Blasimont

Vilatge d'Occitània

Blasimont
Blasimon

Abadia de Blasimont

Armas

Geografia fisica

Coordenadas

44° 44′ 59″ N, 0° 04′ 23″ O

Superfícia

29,76 km²

Altituds
· Maximala
· Mejana
· Minimala

130 m
60 m
22 m

Geografia politica

Guiana Vasadés

França

Lengon

Lo Reulés e las Bastidas (Sauvatèrra de Guiana avant 2015)

Intercom
243301124

CC de las comunas ruralas de l'Entre Duas Mars

Cònsol

Daniel Barbe
(2020-2026)

Geografia umana

Populacion
Populacion totala
(2019)

909 ab.

Evolucion de la populacion

929 ab.

Densitat

30,51 ab./km²

Autras informacions

Gentilici

Blasimonais, Blasimonaises (en francés)

Còde postal

33540

Còde INSEE

33057

Blasimont (Blasimon en francés) es una comuna deu Vasadés istoric, en Guiana, lingüisticament gascona, situada dens lo departament de Gironda e la region de Novèra Aquitània.

Geografia

Perimètre deu territòri

Comunas confrontantas de **Blasimont**
Jugasan Rausan	Merinhàs	Ruish
Lugaçon		Mauriac
Frontenac	Sauvatèrra de Guiana	Clairac

Toponimia

Las fòrmas ancianas son Blandi Mons, en latin, au sègle X, Blandimonte (Forti Arsins abbas de ~), en latin, en 980, Blasi Mons, Blavii Mons, Blavimons, en latin, aus sègles XI-XIII, Blasii Mons, en latin, en 1311, Bladimont, au sègle XIV. Dauzat supausa que Blasimont ven d'un nom latin d'òme, Blandus, e de mons, « mont » ^[1]. Bénédicte Boyrie-Fénié, a la siguda de Negre, aima mèi, pr'amor de las latinizacions medievalas, lo nom latin d'òme Blandinus, totjorn emb mont. Lo nom passèt de *Blandinmont(e) a *Bladi(n)mont(e) per dissimilacion de nasalas e de *Bladimont a *Blasimont per l'intermediari d'una fricatizacion de -d- intervocalic (*Bladimont- > *Blaðimont- > Blasimont. B. Boyrie-Fénié pensa que las fòrmas Blavii Mons e Blavimons, que venen deu Cartulari de La Seuva son de las cacografias ^[2], mes cèrcavan puslèu a suggerir una realitat fonetica, benlèu [ð], que ni d, ni z, podèvan pas representar. La prononciacion es [blaziˈmũ]^[3]

Istòria

Abans 1800, Blasimont annexèt las ancianas comunas de Cazevert (nom francés), Piis (nom francés, probablament Pins) e La Veyrie (nom francés) ^[4]

Administracion

Lista deus cònsols successius
Periòde		Identitat	Etiqueta	Qualitat
març 2008	2026	Daniel Barbe	PS	emplegat
junh 1995	2008	Rodolphe Struk	mètge
març 1983	1995	Pierre Lhomme
març 1965	1983	Volny Favory	SFIO, PS	conselhèir generau 1975-1985
1922	1965	Louis Saint-Jean
1904	1922	Jacques Périé
1881	1904	Mathieu Eugène Lescourt
1860	1881	Bertrand Aristide Macluzeau
1856	1860	Pierre Peyraud
1852	1856	Barthelemy Augan de Caban
1848	1852	Pierre Morein
1848	1848	Guitard Dumaret
1832	1848	Pierre Peyraud
1830	1832	Blaise Miramon
1822	1830	Jean André Icard
1816	1822	Pierre Bonnet
1811	1816	Barthelemy Augan
1806	1811	Jean Dubois Dufresne
1795	1806	Daniel Claveau
1789	1795	Pierre Girard ^[5]
Totas las donadas non son pas encara conegudas.

Abans la refòrma cantonala de 2014, aplicada en 2015, la comuna èra deu canton de Sauvatèrra de Guiana; es adara deu canton de Le Réolais et Les Bastides (en francés), donc deu Reulés e de las Bastidas.