Fejer
![](http://upload.wikimedia.org/wikipedia/commons/thumb/d/d6/HU_county_Fejer.svg/250px-HU_county_Fejer.svg.png)
Fejer (mad'j.: Fejér megye [ˈfɛjeːr]) om üks' Mad'jaranman agjoišpäi. Sen administrativine keskuz da kaikiš suremb lidn om Sekešfehervar.
Geografijan andmused
[vajehta | vajehtada lähtetekst]Agj sijadase valdkundan keskuzpalan päivlaskmas, Dunai-jogen oiktal randpolel. Röunatab kudenke agjanke: Peštanke päivnouzmas, Bač-Kiškunanke suvipäivnouzmaižes čogas, Tol'n-agj levigandeb suves, Šomod'-agj sijadase suvipäivlaskmas, Vesprem-agj om päivlaskmas, Komarom-Estergom om pohjoižes.
Reljef om erazvuitte: tazangišt levitase suves, toine pala om mägikaz (Bakon', Verteš-, Gereče-mäged). Velence-järv om populärižeks lebutahoks.
Pind om 4 358,45 km².
Administrativine jagand
[vajehta | vajehtada lähtetekst]![](http://upload.wikimedia.org/wikipedia/commons/thumb/9/91/Fej%C3%A9r_districts.png/250px-Fej%C3%A9r_districts.png)
Fejer-agj jagase ühesaks jarašaks (rajonaks). Edel vn 2013 administrativišt reformad kümne kišteršegad (rajonad) oli niiden sijas.
Lidnad
[vajehta | vajehtada lähtetekst]Neciš agjas om seičemetoštkümne lidnad:
- Ab (Aba)
- Adon' (Adony)
- Bičke (Bicske)
- Bodaik (Bodajk)
- Čakvar (Csákvár)
- Dunauivaroš (Dunaújváros, agjan toine järed lidn)
- En'jing (Enying)
- Erči (Ercsi)
- Gardon' (Gárdony)
- Martonvašar (Martonvásár)
- Mor (Mór)
- Pol'gardi (Polgárdi)
- Pustasabol'č (Pusztaszabolcs)
- Racal'maš (Rácalmás)
- Šarbogard (Sárbogárd)
- Sekešfehervar (Székesfehérvár) — administrativine keskuz
- Velence (Velence)
Lidnoihe ližaks, Fejeras om 89 žilod, niiden kesken 11 oma sured žilod.
Eläjad
[vajehta | vajehtada lähtetekst]Vn 2011 Mad'jaranman rahvahanlugemižen mödhe agjan ristitišt oli 425 847 eläjad, vl 2015 — 417 651 eläjad. Kaikiš suremb eläjiden lugu oli 420 317 ristitud vl 1980 i 434 317 ristitud vl 2001.
Uskondan mödhe (2011): riman katolikad — 35,4 %, kal'vinistad — 10,8 %, lüteranižusen polenpidajad — 1,7 %, grekan katolikad — 0,3 %, toižed uskojad — 1,4 %, religijatomad — 19,5 %, ateistad — 1,5 %, märhapanendata — 29,4 %.
Irdkosketused
[vajehta | vajehtada lähtetekst]- Agjan oficialine sait (fejer.hu). (mad'j.)
Mad'jaranman agjad da niiden administrativižed keskused | ||
Bač-Kiškun (Kečkemet) | Baran'j (Peč) | Bekeš (Bekeš'čab) | Boršod-Abaui-Zemplen (Miškol'c) | Čongrad-Čanad (Seged) | D'jor-Mošon-Šopron (D'jor) | Fejer (Sekešfehervar) | Haidu-Bihar (Debrecen) | Heveš (Eger) | Jas-Nad'kun-Sol'nok (Sol'nok) | Komarom-Estergom (Tataban'j) | Nograd (Šal'gotarjan) | Pešt (Budapešt) | Sabol'č-Satmar-Bereg (N'jired'haz) | Šomod' (Kapošvar) | Zal (Zalaegerseg) | Tol'n (Seksard) | Vaš (Sombathei) | Vesprem (Vesprem-lidn) | ||
tazostadud agjaha lidn — Budapešt | ||