Wikipédia nyaéta énsiklopédi nu ngahijikeun baéan-bagéan tina énsiklopédi umum, énsiklopédi husus, jeung almenak (catetan sajarah) dina hiji wadah nu tangtu.
Artikel-artikel nu aya dina wikipédia kudu gugon kana kawijakan lain asli panalungtikan sarta kudu bener-bener aya rujukanana.
Wikipédia lain tempat pikeun nuliskeun pangalaman, sawangan, atawa pamikiran-pamikiran pribadi. Leuwih jerona deui, Wikipédia lain tempat keur informasi sambarangan.
Wikipédia lain tempat pikeun ngumpulkeun pernyataan "nyaho teu Anjeun?"(trivia), panggung pulitik, promosi pribadi, tempat nyobaan anarki ogé démokrasi, atawa hiji buku pituduh ramatloka (web).
Wikipédia ogé lain tempat pikeun kamus, koran, sarta koléksi naskah sumber. Jinis eusi saperti ieu masing-masing bisa diteundeun di proyék wiki séjénna, KamusWiki, Wikinews, jeung Wikisource sakumaha mestina.
Artina, urang kudu gawé satekerkebek pikeun hasil ahir tina satiap artikel di Wikipédia anu teu ngan saukur ti hiji juru témbong hungkul eusina téh. Sakapeung mah perkara ieu hartina téh urang kudu néangan témbongan-témbongan anu lalawanan atawa mahiwal tina nyanghareupan hiji masalah; jeung nuliskeun tiap panémbongan sacara akurat jeung nyadiakeun sumber/rujukan pikeun satiap juru témbong anu ditulis. Perkara ieu dimaksudkeun supaya nu maca bisa nyangkem panémbongan saha anu diwakilkeun ku hiji pangedalan.
Dina panulisan di Wikipédia, henteu aya hiji panémbongan mana waé anu bisa dituliskeun minangka "panémbongan anu bener" atawa "panémbongan anu panghadéna", ieu téh hartina nuliskeun tiap-tiap sumber anu bisa dipéripikasi, atawa inpormasi geus diterbitkeun ku hiji sumber anu mikawenang, hususna pikeun topik-topik anu kontropérsial.
Nalika bijil hiji paparaséaan, bakal ditangtukeun pérsi mana anu paling teu mihak, béwarakeun hiji mangsa paniisan jeung béré tanda (tag) dina artikel nu dimaksud minangka artikel dina pasalingsingan; bahas jéntréan hiji hiji dina kaca sawalana jeung tuturkeun kawijakan méréskeun pasalingsingan.
Sakabéh téks aya dina lindungan GNU Izin Dokuméntasi Bébas (GNU Free Documentation License (GFDL)). Tiap jalma bisa matalikeun tutumbu nu aya jeung aturan nu geus ditangtukeun.
Urang kudu inget yén tiap artikel bisa diédit ku saha waé sarta euweuh kontrol individu kana hiji artikel nu tangtu. Ku lantaran éta, unggal tulisan meunang Anjeun bisa diédit kalawan bébas ku saha waé jeung bisa diémbarkeun kalawan kabutuhan komunitas.
Ulah nyumbangkeun karya nu nagrempak hak cipta atawa karya naon waé nu ngandung lisénsi nu teu saluyu jeung GFDL.
Kudu tetep tiis pipikir sanajan kaayaan waktu ngédit kacida harénghéngna. Jauhan perang éditan kalawan gugon kana aturan tilu kali balikan deui. Inget, geus aya 61.816 artikel di Wikipédia basa Sunda pikeun dipariksa, diédit, jeung disawalakeun.
Kudu sing jujur. Salawasna kudu boga anggepan yén pamaké lain ogé jujur.
Wikipédia teu miboga aturan-aturan dasar lainna iwal ti lima pilar nu geus dipedar di dieu.
Tong sieun dina ngédit, mindahkeun, atawa ngarobah artikel. Pangaresep nulis kuduna mah jadi tujuan utama Anjeun asup ka Wikipédia.
Tong sieun nyieun hiji kasalahan nepi ka henteu maliré deui Wikipédia. Unggal vérsi éditan bakal tuluy aya. Jadi Anjeun teu kudu hariwang bakal ngaruksak Wikipédia atawa ngahapus hiji eusi artikel. Tapi Anjeun kudu inget, naon waé nu ditulis ku Anjeun bakal kasimpen dina jangka waktu nu cukup lila.
Ieu kaca ngamuat prinsip-prinsip dasar dina Wikipédia. Ieu prinsip dasar geus aya saméméh kaca ieu dijieun. Kadang-kadang disebutkeun yén sakabéh kawijakan atawa lolobana kawijakan dimekarkeun tina ieu kaca. Tapi loba ogé kawijakan nu miheulaan tanggal dijieunna ieu kaca. Sakabéh kawijakan Wikipédia geus, kudu, jeung bakal dijieun dumasar kana dasar utama ieu Pancapilar Wikipédia.
