Sharkali-sharri
Sharkali-sharri es un rèi d'Akkad que reinèt de 2218 a 2193 avC. Succediguèt a Naram-Sin (2254-2118 avC) e foguèt probablament remplaçat per Dudu (vèrs 2193-2175 avC).
Marcat per l'invasion dei Gutis, un pòble nomada originari dei Monts Zagros, son rèine veguèt un afebliment de la poissança akkadiana dins lo nòrd de Mesopotamia. Elam aprofichèt lei trèbols per restaurar sa plena independéncia e divèrsei regions perifericas assaièron de contestar la dominacion akkadiana. Dins aquò, Sharkali-sharri capitèt d'infligir plusors desfachas a seis enemics e a arrestar leis invasions. Aquò li permetèt de protegir lo còr de la poissança de l'Empèri fins a son assassinat vèrs 2193 avC. Sa mòrt accelerèt lo declin de l'Empèri que se fragmentèt laissant mai d'una ciutat-estat tornar venir independenta.