Jun Ji-hyun
![](http://upload.wikimedia.org/wikipedia/commons/thumb/f/ff/Jun_Ji-hyun_in_2012_01.jpg/220px-Jun_Ji-hyun_in_2012_01.jpg)
Jun Ji-hyun (gumelar di Seoul, Koréa Kidul, 30 Oktober 1981; umur 42 taun) nyaéta saurang aktris sarta modél asal Koréa Kidul.[1][2] Ji-hyun miboga ngaran lahir Wang Ji-hyun sarta dipikawanoh ogé ku ngaran Gianna Jun.[rujukan?] Ji-hyun ngabéréskeun atikanna di Universitas Dongguk jurusan Téater jeung Pilem.[2] Nalika budak mah Jun boga cita-cita pikeun jadi saurang pramugari.[2] Tapi, dina umur 16 taun, Ji-hyun diwanohkeun ka dunya modéling.[1] Jun ngamimitian karirna minangka modél majalah Echo Magazine dina taun 1997.[1] Sanggeus kitu, Ji-hyun mimiti ngabéntangan sejumlahing sérial komédi tipi sarta ngabéntangan pilem munggaranna anu judulna White Valentine dina taun 1999.[1] Taun saterusna, Ji-hyun ngabéntangan hiji pilem nu judulna II Mare.[1] Kasuksésanna mah nalika ngabéntangan hiji pilem komédi romantis judulna My Sassy Girl dina taun 2001 barengan jeung Cha Tae-hyun.[1] Ku pidanganna ieu, Ji-hyun mimiti dipikawanoh ku sakumna dunya internasional sarta meunangkeun panghargaan minangka Best Actress di Daejong Film Festival dina taun 2002.[1] Dina taun 2004, Ji-hyun ngabéntangan pilem judulna Windstruck garapan sutradara Kwak Jae-yong.[1] Di taun 2006, Ji-hyun maén di pilem Daisy jeung A Man Who Was Superman di taun 2008.[1] Sataun satuluyna, Ji-hyun ngabéntangan pilem nu basa Inggris munggaranna nu judulna Blood: The Last Vampire.[1] Pilem ieu diputer di Tiongkok jeung Argéntina dina bulan Maret 2007.[1] Dina bulan Pébruari 2010, Ji-hyun mulai ngabéntangan pilem nu judulna Snow Flower and the Secret Fan di Tiongkok.[1]
Pilem
[édit | édit sumber]- 1999 White Valentine[1]
- 2000 II Mare[1]
- 2001 My Sassy Girl[1]
- 2003 The Uninvited[1]
- 2004 Windstruck[1]
- 2006 Daisy[1]
- 2008 A Man Who Was Superman[1]
- 2009 Blood: The Last Vampire[1]
- 2010 Snow Flower and the Secret Fan[1]
Drama
[édit | édit sumber]Rujukan
[édit | édit sumber]![]() |
Artikel ngeunaan biografi inohong ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |