Menntaskólinn á Ísafirði

Menntaskólinn á Ísafirði (oft skammstafað MÍ) er íslenskur menntaskóli, staðsettur á Torfnesi á Ísafirði. Núverandi skólameistari er Heiðrún Tryggvadóttir.

Saga skólans

Menntaskólinn á Ísafirði var stofnaður árið 1970, og var settur í fyrsta skiptið í Alþýðuhúsinu á Ísafirði. Kennsla fór fyrst fram í gamla barnaskólahúsinu við Aðalstræti 34 og voru fyrstu stúdentarnir brautskráðir árið 1974. Í janúar 1984 fluttist kennslan í nýtt bóknámshús (formlega opnað 1987) á Torfnesi þar sem heimavistin var fyrir og nú einnig íþróttahús (1993) og verknámshús (1995).

Fyrsti skólameistari skólans var Jón Baldvin Hannibalsson, en hann hætti árið 1979. Síðar var Björn Teitsson, Smári Haraldsson, Bryndís Schram, Ingibjörg S. Guðmundsdóttir og Ólína Þorvarðardóttir.

Þekktir nemendur

Allnokkrir þekktir einstaklingar hafa stundað nám við Menntaskólann á Ísafirði.

Stjórnmálamenn

• Einar Kristinn Guðfinnsson, alþingismaður
• Ólína Þorvarðardóttir, alþingismaður

Listafólk og fræðimenn

• Eiríkur Örn Norðdahl, skáld.
• Steinunn Kristjánsdóttir, fornleifafræðingur.
• Erpur Eyvindarson, tónlistarmaður.
• Þormóður Eiríksson, tónlistarmaður.

Íþróttamenn

• Andri Rúnar Bjarnason, knattspyrnumaður

Tenglar

• Heimasíða Menntaskólans á Ísafirði
• Um skólann; af heimasíðu MÍ
• „Nytsemd menntaskólans óumdeild“; grein í Morgunblaðinu 2000
• „Menntaskólinn á Ísafirði settur í fyrsta sinn“; grein í Skutli 1970

  Þessi skólagrein er stubbur. Þú getur hjálpað til með því að bæta við greinina.