Elizabeth II (regina Britanniarum)

Elizabeth II (regina Britanniarum)

Res apud Vicidata repertae:

Elizabeth II (regina Britanniarum): imago

Nativitas: 21 Aprilis 1926; Eia
Obitus: 8 Septembris 2022; Castellum Balmoral
Patria: Britanniarum Regnum
Nomen nativum: Elizabeth Alexandra Mary Windsor

Familia

Genitores: Georgius VI; Elisabetha Bowes-Lyon
Coniunx: Philippus dux Edinburgensis
Proles: Carolus III (rex Britanniarum), Anne, Princess Royal, Prince Andrew, Duke of York, Prince Edward, Duke of Edinburgh
Familia: Windsorani

Memoria

Sepultura: King George VI Memorial Chapel

Elizabeth II (Elizabeth Alexandra Maria Windsor, nata Mayfair in regione urbana Londinii die 21 Aprilis 1926; mortua apud Castellum Balmorale in Praefectura Aberdonensi die 8 Septembris 2022) fuit monarcha constitutionalis quindecim civitatum suorum iurum regnorum Consortionis Populorum appellatarum, caput Consortionis Populorum, ac caput civitatis Provinciarum Coronae Britannicae.

Ad regnum anno 1952 accedens, facta est Consortionis Populorum Princeps et regina regnans septem liberarum Consortionis Populorum civitatum: Britanniarum Regni, Canadae, Australiae, Novae Zelandiae, Unionis Africae Australis, Dominionis Pakistaniae, et Dominionis Taprobanes. Inter 1956 et 1992 numerus suorum regnorum variabatur cum territoria libertatem capesserent et quaedam regna reipublicae facta essent. Demum, cum civitatibus quattuor supradictis, Elizabeth est Regina Iamaicae, Barbatae, Insularum Bahamensium, Granatae, Papuae Novae Guineae, Insularum Salomonis, Tuvalu, Sanctae Luciae, Sancti Vincentii et Granatinarum, Belizae, Antiquae et Barbudae, et Sancti Christophori et Nevis. Eius regnum, annorum 71 et dierum 214, erat primum a regno monarchae Britannici longissime regnante. Sui iubilaeum adamantini anno 2012 iubilaeumque platini anno 2022 celebrabantur.

Elizabeth, Londinii nata, domi secreto educata est. Pater regnum excepit Georgius VI anno 1936, Eduardo VIII fratre se regno abdicante. Ea ad rempublicam per secundum bellum mundanum accessit, cum in Auxiliary Territorial Service^? mereret. Anno 1947, Principi Philippo, Duci Edinburgi, nupsit, cui quattuor liberos peperit: Carolum, Annam, Andream, Eduardum. Eius ritus impositionis diadematis anno 1953 factus est, primus televisione emissus.

Inter eius multas salutationes historicas et congressiones sunt salutatio civitatis ad Rempublicam Hibernicam salutationesque mutuae ad et a tribus papis Catholicis Romanis. Intra Regnum Britanniarum, ea maiores observavit mutationes constitutionales, inter quas Conventus Nationalis Cambriae apertus et Parlamentum Scoticum apertum. Inter tempora sibi magni momenti fuerunt ortus et nuptiae liberorum, ortus nepotum et neptium, inauguratio Principis Walliae, et celebratio festorum dierum argenteorum et festorum dierum aureorum annis 1977 et 2002 habitorum. Atque celebratio festorum dierum adamantinum et festorum dierum platinorum annis 2012 et 2022 habitorum.

