České dráhy

Quest articol chì l'è scrivuu in lombard, grafia milanesa.

Logo

České dráhy, despess breviaa in ČD, a l'è la principal compagnia ferroviaria de la Cechia e che la se occupa del servizzi suburban Esko, di servizzi regionai, nazionai e internazionai.

Storia

La compagnia la nass in del 1993 'me successora de part ceca di Československé státní dráhy, i ferrovij del Stat cecoslovacch. Han tolt part ai pussee important organizzazion internazionai e cont i sò 24'000 impiegaa a l'è vuna di aziend pussee important del Stat.

Dal 2008 a l'è men sussidiada del Stat e l'ha elaboraa di noeuv pian de strapòrt per guadagnà pussee. In del 2014 a l'è parpognuu de unì i Ferrovij, che se occupen domà di servizzi, e di Správa železniční dopravní cesty, ossia el gestor de infrastruttura.

Servizzi

Longa percorrenza

I servizzi de ponta de l'azienda a hinn el SuperCity Pendolino che 'l conliga i città pussee important de la Cechia cont di treni a pendolament e i Railjet, a volta velocità, che conlighen direttament la Cechia a l'Austria, e i InterCity e EuroCity, che conlighen respettivament i città cecch e internazionai. A hinn offert anca di treni espress, de differenta qualità, e i treni rapid, che hinn interregionai. A gh'è anca el servizzi EuroNight e 'l trasport di automobij via treno.

Slovácký expres

Slovácký expres a l'è on servizzi special che 'l conliga i pussee important città cecch cont la Slovacchia morava, ossia el tocch de la Cechia de lengua e coltura slovacca.

Regional

L'azienda la se occupa anca del servizzi regional in Cechia, cont i treni regionai, disponibij anca velos, e i treni suburban de l'Esko Praha e del servizzi ferroviari suburban de la Moravia-Silesia.

Alter

L'azienda la gestiss 'na connession bus ciamada "Airport Express" che la mena de la Stazion Centrala de Praga a l'Aeroport Václav Havel direttament e la funivia Ještěd.

Material rotabil

Per savenn pussee, varda l'articol Material Rotabil di České dráhy.

El material rotabil di České dráhy, dividuu per servizzi, a l'è:

Railjet
- Composizion fondaa in sui EuroSprinter
SuperCity Pendolino:
- Elettrotreno ČD 680
Treni rapid
- InterPanter
- RegioPanter
- Composizion fondaa in su la locomotiva ČD 380
- Composizion fondaa in su la locomotiva ČD 854
- Composizion fondaa in su la locomotiva ČD 843
Treni regionai

Carrozz

I carrozz doperaa de l'azienda a hinn:

Riferiment

Vos corelaa