secos i Ambiernos amerosos, cun chuba.
![](http://upload.wikimedia.org/wikipedia/commons/thumb/2/2c/Mediterranean_Relief.jpg/500px-Mediterranean_Relief.jpg)
Percipales ilhas de l Mediterráneo
- Sicília (Eitália)
- Sardenha (Eitália)
- Xipre
- Córsega (Fráncia)
- Creta (Grécia)
- Baleares(Spanha)
- Maiorca (Spanha)
- Rodes (Grécia)
- Menorca (Spanha)
- Ibiza (Spanha)
- Malta
- Eilba (Eitália)
Percipales rius que zaugan ne l Mar Mediterráneo:
- Ebro (an [[Lhéngua catalana|catalan] ] Ebre), an Spanha
- Ródano (an francés Rhóne), an Fráncia
- Pó (an eitaliano Po), na Eitália
- Nilo (an árabe النيل an-nīl), ne l Eigito.
Biologie
[eiditar | eiditar código-fuonte]Speces amblemáticas:
- Plantas: Zostera
- Mamíferos marinos: Foca-monge Monachus monachus, golfinos
- Peixes: meros, atuns
- Réteis: Tartarua-boba Caretta caretta' '
- Ye amportante ressaltar que nun hai camarones natibos de l Mediterráneo.
Maiores amanaças a la biodibersidade:
- Presson ourbanística nas zonas costeiras
- Antensificaçon de la agricultura nas planices, abandono de las tierras altas
- Desertificaçon an alguas árias
- Spécies sóticas ambasoras
Stória
[eiditar | eiditar código-fuonte]![](http://upload.wikimedia.org/wikipedia/commons/thumb/f/f4/Map_of_the_Roman_Empire_at_its_height.svg/250px-Map_of_the_Roman_Empire_at_its_height.svg.png)
Zde la Antiguidade, l Mar Mediterráneo fui ua zona priblegiada de cuntatos culturales, antensas relaçones comerciales i de custantes anfrentamientos políticos. A las bordas de l Mediterráneo florescírun, zambolbírun-se i zaparecírun amportantes ceblizaçones, alguns de ls pobos que habitórun las cuostas de l Mar Mediterráneo: Eigípcios, Cananeus, Fenícios, Hititas, Griegos, Cartagineses, Romanos, Macedónios, Berberes, Genobeses, Benezianos.
Un de ls fatos marcantes de la stória de la region acunteciu an 1453 quando ls otomanos tomórun la cidade de Custantinopla (atual cidade turca de Stambul) i fechórun l Mediterráneo ouriental a la penetraçon ouropeia. Esta tenerie sido ua de las rezones que tenerie ampelido pertueses i spanholes se abinturáren pul Atlántico an busca de l camino de las Índias.
Na segunda metade de l seclo XVIII, la Anglaterra i la Fráncia fúrun ampliando sues anfluéncias subre la region, aprobeitando la decadéncia otomana i, al mesmo tiempo, tentando ampedir la spanson de la Rússia. La Anglaterra que fui afirmando-se cada beç más cumo grande poténcia marítima, stabeleciu-se an alguns puntos stratégicos (Gibraltar i ilhas de Malta i Xipre), que se transformarian an amportantes bases nabales.
An 1869, cula abiertura de l canhal de Sueç, obra custruída por un cunsórcio franco-británico, l Mediterráneo Ouriental passou a antegrar las grandes rotas de l comércio anternacional, passando a tener un papel relebante nas relaçones políticas i comerciales de las poténcias de la Ouropa.
Cula fin de la Purmeira Guerra Mundial (1914/19), cunsulidou-se la supremacie británica, nun sfergante an que l Mediterráneo se trasformaba nua artéria bital para la Ouropa an funçon de stablecer ua lhigaçon más rápida i eiconómica antre las árias cunsumidoras i pordutoras de petrólio, estas redadeiras ne l Ouriente Médio.
Alguas décadas depuis, al findar-se la Segunda Guerra Mundial an 1945, l Mediterráneo, assi cumo quaije todas las árias de l mundo, ancaixou-se eimediatamente ne ls squemas de l jogo de anfluéncias i alianças angendrados pula Guerra Frie. Cula criaçon de la ourganizaçon de l Tratado de l Atlántico Norte (OTAN) , ls EUA sustituíran als poucos ls británicos cumo poténcia dominante de l Mediterráneo.
Todabie, ls porcesso cunflituosos de andependéncia dua série de quelónias ouropeias specialmente ne l norte de la África, la presson eisercida pula crecente spanson de la marina sobiética, ls bários cunflitos antre países árabes i Eisrael i las tradecionales ribalidades antre países de la region, trasformórun l Mediterráneo nua ária de frequentes tensones geopolíticas.
La fin de la Guerra Frie, se dun lhado eiliminou alguas bielhas tensones, por outro motibou l aparecimiento de muitos nuobos zafios para ls países de la region.
Son dezoito ls países que possuen tierras banhadas pul Mediterráneo. Eilhes aperséntan grandes defrenças ne l que se refire al tamanho, a la eiboluçon stórico-cultural i al nible de zambolbimiento.
Praticamente todos ls países alredror de l Mediterráneo Ouriental aperséntan, ó apresentórun nun passado recente, tensones i cunflitos anternos ó porblemas ne l relacionamiento cun naciones bezinas.
Cultura
[eiditar | eiditar código-fuonte]Alguns eilemientos de la culinária mediterránica:
- Ls cundimentos: louro, manjericon, orégons, coentros, salba
- L peixe, marisco i cefalópodes
Atibidades houmanas
[eiditar | eiditar código-fuonte]Turismo
[eiditar | eiditar código-fuonte]L Mediterráneo ye la region turística más besitada an to l mundo. An 1970, l Mediterráneo recebiu 57 milhones de turistas; an 1997 yá éran 187 milhones, i este númaro cuntina a crecer. Ye la atebidade respunsable pula metade de l PIB de l países lhocalizados nesta region.