Волк (соѕвездие)
| лат. Lupus | |
 | |
| Кратенка | Lup |
|---|---|
| Генитивно | Lupi |
| Симболизам | волк |
| Ректасцензија | 15,3 ч. |
| Деклинација | −45° |
| Квадрант | SQ3 |
| Површина | 334 (°)² (46-то) |
| Главни ѕвезди | 9 |
| Бајерови/Флемстидови ѕвезди | 41 |
| Ѕвезди со планети | 5 |
| Ѕвезди посјајни од 3,00m | 3 |
| Ѕвезди во полупречник од 10,00 пс (32,62 сг) | 1 |
| Најсјајна ѕвезда | α Lup (Мен) (2,30m) |
| Најблиска ѕвезда | LHS 397 (19,35 сг, 5,93 пс) |
| Месјеови објекти | 0 |
| Соседни соѕвездија | Рамнило Скорпија Шестар Кентаур Вага Водна Змија (агол) |
| Видливо на ширина од +35° до −90°. Најдобро се гледа во 21:00 ч. во текот на месец јуни. | |
Волк (лат. Lupus, Lup) — соѕвездие на јужното небо, едно од 48-те забележани од римскиот астроном Клавдиј Птоломеј (II век) и до денес претставува дел од 88-те современи соѕвездија. Сместено е помеѓу соѕвездијата Кентаур и Скорпија.
Забележителности
[уреди | уреди извор]
Ѕвезди
[уреди | уреди извор]Волк има околу 30 ѕвезди од величина 2 и 3, како и 70 со величина поголема од 6, вклучувајќи ред двојни и повеќекратни ѕвезди.
Највеќето најсјајни ѕвезди во соѕвездието се масивни членови на OB-здружението Скорпија-Кентаур.[1]
Длабоконебесни тела
[уреди | уреди извор]Кон северниот дел на соѕвездието се наоѓаат збиените јата NGC 5824 и NGC 5986, е близу до нив е и темната маглина B 228. На југ се сместени расеаните јата NGC 5822 и NGC 5749, како и збиеното јато NGC 5927 на источната граница со соѕвездието Рамнило. На западната граница има две спирални галаксии и Волф-Рајеовата планетарната маглина IC 4406, во која се содржат некои од најврелите познати ѕвезди. Маглината IC 4406 (наречена „Мрежница“) е валчеста маглина оддалечена 5.000 светлосни години. Низ средиштето има правливи појаси.[2] Кон средината на соѕвездието се наоѓа и планетарната маглина NGC 5882. Во Волк е сместена и преминувачката вонсончева планета Волк -TR-3b.
ESO 274-1 е спирална галаксија која е видлива странично, и тоа со аматерски телескоп со пречник од барем 30 см. Се наоѓа користејќи се со Ламбда Волк и Ми Волк како обележја, и видлива е само при многу темно небо. По големина зафаќа 9 на 0,7 лачни минути со мало елиптично јадро.[3]
Митологија и историја
[уреди | уреди извор]Во древноста, соѕвездието се сметало за астеризам во рамките на Кентаур и се поимувало како произволно животно, убиено (или на умирање) од страна на или во име на Кентаур.[4] Ератостен си го претставувал како мешок за вино во раката на Кентаур.[5] Волк почнал да се сметаза посебно соѕвездие во III век п.н.е., кога Хипарх го нарекол „Ѕвер“ (Терион). Овој „ѕвер“ , не се сметал за ниедно конкретно животно сè до преведувањето на Хипарховото дело на латински.
Старогрчкото поимување веројатно води потекло од вавилонската фигура позната како Бесно Куче (УР.ИДИМ), со глава и труп на човек и нозе и опашка на ѕвер (лав, куче, волк итн.) Честопати се среќава заедно со богот на сонцето и уште едно митолошко суштество, наречено „Човек-бик“ (аналогно на грч. Кентаур).[6]
Поврзано
[уреди | уреди извор]Наводи
[уреди | уреди извор]- ↑ Preibisch, T., Mamajek, E.; Mamajek (2008). „The Nearest OB Association: Scorpius-Centaurus (Sco OB2)“. Handbook of Star-Forming Regions. 2: 0. arXiv:0809.0407. Bibcode:2008hsf2.book..235P.CS1-одржување: повеќе имиња: список на автори (link)
- ↑ Wilkins, Jamie; Dunn, Robert (2006). 300 Astronomical Objects: A Visual Reference to the Universe (1. изд.). Buffalo, New York: Firefly Books. ISBN 978-1-55407-175-3.
|access-date=бара|url=(help) - ↑ Dalrymple 2013, стр. 41.
- ↑ Mark R. Chartrand III (1983) Skyguide: A Field Guide for Amateur Astronomers, p. 160 (ISBN 0-307-13667-1).
- ↑ Chartrand, p. 172.
- ↑ Babylonian Star-lore by Gavin White, Solaria Pubs, 2008, page 145 & 59ff
- Dalrymple, Les (May 2013). „Exploring the M83 Galaxy Group“. Sky & Telescope.
- Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.
Надворешни врски
[уреди | уреди извор] |
„Волк (соѕвездие)“ на Ризницата ? |
- Ѕвездени приказни — Волк (англиски)
- Соѕвездието Волк — Водич низ соѕвездијата (англиски)
| ||||||||||||||||||||||||||||||||||