Maiores vitae reginae res gestae societatem comprehendunt Regni Britanniarum et Consortionis Populorum in nonnullis bellis, inter quae Tumultus in Hibernia Septentrionali, Bellum Coreanum, Bellum Falklandense, atque bella cum Iraquia et Afgania. Fuerunt tempora magni doloris proprii, inter quae praematurus patris obitus; caedes Domini Mountbatten, patrui Principis Philippi; dissolutio matrimoniorum liberorum 1992 (anno quem ipsa Latine annum horribilem appellavit); mors anno 1997 nurus Dianae, Principissae Cambriae; mortesque matris et sororis anno 2002. Ea iniquum familiae regalis iudicium ex prelo humili aliquando accepit, etiam adeo opiniones respublicanas, ambo in Britanniarum Regno et in aliis civitatibus Consortionis Populorum, sed populi favorem continenter conservat.

Multis in linguis sunt tituli eius auctoritate proclamata; Latine sic dicuntur: Elizabeth II, Dei Gratia Britanniarum Omnium Regnorumque Suorum Ceterorum Regina, Consortionis Populorum Princeps, Fidei Defensor. Ceterum autem Ecclesiae Anglicanae quoque praesedit.

Vita

Principissa Elizabeth, tres annos nata, 1929.

Elizabeth fuit progenies prima Principis Alberti, Ducis Eboracensis (deinde Regis Georgii VI), eiusque uxoris Elizabeth. Pater fuit alter Regis Georgii V et Reginae Mariae filius, et mater fuit minima Claudii Bowes-Lyon, quarti decimi Comitis Strathmore et Kinghorne, nobilis Scotici, filia. Nata est sectione Caesareana apud 17 Bruton Street, Mayfair, domi avi materni Londinii, hora 2:40 a.m. (GMT) die 21 Aprilis 1926. Cosmo Lang, Archiepiscopus Eboraci Anglicanus, eam baptizavit in domestica Palatii Buckinghamensis cappella die 29 Maii. Appellata est Elizabeth ex matre, Alexandra ex matre Georgii V (quae sex menses ante mortua erat), et Maria ex avia paterna. Familiares eam Lilibet appellaverunt. Georgius V neptem tam fovit ut, per aegritudinem periculosam anno 1929, eius salutationes constantes in diariis apud populum gratiosis et deinde a biographis habebantur suos spiritus confirmavisse et recuperationem adiuvisse.

Una cum Margarita sorore a praeceptoribus privatis educata est.

Anno 1936, cum patruus Eduardus VIII regno se abdicaret, Elizabeth throni heres facta est. Inter secundum bellum mundanum, Elizabeth Vindesoriae in oppido prope Londinium habitabat, et ab anno 1944 Auxiliary Territorial Service auxilium dedit.

Patre Georgio VI die 6 Februarii 1952 mortuo, Elizabeth regina Londinii rite proclamata est, dum ea Keniam visitabat. Diadema ei impositum est die 2 Iunii 1953.

Funus civicum apud Abbatiam Westmonasteriensem die 19 Septembris 2022 ei factum est.

Iubilaeum adamantinum

Adamantinum Elizabethae iubilaeum anno 2012 eam sexaginta annos reginam celebrat. Die olim initi a se imperii regina nuntiavit: "Hoc anno singulari, cum me denuo officio vestro dedico, spero fore, ut nobis omnibus consensus unitatisque potentia et convocans vis familiae, amicitiae, viciniae in memoriam reducatur. . . . Hoc anno iubilaeo etiam, ut spero, pro omnibus ab anno 1952 melioribus factis gratiae agentur, futura autem claro iudicio et corde calente exspectentur."

Elizabetha una cum marito iter maximum per Britanniarum Regnum suscepit, cum liberi ac nepotes reginae nomine regna Consortionis Populorum visitarent. Die 4 Iunii, plurimis orbis terrarum locis, imprimis autem Londinii, dies sollemnes summum fastigium attigerunt.

