Bisturí
| Bisturí | |
|---|---|
 Miayaliwang bisturí
| |
| Pamitinduk-tinduk (Classification) | Kasangkapan a pamutut/pangili |
| Gagamitan ya kayabe ning | Stencil |
| Makaugne | Lancet Utility knife Laser scalpel |
Ing bisturí o scalpel metung yang kutsiliung malati pero misnang taram a gagamitan da king pamanopera, anatomical dissection (pamamangal king king kalamnan ba yang panigaralan iti), ampo kareng miyayaliwang alit (art) o obrang gamat (crafts). Ating bisturíng magagamit pasibayu (reusable), at atin namang yugse kagamit na (disposable). Detang bisturíng magagamit pasibayu, maliari lang maki taram a makatuglung king talanan, at atatais, o, keraklan, e la makatuglung deng karelang taram, at alilan la reti. Deng bisturíng yugse, keraklan maki talanan lang plastic ampong taram a maliaring ikaba (anti king utility knife). Misan la mu gagamitan deti, at ugse ya ing mabilug a kasangkapan kaibat nang megamit.
Keraklan, gawa la king aseru o bakal a pepasias (tempered steel) deng taram bisturí. Gawa la king aserung dakal a carbon detang gagamitan king medisina, kabang stainless steel no man detang magagamit kareng obrang gamat. Malagad, magagamit la murin deng materialis a titanium, ceramic, diamanti ampong obsidian. Alimbawa, kareng operasiun a gigiya ning MRI, e la maliaring gamitan deng metal a taram (uling igutan no ning magnet o batubalani deng taram a aseru o bakal), o maliari lang makayapektu ketang larawan deti (image) nitang dakeng operan da. Bukud kareng bisturí, maliaring gumamit electrocautery o laser neng manopera.
Deng bisturí kanitang minuna
[mag-edit | alilan ya ing pikuwanan]Neng gigilian do reng tau Ehiptu kanitang minuna deng bangke ba rong embalsamuan deti, gagamit lang bisturíng gawa king obsidian a pepataram; angga king panaun tamu, magagamit ya pa murin iti. Keta namang pamanulung ayurveda ibat India, magagamit la reng mangalating pirasu ning kuayan (bamboo splinters).
Lon la murin deti
[mag-edit | alilan ya ing pikuwanan]Dalerayan
[mag-edit | alilan ya ing pikuwanan]- Techni-Tool (April 2007). "Master Catalog" (parts catalog). 109-EP. [suglung a mepatad]
 |
Ining artikulu mangailangan yang karagdagan a dalerayan a maliaring magpatutu kaya. Sana makasaup kang magpasanting kaniti kapamilatan ning pamandagdag dalerayan. Deng pakasulat a e malino pikuanan maliari lang salungatan ampong ilako. (January 2008) |
