Лаьттан Юкъера форд
Средиземное море | |
---|---|
![]() | |
Характеристики | |
Площадь | 2 500 000 км² |
Объём | 3 839 000 км³ |
Длина береговой линии | 46 000 км |
Наибольшая глубина | 5121 м |
Средняя глубина | 1541 м |
Расположение | |
35° с. ш. 18° в. д.HGЯO | |
![]() |
![](http://upload.wikimedia.org/wikipedia/commons/thumb/3/39/Fira_Santorin_14.jpg/220px-Fira_Santorin_14.jpg)
Лаьттан Юкъера форд, е Юкъфорд (ба) (эрс: Средиземное море) — Европани, Африкани, Азени юкъе боалла форд[1][2]Малхбузехьа Гибралтара форда оаса́ гӀолла Малхбузерча оакафордах кхе́т[3].
Лаьттан Юкъерча фордах лоархӀаш массехк форд ба: Адриа, Альборан, Балеара, Иона, Кипра, Крита, Ливанхой, Ливе, Лигурий, Тиррена, Аьге фордаш. Юкъфорда бассейнах иштта лоархӀ ШакӀа форди, Ӏаьржа форди, Азов-форди.
ЦӀи
[тоаде | тоаде чура]ЦӀи (яний: Μεσόγειος Θάλασσα, лат: Mare Mediterraneum — Лаьттан юкъера форд) эггара хьалхагӀа юкъе йоалаяр шира йозонхо ва Гай Юлий Солин яхаш вола. Цун ханарча наьх кхетамга хьежжа тиллай цо из, хӀана аьлча шира европайи гӀинбухерча африкайи цивилизацеш къаьстта цу форда бассейна йисте айттай. Тархьарца хьабоагӀаш цу форда цӀераш башх-башха хиннай:
- карфагенхоша «Ша́ьма форд» я́ха́д цунах, тӀаккха тӀехьагӀарча румаша Mare Nostrum (Тха форд), иштта цкъаза Mare Internum (Чура форд) яха цӀераш я́ха́й.
- Ширача ша́ьма йоазонашка а, финикий багахбувцама чу а, жугтий Библе чу а цун цӀи эггара хьалха «Боккха форд» аьнна я (жуг. הַיָּם הַגָּדוֹל, Ха-Ям Ха-Гадол, Дагаргаш 34:6,7; Ӏийса Навин 1:4, 9:1, 15:47; Иезекииль 47:10,15,20) е «Форд» аьнна я (I Паччахьий 5:9; диста I Макк. 14:34, 15:11); цхьабакъда иштта «ТӀеххьара форд» (жуг. הַיָּם הָאַחֲרוֹן) яха цӀи а хиннай. Йоккхача Шаьмен е Супача Лаьттан малхбузерча берда тӀа алар бахьан долаш цкъаза «Малхбузера форда» аьнна таржам деш хиннад цунна (Второзаконие 11:24; Иоиль 2:20). Кхыйола цӀи хиннай «Филистимляний форд» яхаш (жуг. יָם פְּלִשְׁתִּים, Исход 23:31) жугташца даьха́ча къама цӀерагӀа. Джефри Чосера «Керттерче Прологе»[en] (ингал: General Prologue) фордах «Боккха форд» оал (среднеангл. Grete See).
- Жугтий меттала HaYam HaTikhon (жуг. הַיָּם הַתִּיכוֹן), «Юкъера форд», оал цох ширача янийи (Mesogeios), латинийи (Mare internum), немцийи (Mittelmeer) кхыдолча хӀанзарча европерчеи гаргарча малхбоалехьарчеи къамий (Mediterranean и т. д.) цӀерашка йоахача мо.
- Ӏарбий меттала Ло:Transl (Ӏар. البحر [الأبيض] المتوسط), «[КӀай] Юкъера форд» аьнна бовзаш ба, хӀаьта из доацаш бусалбеи къаьнарча Ӏарбийи литературе Ло:Transl (Ӏар. بحر الروم), е «Румий форд» аьнна оалаш ба[4].
- Хьункархой меттала Лаьттан Юкъерча фордах Bahr-i Sefid, «ЦӀена кӀай форд» яха́д. Туркий меттала Akdeniz «КӀай форд», «Малхбузера форд» аьнна цӀи йоахаш ба. Малхбузера форд аьнна маӀан оттадича нийсагӀа да, хӀана аьлча туркаша кӀай бос (ak) малхбузе белгалйоаккхаш лелабаьб[5].
Белгалдаккхар
[тоаде | тоаде чура]- ↑ Андрияшев А. П. (1979): О некоторых вопросах вертикальной зональности морской донной фауны. В кн.: Биологические ресурсы Мирового океана. М.: Наука. С. 117—138.
- ↑ Парин Н. В. (1988): Рыбы открытого океана. (эрс.). rgo-sib.ru (тӀакхача вӀаштехьа доаца тӀатовжам — тархьар). М.: Наука. 272 с.
- ↑ Средиземное море // Доккха советий энциклопеди : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- ↑ масала, s:Сад ученых (Абу Дауд; Языков)/фрагменты, абзац 1
- ↑ Озхан Озтюрка хьаяхачох, къаьнарча туркий меттала ak яхачун маӀан а «малхбузе» хиннад — Pontus: Antikçağ’dan Günümüze Karadeniz’in Etnik ve Siyasi TarihiЛо:Ref-tr. — Ankara, 2011. — С. 5—9.
Литература
[тоаде | тоаде чура]- Грацианский А. Н. Природа Средиземноморья . — М., 1971.
- Основные черты геологического строения, гидрологического режима и биологии Средиземного моря . — М., 1965.
- Циргоффер А. Атлантический океан и его моря . — Пер. с польск.. — М., 1975.
- Lacombe H., Tehernia P. Caracteres. Hydrologiques et circulation deseaux en Mediterranee // The Mediterrnean Sea (ингл.). — 1972.
ТӀатовжамаш
[тоаде | тоаде чура]- Средиземное море (эрс.) (тӀакхача вӀаштехьа доаца тӀатовжам — тархьар). Кругосвет.