Barcelona
Dit Woort hett noch annere Bedüden: kiek dorför ünner Barcelona (Mehrdüdig Begreep).
Wapen/Flagg | Koort | |
---|---|---|
| ||
Basisdaten | ||
Barcelonès | ||
Flach: | 101,3 km² | |
Inwahners: | 1.660.122 | |
Inwahnerdicht: | 16.388,2 Inwahners pro km² | |
Postleettall: | 08001–08042 | |
Vörwahl: | 93 | |
Geograafsche Laag: | Koordinaten:41° 23′ N, 2° 11′ O41° 23′ N, 2° 11′ O | |
Grenzen bi OSM: | 347950 ![]() | |
Börgermeester: | Jaume Collboni Cuadrado | |
Websteed: | https://www.barcelona.cat | |
![]() |
![](http://upload.wikimedia.org/wikipedia/commons/thumb/c/cd/Localitzaci%C3%B3_de_Barcelona.png/220px-Localitzaci%C3%B3_de_Barcelona.png)
Barcelona is na Madrid de tweetgröttste Stadt van Spanien un ene van de wichtigsten Havenstäder an de Middellannsche See. As Hööftstadt van de noordoosten Landschap Katalonien is Barcelona de kulturelle un weertschapliche Middelpunkt van den Volksstamm, de sik stolt Katalanen nöömt un ehre egene Spraak, dat Katalaansch, spreekt.
Eerst as um 1860 de olen Stadtmüren daalbraken un moie Gröönanlagen herricht wurrn, kunn de Stadt sik so richtig utbreden. Boulevards mit sess un mehr Sporen föhrt dwars dör de groten Geschäfts- un Wahnblöck. So is Barcelona vandaag ene van de modernsten spaanschen Städer.
Neven Madrid is Barcelona ok de bedüdenste weertschapliche Swoorpunkt van ganz Spanien. An de Stadtränner gifft dat vele Industrieanlagen för alle möglichen Verbruuksgöder, vör allen Textil-, Metall-, Maschinen-, Ledder-, Papeer- un Glasindustrie.
![](http://upload.wikimedia.org/wikipedia/commons/thumb/3/3b/050529_Barcelona_109.jpg/220px-050529_Barcelona_109.jpg)
De lebennigste Straat in Barcelona is de Rambla, de van de Plaça de Catalunya na’n Haven geiht un mit ehre velen Verkoopsbuden, mit de grote Markthall un de Figurendarsteller Dusende van Touristen antreckt. An dat Enn van de Rambla steiht dat 60 m hoge Kolumbus-Denkmaal un nich wiet darvan liggt in’n Haven de „Santa Maria“, dat Schipp, mit dat Kolumbus 1492 över den Atlantik segelt is un Amerika updeckt hett.
Sehnswürdig sünd de Geböden Nuestra Señora de Belén, de Palast van de Viezkönigin, Santa Maria del Pino, dat Gran Teatro del Liceo, de Palacio Nacional un dat Archäologische Museum. En ganz besunnert Bowark is de Kark van de Hillige Familie (Sagrade Familia). De Betonbo, mit den al 1882 anfungen wurr, is dat Wark van den beröhmten Architekt Antoni Gaudí (1852-1926), warrt blots van Spennengeld boot, is aver bit vandaag ümmer noch nich fardig.
Dat Pueblo Español is en Freelichtmuseum, dat för de Weltutstellung 1929 boot wurr un dat ut originaalgetro kopeerte Hüüs besteiht, de in de verschedenen spaanschen Landschapen vörkaamt. Well Barcelona maal van baben sehn will, de kann mit ene Seilbahn up den 532 m hogen Tibidabo henupföhren.
Weblenken
[ännern | Bornkood ännern]- Websteed vun Barcelona (spaansch, katalaansch, engelsch)