Daras

Daras

Pamangulis ning taung gagamit daras king pun dutung a miragsa

Ing kasangkapan a mayayaus daras, a adze o adz king Ingles (lon ya ing spelling differences) (IPA: /ædz/) ampong azuela king Castila, gagamitan ya ba yang kuminis ing labron (dutung a magaspang a yari o rough cut) neng panigobran ya iti kapamilatan ning gamat. Keraklan, tukluan ne ning gagamit ing metung a tabla o trosu at ipukul neng pababa a makaturu king kayang kabitisan iti, ba lang matabas o matistis deng mangalating pirasu ning dutung; lalakad yang pagulut kabang mayayari ya king metung a dake, ba yang maglakuan tablang makinis nang bagya. Nanupata, keraklan, magagamit ya murin ing daras para kareng aliwang bage, alimbawa ing pamamutut dutung.

Makapusisiun ya ing buntuk ning daras antimong sarul gamat o katam, at e anting metung a palakul, nung nu makakurus (perpendicular) ya ing taram kumpara ketang king daras.

Footnotes ampong pikuanan

• Ing dake tungkul kareng uri ning daras makabasi ya king artikulung Quicksilver Wiki king A Glossary of Terms For Traditional Timber Framing (Timberbee) Archived Marsu 29, 2004 at the Wayback Machine lalam ning patakaran ning GNU Free Documentation License, a tauling linawe kanitang 25 Julio 2006.