Elizabetha die 20 Novembris 1947 Philippo nupsit (nato 10 Iunii 1921), Principi Graeciae et Daniae, filio Principis Andreae Graeciae et Daniae (filii Georgi I, primi regis Graeciae, et reginae Olgae, natae magnae ducissae Russiae) principissaeque Aliciae Mountbatten (filiae principi Ludovici Mountbatten et principissae Victoriae Hassiae et Rheni), qui ad matrimonium honorandum suos regios titulos amisit, maternum cognomen (quod anno 1917 anglicizatus erat et factus Mountbatten pro Theodisco Battenberg) sumpsit, ut Edimburgi dux crearetur. Ei quattuor liberos peperit.

Familia

• Carolus Philippus Arthurus Georgius (olim Princeps Walliae, denuo rex, matris successor: natus 14 Novembris 1948), qui nuptias fecit (29 Iulii 1981) et divortium (28 Augusti) 1996 a Domina Diana Francisca Spencer (1961–1997); postea, 9 Aprilis 2005, in matrimonium duxit Camillam Parker-Bowles, natam Camillam Shand
• Anna Elisabetha Alicia Ludovica, Principissa Regalis (nata 15 Augusti 1950), quae nupsit (14 Novembris 1973 et fecit divortium (28 Aprilis 1992) a Marco Antonio Petro Phillips; postea, 12 Decembris 1992, nupsit Timotheo Laurence
• Andreas Albertus Christianus Eduardus, dux Eboracensis (natus 19 Februarii 1960), qui nuptias fecit (23 Iulii 1986) et divortium (30 Maii 1996) a Sara Margarita Ferguson
• Eduardus Antonius Ricardus Ludovicus, comes Wessexiae et dux Edinburgi (natus 10 Martii 1964), qui Sophiam Helenam Rhys-Jones in matrimonium duxit 19 Iunii 1999

Horum ex parte liberorum, octo nepotes Elizabethae Philippique sunt:

• Petrus Marcus Andreas Philippi, natus 15 Novembris 1977, Annae principissae filius (qui anno 2008 Autumn Kelly uxorem duxit, quae ab eo duas filias genuit: Savanna et Isla)
• Zara Anna Elisabetha Philippi, nata 15 Maii 1981, Annae principissae filia (quae anno 2011 Michaëli Tindall nupsit et peperit filias Mia et Lena, filium Lucam)
• Gulielmus Arthurus Philippus Ludovicus, Princeps Walliae, Dux Cantabrigiae^(en), natus 21 Iunii 1982, Caroli III filius, (qui, secundus ordinis heredum regni, anno 2011 Catherinam Middleton uxorem duxit, quae ab eo tres liberos genuit: Principem Georgium Cantabrigiae et Principissam Carlotam Cantabrigiae et Principem Ludovicum Cantabrigiae)
• Henricus Carolus Albertus David, princeps, Harry appellatus, natus 15 Septembris 1984, Caroli principis filius (quintus ordinis heredum regni, qui anno 2018 Meghan Markle, Americanam, uxorem duxit quae ab eo Archiebaldus filium et Elizabeth Diana filiam genuit)
• Beatrix Elisabetha Maria Eboracensis, principissa, nata 8 Augusti 1988, Andreae principis filia
• Eugenia Victoria Helena Eboracensis, principissa, nata 23 Martii 1990, Andreae principis filia
• Ludovica Alicia Elisabetha Maria Mountbatten-Windsor, nata 8 Novembris 2003, Eduardi principis filia
• Iacobus Alexander Philippus Theo, comes Wessexiae et Forfaris, natus 17 Decembris 2007, Eduardi principis filius.

Arma gentilitia

Die 21 Aprilis anno 1944, principissae Elizabethae arma gentilitia propria super scutum domicellae atque paris regni parallelogrammum, immo rhombum, indutum ab armis Britanniarum Regni componuntur, cum transversa scuti gentilitii taenia vel potius lambello inter pendentes argenteos tres dispertita inter quos is media Tudorum rosa una dum ii dexter sinisterque Georgii crucem praebentur. Postquam ad thronum accessit evidenter ipso facto lambellus ille desitus est pro armis Britanniarum Regni plenis.

