Muhammad Yunus

Muhammad Yunus (2006)

2013 bi en Vördrag in Wiesbaden

Muhammad Yunus (bengalisch মুহাম্মদ ইউনুস|Muhāmmad Iunus}}; * 28. Juni 1940 in Chittagong) is en bangladeschisch Weertschapswetenschapler. He is Grünner un ehmalger Geschäftsführer vun de Mikrokredite vergeven Grameen Bank un dormit en vun de Begrünner vun den Mikrofinanz-Gedanken. 2006 wurr he mit den Freedensnobelpries uttekent.

Leven

Muhammad Yunus, dat darte vunnegen Kinner vun en muslimischen Familie, wurr an' 28. Juni 1940 in de Oortschap Bathua in' Distrikt Chittagong in dat ehmalge Bengalen in Indien, dat hüüdige Bangladesch, boren. Sien Öllern weerrn de Juwelier Hazi Dula Mia Shoudagar un Sufia Khatun. Sien fröh Kindheit hett he in sien Heimatdörp tobrocht, bit de Familie 1944 in de Stadt Chittagong truck. Dor hett he de Lamabazar Primary School besöcht. Later bestunn he de de Riepprüfung an de Chittagong Collegiate School un weer dorbi ünner de best sössteihn vun 39.000 Studenten in dat dormalig Ostpakistan. Wiels sien Schulzeit weer Yunus aktiver Paddfinner. He is 1952 nah West-Pakistan un Indien un 1955 nah Kanada reist, um an Jamborees deeltonehmen.

Yunus studeer af 1966 mithhülp vun en Fulbright-Stipendium an de Vanderbilt University (USA). 1969 hett he dor sien Doktertitel in Volkswertschapslehre maakt. Van 1970 bit 1972 weer he Assistant Professor of Economics an de Middle Tennessee State University in Tennessee, USA. 1972 kreeg he en Professur an de Chittagong University in Bangladesch. Af 1976 weer he Projektmanager vun en Entwicklungsprojekt vun de Universität, ut dat de Grameen Bank hervörgung. Bi de sluutend 1983 grünnd Bank wurr he Managing Director. Siet 1996 hett he de Regeeren vun Bangladesch beraaden.

As Geschäftsführer vun de Grameen Bank wurr Yunus in März 2011 ut Ollersgrünnen entlaaten; he gung ahn Spood gerichtlich gegen sien Entlaaten vör. He hett de Regeeren vun Bangladesch in dissen Tosommenhang vörsmeeten, dat se de Grameen Bank ünner hör Kontrolle bringen wull. De Bank würr to en Organisatschoon vun de Regeeren wurrn un sien Levenswark würr dör Misswertschap, Ineffizienz un Profitstreven gefährdet.

In' März 2010 weer Yunus in den Dokumentarfilm Die 4. Revolution – EnergyAutonomy to sehn. He is verheiraadt un hett twee Döchter.

2011 seet Yunus in en Jury bestahnd ut renommeert Persönlichkeiten vun dat apenlich Leven, de an de Utwahl vun dat universell Logo för Minschenrechte bedeeligt weern.

In’ Oktober 2012 wurr Yunus Chancellor vun de Glasgow Caledonian University in Schottland.

Utteknungen

Yunus hett intüschen vun tallriek Universitäten up de ganze Welt Ehrendokterate kreegen. 1987 kreeg he den Shadhinata Padak, 1994 Weltnehrenspries, 1995 den Freeheitspries vun de Max Schmidheiny Stiftung, 1996 den Simón-Bolívar-Pries vun de UNESCO, 1997 den Planetary Consciousness Prize un 1998 den Sydney-Freedenspries un Prinz-von-Asturien-Pries, 2006 den Seoul-Freedenspries, 2007 den Vision Award. Todem is he Grünnensliddmaat vun de Global Academy vun Ashoka, en internatschonale Organisatschoon vun un för Social Entrepreneurs un Liddmaat vun dat Kuratorium vun de düütsch Stiftung Entrepreneurship. För de Förderung vun wertschaplich un sozial Entwicklung vun ünnern wurr hüm un de vun hüm grünnd Bank to glieker Deelen de Freedensnobelpries för dat Johr 2006 tspraken. He is nah Rabindranath Tagore un Amartya Sen de darte Bengale, de en Nobelpries kregen hett. 2008 wurr he för sien Book Die Armut besiegen mit den Corine-Tokunftspries uttekent. 2009 lreeg he de Presidential Medal of Freedom. 2010 hull Yunus de Festreed för de Afslussklass vun de Duke University, de hüm dorbi dat Ehrendokterat „Doctor of Humane Letters“ verleehn dee.

Konzept Sozialünnernehmen

[[Bildi:2014 Woodstock 194 Muhammad Yunus.jpg|mini|Muhammad Yunus up de Haltestelle Woodstock 2014]] Nah de Vörstellungen vun Yunus moot dee Struktur vun den Kapitalismus vervullständigt wurrn dör dat Inführen vun Sozialünnernehmen. De Zweck vun disse Ünnernehmen sall nich de Gewinnmaximierung ween, sonnern de Lösung vun sozialen un Umweltproblemen. „Wenn man die profit-maximierende Brille abnimmt und zur sozialen Brille greift, sieht man die Welt in einer anderen Perspektive“, meen he. Falls en Gewinn anfallen dee, würr de in dat Ünnernehmen reinvesteert. De Andeeleegner verdeenen nichts, könnt hör Kapital aber mit de Tiet torüchkriegen. Attraktiv weer en deroordige Geldanlaag för Minschen, de wat Goods doon wullen, wovun dat völ geven dee, nah de Ansicht vun Yunus.

Böker

• Social Business. Von der Vision zur Tat. Hanser, München 2010 (Originaltitel: Building Social Business, översett vun Werner Roller), ISBN 978-3-446-42351-0.
• Die Armut besiegen. Hanser, München 2008 (Originaltitel: Creating a world without poverty, översett vun Stephan Gebauer), ISBN 978-3-446-41236-1.
• Für eine Welt ohne Armut. Die Autobiographie des Friedensnobelpreisträgers. Lübbe, Bergisch Gladbach 2006 (Originaltitel: Vers un monde sans pauvreté, översett vun Helmut Mennicken), ISBN 978-3-404-28513-6.

Literatur

• Peter Spiegel: Muhammad Yunus – Banker der Armen. Der Friedensnobelpreisträger; sein Leben, seine Vision, seine Wirkung. Herder-Verlag, Freiburg im Breisgau, Basel, Wien 2006, ISBN 978-3-451-05880-6.

Weblenken

Muhammad Yunus. Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun Muhammad Yunus
• Yunis up de Sieden vun den Nobelpries (engelsch)
• DNB-Katalog
• Kritik an Muhammad Yunus in dat "Südwindmagazin" 2007
• „Ich habe Angst.“ Interview in: Süddeutsche Zeitung van’ 24. Juni 2011
• Videointerview in WHATCHADO