ნიამეი
| დედაქალაქი | |
|---|---|
|
ნიამეი ფრანგ. Niamey | |
 | |
| ქვეყანა |
 ნიგერი |
| შიდა დაყოფა | 5 კომუნა, 44 რაიონი, 99 კვარტალი |
| კოორდინატები | 13°31′17″ ჩ. გ. 2°06′19″ ა. გ. / 13.52139° ჩ. გ. 2.10528° ა. გ. |
| ქალაქის მერი | Barry Bibata Niandou |
| დაარსდა | 1890 |
| ფართობი | 239,30 კმ² |
| ცენტრის სიმაღლე | 207 მ |
| მოსახლეობა | 978 029 კაცი (2012) |
| სიმჭიდროვე | 4087,04 კაცი/კმ² |
| სასაათო სარტყელი | UTC+1 |
  | |
ნიამეი (ფრანგ. Niamey) — ნიგერის დედაქალაქი და უმსხვილესი ქალაქი. გაშენებულია მდინარე ნიგერზე, თუმცა თავდაპირველად მხოლოდ მის აღმოსავლეთ ნაპირზე დაარსდა. წარმოადგენს ნიგერის ადმინისტრაციულ, კულტურულ და ეკონომიკურ ცენტრს. 2006 წელს ნიამეის მოსახლეობა 774 235 ადამიანს შეადგენდა, თუმცა 2012 წლის მოსახლეობის აღწერის მონაცემებით ეს რიცხვი 978 029 ადამიანს აღწევს.[1] 1926-1960 წლებში იყო საფრანგეთის სამფლობელო ნიგერის ადმინისტრაციული ცენტრი, ხოლო 1960 წლიდან ნიგერის დედაქალაქია.
ქალაქში განვითარებულია დამუშავებითი მრეწველობა, აწარმოებენ აგურს, კერამიკას, ცემენტს და ქსოვილებს. ქალაქი სატრანსპორტო კვანძია, იქ მდებარეობს საფეიქრო ფაბრიკა და სასოფლო-სამეურნეო პროდუქციის სავაჭრო ცენტრი, ფუნქციონირებს უნივერსიტეტი. ქალაქთან ახლოს მდებარეობს თბოელექტროსადგური და საერთაშორისო აეროპორტი.
ისტორია
ХIХ საუკუნის ბოლოს თანამედროვე ნიამეის ადგილას არსებობდა პატარა სოფელი, სადაც რამდენიმე ასეული ადამიანი ცხოვრობდა. იმ პერიოდში დაწყებული ნიგერის დაპყრობის დროს 1892 წელს ამ სოფელში ფრანგმა კოლონიზატორებმა დააარსეს თავიანთი დასაყრდენი სამხედრო პუნქტები. სავაჭრო გზების გზაჯვარედინზე ნიამეის განსაკუთრებულად მოხერხებულმა მდებარეობამ ხელი შეუწყო მის ზრდას.
გეოგრაფია
ნიამეი მდებარეობს მდინარე ნიგერის ორივე ნაპირზე, ქალაქის ტერიტორიას უკავია 239 კმ²[2]. ქალაქის საზღვრებში მდინარეში ასევე არსებობს რამდენიმე მომცრო კუნძული.
კლიმატი
ნიამეი მდებარეობს საჰელის სამხრეთით და აქვს მისთვის ტიპური კლიმატი. ის წარმოადგენს რაღაც საშუალოს სუბეკვატორულ და ტროპიკულ კლიმატს შორის. კლიმატი საკმაოდ ცხელია, საშუალო ტემპერატურა მერყეობს იანვარში 24 °C-დან 34 °C-მდე მაისში, ხოლო წლის საშუალო ტემპერატურა შეადგენს 29 °C-ს. არსებობს გამოკვეთილი ხანმოკლე ნოტიო სეზონი, რომელიც გრძელდება მაისიდან სექტემბრის ჩათვლით და რომლის პიკი აღწევს ივლის-აგვისტოში. მთელი ნალექი მოდის ნოტიო სეზონის დროს. მშრალი სეზონის დროს ნალექები საერთოდ არ მოდის.
მოსახლეობა
ნიამეისთვის, როგორც სხვა დიდი აფრიკული ქალაქებისთვის, დამახასიათებელია მოსახლეობის სწრაფი ზრდა XX საუკუნის მთელი მეორე ნახევრის განმავლობაში. ქალაქის მოსახლეობის 90 %-ზე მეტი — მუსლიმია. ქალაქის ყველაზე დიდი ეთნიკური ჯგუფებია: სონგაი და ჯერმა, რომლებიც ერთად შეადგენენ მთელი მოსახლეობის 51,1 %-ს; მათ შემდეგ მოდის ჰაუსას ხალხი (34,4 %).
დემოგრაფია
ქალაქის მოსახლეობა წლების მიხედვით[3]:
| 1977 | 1988 | 2001 | 2012 |
|---|---|---|---|
| 233 414 | 391 876 | 674 950 | 1 058 847 |
ადმინისტრაციული დაყოფა
ქალაქი ნიამეი შედგება 5 კომუნისაგან, რომლებიც იყოფიან 44 რაიონად:
| კომუნა | კვარტალი | რუკა | ქალაქის ადმინისტრაციული რუკა |
|---|---|---|---|
| ნიამეი I | 20 კვარტალი
|
.png){kind=small} |
.png)
|
| ნიამეი II | 17 კვარტალი
|
.png){kind=small} | |
| ნიამეი III | 17 კვარტალი
|
.png){kind=small} | |
| ნიამეი IV | 17 კვარტალი
|
.png){kind=small} | |
| ნიამეი V | 28 კვარტალი
|
.png){kind=small} |
დამეგობრებული ქალაქები
ნიამეი იმყოფება მეგობრულ დამოკიდებულებაში შემდეგ ქალაქებთან:
| ქვეყანა, ქალაქი | თარიღი | წყარო |
|---|---|---|
 განა ტამალე |
2007 | [4] |
რესურსები ინტერნეტში
ნიამეი, ტურისტული მეგზური ვიკივოიაჟზე- Niger საიტზე Curlie
- Niger Assemblee Nationale official website
- Mission of Niger to the United Nations official website
- BBC News Country Profile - Niger
- CIA World Factbook - Niger
- US State Department - Niger includes Background Notes, Country Commercial Guides and major reports
- MSN Map[მკვდარი ბმული]
სქოლიო
- ↑ Niger: Regions, Major Cities & Urban Centers — Statistics & Maps on City Population. Citypopulation.de. ციტირების თარიღი: 25 April 2014.
- ↑ ADAMOU Abdoulaye. Parcours migratoire des citadins et problème du logement à Niamey დაარქივებული 2011-07-06 საიტზე Wayback Machine. . République du Niger. Université Abdou Moumouni de Niamey. Faculté des Lettres et Sciences Humaines Département de Géographie (2005), p. 34
- ↑ Niamey. World Gazetteer. დაარქივებულია ორიგინალიდან — 2012-11-19. ციტირების თარიღი: 2011-11-12.
- ↑ The Search Engine that Does at InfoWeb.net. დაარქივებულია ორიგინალიდან — 2011-07-14. ციტირების თარიღი: 2017-04-04.
|
ეს სტატია ნიგერისა და ნიგერელების შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |
| |||||||||||||