• 
  Principissae Elizabethae arma gentilitia (1944–1947)
• 
  Principissae Elizabethae arma gentilitia, (Ducissa Edimburgi) (1947–1952)
• 
  Elizabethae II arma gentilitia in Britanniarum Regno (praeter Scotiam)
• 
  Elizabethae II arma gentilitia in Scotia

Pelliculae

• 2006 : The Queen

Bibliographia

• Bates, Stephen. 2022. "Queen Elizabeth II obituary." The Guardian, 8 Septembris 2022.
• Bedell Smith. 2017 Elizabeth the Queen: The Woman Behind the Throne. Penguin Books. ISBN 978-1-4059-3216-5.
• Bond, Jennie. 2006. Elizabeth: Eighty Glorious Years. Londinii: Carlton Publishing Group. ISBN 1-84442-260-7. Archive.org.
• Bousfield, Arthur, et Gary Toffoli. 2002. Fifty Years the Queen. Toronti: Dundurn Press. ISBN 978-1-55002-360-2. Archive.org.
• Bradford, Sarah. 2002. Queen Elizabeth II: Her Life in Our Times. Ed. secunda. Londinii: Penguin. ISBN 978-0-14-193333-7.
• Bradford, Sarah. 2012. Queen Elizabeth II: Her Life in Our Times. Penguin. ISBN 978-0-670-91911-6. Archive.org.
• Brandreth, Gyles. 2004. Philip and Elizabeth: Portrait of a Marriage. Londinii: Century. ISBN 0-7126-6103-4. Archive.org.
• Briggs, Asa. 1995. The History of Broadcasting in the United Kingdom. Vol. 4. Oxoniae: Oxford University Press. ISBN 0-19-212967-8.
• Bush, Karen. 2007. Everything Dogs Expect You to Know. Londinii: New Holland, ISBN 978-1-84537-954-4. Archive.org.
• Campbell, John. 2003. Margaret Thatcher: The Iron Lady. Londinii: Jonathan Cape. ISBN 0224061569.
• Crawford, Marion. 1950. The Little Princesses. Londinii: Cassell & Co.
• Cvorak, Monika. 2022. "Queen Elizabeth II in her own words: video obituary." The Guardian, 8 Septembris 2022.
• English, Otto. 2022. "The Short Unhappy Life of Elizabeth Windsor." Politico, 8 Septembris 2022.
• Hardman, Robert. 2011. Our Queen. Londinii: Hutchinson. ISBN 978-0-09-193689-1. Archive.org.
• Hardman, Robert. 2019. Queen of the World. Penguin Random House. ISBN 978-1-78089-818-6.
• Heald, Tim. 2007. Princess Margaret: A Life Unravelled. Londinii: Weidenfeld & Nicolson. ISBN 978-0-297-84820-2. phttps://archive.org/details/princessmargaret0000heal_n5q7 Archive.org.]
• Hoey, Brian. 2002. Her Majesty: Fifty Regal Years. Londinii: HarperCollins. ISBN 0-00-653136-9. Archive.org.
• Hoey, Brian. 2022. Her Majesty Queen Elizabeth II: Platinum Jubilee Celebration: 70 Years: 1952–2022. Rizzoli ISBN 978-1-84165-939-8.
• Knappett, Gill. 2016. The Queen at 90: A Royal Birthday Souvenir. Pitkin. ISBN 978-0-7509-7031-0.
• Lacey, Robert. 2002. Royal: Her Majesty Queen Elizabeth II. Londinii: Little, Brown. ISBN 0-316-85940-0.
• Louda, Jiří, et Michael Maclagan. (1981) 1999. Lines of Succession: Heraldry of the Royal Families of Europe. Ed. secunda. Londinii: Little, Brown. ISBN 978-0-316-84820-6.
• Macmillan, Harold. 1972. Pointing The Way 1959–1961. Londinii: Macmillan. ISBN 0-333-12411-1. Archive.org.
