Քրեստոմատիա (մատենաշար)

«Քրեստոմատիա», ԵՊՀ հրատարակչության մատենաշար։

Պատմություն

Լույս է տեսել 1979-1987 թվականներին Երևանում։ Տպագրել է ՀՀ բուհերի բանասիրական ֆակուլտետների ուսումնական ծրագրերում ներառված տեսական ու գործնական նշանակության պարտադիր գրականության ուսումնական ձեռնարկներ՝

«Հայոց հին և միջնադարյան բանաստեղծություն» (1979, կազմ.՝ Ա. Մադոյան, Գ. Անանյան),
«Հայոց հին և միջնադարյան արձակ» (1981, կազմ.՝ Վ. Ներսիսյան, Ա. Մադոյան),
«Հայ ժողովրդի պատմություն» (հ. 1, «Հնագույն ժամանակներից մինչև IX դարի կեսերը», 1981, կազմ.՝ Պ. Հովհաննիսյան, Ա. Աբրահամյան),
«Հայ գրականության քննադատություն» (հ. 1, 2, 1981, 1984, կազմ. և ծնթգր.՝ Ժ. Քալանթարյանի),
«Գրականագիտության ներածություն» (1984, կազմ.՝ Ա. Բեքմեզյան, Վ. Նավասարդյան),
«Գերմանական դասական գրականություն» (1985, կազմ.՝ Ք. Աղայեկյան),
«Սովետահայ պոեզիա» (1986, կազմ.՝ Հ. Գալստյան,),
«Հայոց լեզվի պատմություն» (հ. 1, «Գրաբար և միջին հայերեն», 1987, կազմ.՝ Պ. Շարաբխանյան) և այլ քրեստոմատիաներ։

Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։