Mare Mediterraneum

Tabula Maris Mediterranei (Anglice)

Tabula Maris Mediterranei aevo Romano (Latine)

Mare Mediterraneum vel Mare Internum (saepe a Romanis Mare Nostrum vocatur) est mare intercontinentale inter Europam (ad septentriones), Africam (ad austrum) et Asiam (ad orientem) situm. Superficies eius est circiter 2 500 000 km². Fretum Herculeum id Oceano Atlantico iungit.

Geographia antiqua

Mare Mediterraneum per totam historiam humanam variis nominibus notum est. Graeci id primum thalassa et post inventionem oceani Atlantici Entos Thalassa appellaverunt.

Romani id Mare Nostrum vel Internum Mare vocabant. Nota bene, Mare Nostrum stricto sensu solum Mare Mediterraneum circum Italiam significavit. Haec pars etiam Mare infernum, pars orientalis Mare superum vocata sunt. Romani Mare Mediterraneum in quasdam partes diviserunt, exempli gratia:

• Hadriaticum Mare
• Aegaeum Mare
• Balearicum Mare: inter Baleares insulae et Hispaniam
• Creticum Mare
• Mare Ibericum: inter Baleares insulae et Gaditanum Fretum
• Ionium Mare
• Myrtoum Mare: inter Peloponnesum et Cyclades
• Mare Tyrrhenicum: inter Italiam et insulas occidentales
• Sinus gallicus: quod hodie Golfe du Lion vocatur

Saeculo 7 Isidorus Hispalensis verbis Mare Mediterraneum in opere suo Ethymologiae sive Origines primum usus est. Illo tempore nondum erat nomen verum.

Geographia moderna

Ordo Hydrographicus Internationalis (IHO) anno 1953 in libello Limits of oceans and seas oceanum et maria in varias partes subdivisit. Mare Mediterraneum ita dividitur:

• Divisiones principales: dua labra maritima, quorum finis est linea inter Promontorium Lilibeo (Sicilia) et Promontorium Bon (Tunesia).
  • Labrum occidentale
  • Labrum orientale
• Subdivisiones:
  • Gaditanum Fretum sive Fretum Herculeum sive ostium Oceani
  • (Anglice Alboran Sea): inter Fretum Herculeum et lineam Promontorium Felis (Cabo de Gata, Hispania) et Promontorium Fegalo (Algeria) iungens.
  • Balearicum Mare
  • mare Ligusticum
  • Mare Tyrrhenicum
  • Mare Ionium
  • Mare Hadriaticum sive Mare Hadria
  • Mare Aegaeum

Quidam Propontem etiam partem Maris Mediterranei esse putant. Fossa navigabilis apud Clysma ab hominibus facta illum Mari Erythraeo (Red Sea) iungit.

Inter insulas maiores sunt:

• ad orientem: Cyprus, Creta, Rhodus
• medium: Sardinia, Corsica, Sicilia, Melitta
• ad occidentem:Baleares insulae Ibiza, Maiorca, Minorca

Sunt in Mari Aegeo multae minores insulae.

Civitates modernae huic mari attingens:

• Europa (ab occidente ad orientem): Hispania, Francia, Monoecus, Italia, Melitta, Slovenia, Croatia, Bosnia et Herzegovina , Serbia et Montes Nigrae, Albania, Graecia
• Asia (ab septentrionibus ad austrum): Turcia, Syria, Cyprus, Libanus, Israel, Palaestina
• Africa (ab oriente ad occidentem): Aegyptus, Libya, Tunesia, Algeria, Marocum

Oceanographia et Biologia

Salinitas aquae Maris Mediterranei maior salinitate oceani est: 3,8 %. Aqua non salina ex fluviis et Mari Scytico in Mare Mediterraneum fluet, sed per quantitatem evaporationis aqua salina per Fretum Herculeum influit. Aestuus parvi sunt quia Fretum Herculeum angustum est. Maxima profunditas 5015 m est in Sumpa Calypsos apud Graeciam.

Historia

Graeci et Phoenices colonias in totam regionem Maris Mediterranei deducerunt. Colonia maximi momenti erat Carthago (anno 814 a.C.n.). Post ruinam regni Alexandri Magni et proelia inter successores Ptolemaei et Carthaginenses in toto mari dominati sunt. Tribus bellis Punicis Romani Carthaginem et partem occidentem maris vicerunt. Anno 31 a.C.n. Octavianus Augustus Marcum Antonium Cleopatramque vicit. Postea trescentos annos Romani totum Mare Mediterraneum a Romanis imperaverunt. Saeculo 4 et saeculo 5 Vandales maximum imperium maritimum partis occidentalis maris fuit. Pars orientalis autem a Imperio Romano Orientali imperata est.

Vide etiam

• Mare Tyrrhenicum

Nexus externi

• International Hydrographic Organization: hic libellum Limits of oceans and seas extrahere potes.
• LacusCurtius, Isidori Hispalensis Origines, de Mediterraneo Mari