Oa̍t-gí (Kńg-tang-oē)
| Oa̍t-gí | |
|---|---|
| 粵語 / Jyut9 jyu5 | |
| Goân-chū kok-ka |
 Tiong-kok,  Hiong-káng,  Ò-mn̂g, Tang-lâm-a |
| Sú-iōng tē-khu |
Tiong-kok Kńg-tang, Kńg-sai Hiong-káng, Ò-mn̂g Tang-lâm-a ê tn̂g-lâng siā-lí |
| bú-gí sú-iōng-chiá | 7100 bān[1] |
| Gí-hē |
Hàn-Chōng gí-hē
|
| Bûn-jī hē-thóng | Hàn-jī |
| Koaⁿ-hong tē-ūi | |
| Koaⁿ-hong gí-giân |
Hiong-káng Ò-mn̂g |
| Koán-lí ki-kò͘ |
 Hiong-káng Kong-bū-oân-kio̍k hoat-tēng gí-bûn sū-bū-pō͘Hiang-káng Kàu-io̍k ha̍k-īⁿ gí-bûn kàu-io̍k tiong-sim  Ò-mn̂g hêng-chèng ki̍p Kong-chit-kio̍k gí-giân sū-bū-thiaⁿ |
| Gí-giân tāi-bé | |
| ISO 639-3 |
yue |
| Glottolog |
yuec1235 |
| Linguasphere |
79-AAA-m |
 Oa̍t-gí ê hun-pò͘ | |
Oa̍t-gí (粵語), mā kiò choè Kńg-tang-ōe (廣東話), sī Hàn-gí-cho̍k ê chú-iàu gí-giân chi-it. Thong-hêng tī Tiong-kok lâm-hong ê Kńg-tang-séng, Kńg-sai-séng, Hiong-káng, Ò-mn̂g kah Tang-lâm-a chi̍t-kóa só͘-chai, sī hái-gōa tn̂g-lâng siāng-chú-iàu ê thong-hêng gí-giân. Kńg-tang-ōe iū kiò-chòe Kńg-chiu-ōe, Oa̍t-gí, Pe̍h-ōe, i ê miâ-chheng sī àn Tiong-kok kó·-tāi lâm-hong ê sió-sò· bîn-cho̍k "Oa̍t" (越) tńg—kòe-lâi-ê.
Sè-kài siōng tāi-iok ū 7000-bān lâng tī-leh sú-iōng Kńg-tang-ōe, sui-jiân pí bōe kòe Phó·-thong-oē, mā sǹg-sī sè-kài chú-iàu ê 1-chióng gí-giân.
Àn gí-giân-ha̍k ê koan-tiám lâi kóng, Kńg-tang-ōe kah chin-chōe Hàn-gí hong-giân siâng-khóan, pó-liû chiok-chē kó·-tāi Hàn-gí ê te̍k-tiám.
Kńg-tang-ōe ê hoat-im kah Phó·-thong-ōe ū chin-tōa ê bô-kâng, chú-iàu thé-hiān tī siaⁿ-tiāu kah ūn-bú. Kńg-tang-ōe ê siaⁿ-tiāu chin ho̍k-cha̍p, lóng-chóng ū 9-ê siaⁿ-tiāu, kó·-tāi Hàn-gí 3-ê ji̍p-siaⁿ-tiāu lóng-chóng pó-liû tī Kńg-tang-ōe lāi-té, che to̍h-sī “-t, -k, -p”. Che í-gōa, “-n, -m, -ng” chit-thò ôan-chéng ê phīⁿ-im-ūn (鼻音韻) mā pó-chûn tī Kńg-tang-ōe tang-tiong.
Siāng tiōng-iàu—ê, Kńg-tang-ōe kàu-taⁿ pó-chûn tio̍h chin-chōe kó·-tāi Hàn-gí ê iōng-sû kóng-hoat í-ki̍p gí-khì chō·-sû. Chià-ê te̍k-tiám tī hiān-tāi Hàn-gí tang-tiong chha-put-to khòaⁿ bōe-tio̍h—ah.
Chham-koan
[siu-kái | kái goân-sí-bé]Chham-khó chu-liāu
[siu-kái | kái goân-sí-bé]Gōa-pō· liân-kiat
[siu-kái | kái goân-sí-bé]
| |||||||||||||||||||||||||||