• Marr, Andrew. 2011. The Diamond Queen: Elizabeth II and Her People. Londinii: Macmillan. ISBN 978-0-230-74852-1.
• Mitchell, James. 2003. "Britain Since 1945." In Scotland: Cultural Base and Economic Catalysts, ed. Jonathan Hallowell, 109–25. Wiley-Blackwell. doi:10.1002/9780470758328.ch5. ISBN 978-0-631-20967-6.
• Hugh Massingberd, ed. 1973. "The Royal Lineage." In Burke's Guide to the Royal Family. Londinii: Burke's Peerage. ISBN 0-220-66222-3.
• Neil, Andrew. 1996. Full Disclosure. Londinii: Macmillan. ISBN 0-333-64682-7. Archive.org.
• Nicolson, Harold. 1952. King George the Fifth: His Life and Reign. Londinii: Constable & Co.
• Petropoulos, Jonathan. 2006. Royals and the Reich: the princes von Hessen in Nazi Germany. Novi Eboraci: Oxford University Press. ISBN 0-19-516133-5. Archive.org.
• Pimlott, Ben. 2001. The Queen: Elizabeth II and the Monarchy. Londinii: HarperCollins. ISBN 0-00-255494-1.
• Roberts, Andrew. 2000. The House of Windsor, ed. Antonia Fraser. Londinii: Cassell & Co. ISBN 0-304-35406-6. Archive.org.
• Routledge, Paul. 1994. Scargill: The Unauthorized Biography.Londinii: Harper Collins. ISBN 0-00-638077-8.
• Shawcross, William. 2002. Queen and Country. Toronti: McClelland & Stewart. ISBN 0-7710-8056-5. Archive.org.
• Thatcher, Margaret. 1993. The Downing Street Years. Londinii: HarperCollins. ISBN 0002550490.
• Tomaszewski, Fiona K. 2002. A Great Russia: Russia and the Triple Entente, 1905–1914. Greenwood Publishing Group. ISBN 978-0-275-97366-7.
• Trudeau, Pierre Elliott. 1993. Memoirs. Toronti: McLelland & Stewart. ISBN 0771085885.
• Warwick, Christopher. 2002. Princess Margaret: A Life of Contrasts. Londinii: Carlton Publishing Group. ISBN 978-0-233-05106-2.
• Williamson, David. 1987. Debrett's Kings and Queens of Britain. Webb & Bower. ISBN 0-86350-101-X.
• Wyatt, Woodrow. 1999. The Journals of Woodrow Wyatt. Vol. 2, ed. Sarah Curtis. Londinii: Macmillan. ISBN 0-333-77405-1. Archive.org.

Nexus externi

Vicimedia Communia plura habent quae ad Elizabeth II (reginam Britanniarum) spectant (Queen Elizabeth II, Elizabeth II of the United Kingdom).

• Elizabeth II regina coronata, apud Kalenderblatt.de. (Germanice).
• Situs interretialis Elizabeth II reginae apud regimen Britannicum. (Anglice).

Reges Magnae Britanniae (ab 1707) et Britanniarum (ab 1801)

Anna 1702 • Georgius I 1714 • Georgius II 1727 • Georgius III 1760 • Georgius IV 1820 • Gulielmus IV 1830 • Victoria 1837 • Eduardus VII 1901 • Georgius V 1910 • Eduardus VIII 1936 • Georgius VI 1936 • Elizabeth II 1952 • Carolus III 2022 Opus geopoliticum • Porta Unionis Europaeae • Porta Britanniarum Regni • Duces civitatum Europaearum hodiernarum • Index Regum Britanniae Britanniarumque Capsae cognatae: Duces civitatum Unionis Europaeae • Reges Angliae 1066–1707 • Principes Walliae • Primi ministri Britannici 1721–1945 • Primi ministri Britannici 1945– • Primi ministri Caesareae insulae