Hvernig varð eiginlega heimurinn okkar til? Þessari spurningu hefur verið reynt að svara frá örófi alda. Sævar Helgi er alveg viss um að hann sé með svarið og vill ræða stjörnuþokur- og ryk, en Sigyn hefur meiri áhuga á að segja okkur frá hrímþursinum Ými, sem bjó til fleiri þursa úr svita, og svo er líka svo skemmtileg sagan af því þegar hægri fóturinn á honum bjó til barn með þeim vinstri!

Sigyn Blöndal og Sævar Helga Bragason ættu flestir krakkar að vera farin að þekkja. Sjónvarp, útvarp, bækur og hljóðbækur - hvar sem þau koma við hafa Sigyn og Sævar einstakt lag á að flétta saman fróðleik og skemmtun, enda eru þau bæði klár og skemmtileg. Hér bregða þau enn og aftur á leik og velta upp hinum ýmsu spurningum sem brenna á okkur. Hvert fer eiginlega kúkurinn? Hvaðan kom allt? Og er mamma þín kannski geimvera? Í hljóðseríunni Aha! er gerð tilraun til að svara þessum, og fleiri, spurningum. Á leiðinni kemur reyndar líka margt í ljós sem alls enginn spurði að.

© 2022 Storytel Original (Hljóðbók): 9789180357999

Útgáfudagur

Hljóðbók: 15 juli 2022