Филогенетикалық түр түзілу
Филогенетикалық түр түзілу кезінде бастапқы түр даралары тұтас бірнеше ұрпақ бойы бүтіндей өзгере отырып, жаңа түрге айналады. Жаңа түр морфологиялық ерекшеліктеріне қарай оңай ажыратылады. Жылқы тұқымдасындағы түрдің түзілу тарихы осы жағдайды түсіндіретін мысал бола алады. В.Ковалевский жылқының шығу тарихын мысал ете отырып, палеонтологияға тарихи әдіс енгізді. Ол жылқылардың қазба формаларына филогенездік талдау жасап, жылқы тобының тарихи дамуы ортаның өзгеруіне тығыз байланысты екенін ділелдеген. Бастапқы формадан осы заманғы түрлерге дейінгі аралықты қамтитын бұл тарихи даму әрекеті үштік кезеңінен бастап 60млн. жылға жуық созылды. Соның нәтижесінде жылқының қазіргі түрлері пайда болды.
Эфолюция нәтижелері өзара байланысты мына төмендегі үш жағдайдың қалыптасуына себеп болды. 1.Органикалық дүниедегі мақсатқа сәйкестілі,яғни бұл ағзадағы барлық мүшелердің бір-біріне үйлесімділігі мен өзара байланыстылығы және олардың құрылысы мен қызметінің тіршілік ортасына бейімділігі. Тіршілік жағдайлары өзгерсе бейімділік белгілері де өзгереді. Бұл-табиғи сұрыпталудың нәтижесі. Табиғатта ағзалардың бейімделушілігі салыстырмалы сипатта болады.
2.Эволюция әрекетінде тірі ағзалар құрылысының біртіндеп күрделеніп, жоғары сатыға көтерілуі іске асырылады.
3.Дивергенция , тіршілік үшін күрес және табиғи сұрыпталу алуан түрлі орта жағдайларына бейімделген орасан көп ағза түрлерін жарыққа шығарады, яғни сан алуандық қалыптасады.[1]
Дереккөздер
[өңдеу | қайнарын өңдеу]- ↑ Қасымбаева Т.,"Тіршіліктану",10-11,2003,203 б,ISBN 9965-16-200-X
![]() | Бұл мақаланы Уикипедия сапа талаптарына лайықты болуы үшін уикилендіру қажет. |
|