Սեմույել Լիթլ
| Սեմույել Լիթլ անգլ.՝ Samuel Little | |
|---|---|
 | |
| Ծնվել է | հունիսի 7, 1940 |
| Ծննդավայր | Ռեյնոլդս, Ջորջիա նահանգ, ԱՄՆ |
| Մահացել է | դեկտեմբերի 30, 2020[1] (80 տարեկան) |
| Մահվան վայր | Լանքասթեր, Լոս Անջելես |
| Քաղաքացիություն |  ԱՄՆ |
| Մայրենի լեզու | անգլերեն |
| Կրթություն | Hawthorne School? |
| Մասնագիտություն | սերիական մարդասպան |
 Samuel Little Վիքիպահեստում | |
Սեմույել Լիթլ (անգլ.՝ Samuel Little, հունիսի 7, 1940, Ռեյնոլդս, Թեյլոր շրջան, Ջորջիա, ԱՄՆ - դեկտեմբերի 30, 2020[1], Լանքասթեր, Լոս Անջելես), ամերիկացի սերիական մարդասպան։ Մեղադրվել է 3 կանանց սպանության մեջ, որոնք տեղի են ունեցել Կալիֆոռնիայում 1987-1989 թվականներին։ Նրա դատապարտումից հետո Կալիֆոռնիա նահանգի կառավարությունը մեղադրեց Լիթլին 1982 թվականից 9 նահանգներում կատարված սերիական սպանությունների մեջ։
Կենսագրություն
[խմբագրել | խմբագրել կոդը]Սեմ Լիթլը ծնվել է 1940 թվականի հունիսի 7-ին Ջորջիա նահանգի Ռեյնոլդս քաղաքում։ Նրա ծննդից հետո ընտանիքը տեղափոխվել է Օհայո նահանգ։ Լիթլը մեծացել է Լորեյն քաղաքում և մեծ մասամբ դաստիարակվել է տատիկի կողմից։ Նա հաճախել է Հոութոն Ջունիոր ավագ դպրոցը և ունեցել է խնդիրներ կարգապահության և առաջադիմության հետ[2], զբաղվել է սպորտով։ 1956 թվականին, լինելով բարձր դասարանների աշակերտ, Լիթլը առաջին անգամ ձերբակալվել է Նեբրասկա նահանգի Օմահա քաղաքում օտար սեփականության տարածք ներխուժման համար։ Նա դատապարտվել է և որոշակի ժամանակ անցկացրել է անչափահաս հանցագործների համար նախատեսված կալանավայրում[3]։ Դպրողն ավարտելուց հետո Սեմույելը չի շարունակել կրթությունը և ազատ ժամանակի մեծ մասն անցկացրել է փողոցներում, կատարել է մանր գողություններ և ժամանակ առ ժամանակ աշխատել է, որպես մեկ օրյա աշխատակից[2]։
Հանցագործի կարիերա
[խմբագրել | խմբագրել կոդը]1961 թվականին Լիթլը ձերբակալվել և մեղադրվել է Լորեյն քաղաքում գտնվող կահույքի խանութ ներխուժման մեջ։ Սեմույելը դատապարտվեց 3 տարվա ազատազրկման և ազատության մեջ հայտնվեց միայն 1964 թվականին։ Ազատումից հետո Լիթլը լքեց Օհայո նահանգը և մի քանի տարվա ընթացքում թափառեց տարբեր նահանգներում՝ գումար աշխատելով գողությունների և թալանի միջոցով[2]։ 1960- ականների վերջում Լիթլը տեղափոխվեց Ֆլորիդա նահանգ, որտեղ ապրել է իր մոր հետ։ Այդ ժամանակ նա աշխատում էր, որպես սանիտար, իսկ հետագայում՝ որպես գերեզմանատան աշխատակից։ Որոշակի ժամանակի Լիթլը գումար էր աշխատում բռնցքամարտի միջոցով՝ մասնակցելով մենամարտերի[4]։ Մինչև 1975 թվականը Սեմույելը 26 անգամ ձերբակալվել էր ԱՄՆ- ի մոտ 11 նահանգների տարածքում գողությունների, բռնաբարման փորձի, հարձակումների, խարդախությունների և ոստիկանների վրա հարձակման կապակցությամբ[5]։ Շատ ժամանակ էր անցկացնում մարմնավաճառների և կավատների շրջապատում։ 1980- ականների սկզբում նա տեղափոխվեց երկրի հարավային մաս, որտեղ 1982 թվականին Միսսիսիպի նահանգի Պասկագուլա քաղաքում ձերբակալվեց և մեղադրվեց 22- ամյան մարմնավաճառ Մելինդա Լապրիի սպանության մեջ, ով անհայտ կորել էր 1982 թվականի սեպտեմբերին։ Հետաքննության ընթացքում նա տեղափոխվել է Ֆլորիդա նահանգ, որտեղ ներկայացավ դատարանի առաջ 26- ամյա Պաթրիսիա Մաունտի սպանության համար, ում մարմինը հայտնաբերվել էր 1982 թվականի աշնանը և ով, ըստ վկաների ցուցմունքների անհետացման գիշերը ժամանակ է անցկացրել մի մարդու հետ, ով էլ հետագայում իդենտիֆիկացվել է, որպես Սեմույել Լիթլ։ Սպանության ժամանակի որոշման հետ կապված խնդիրների պատճառով և վկաների կողմից տրված ցուցմունքների հանդեպ կասկածի հետևանքով Լիթլը արդարացվեց 1984 թվականի հունվարին[6]։ Այս հանցագործություններում պատժից խուսափելուց հետո Լիթլը տեղափոխվեց Կալիֆորնի նահանգ, որտեղ հաստատվեց Սան Դիեգո քաղաքի մոտակայքերում[7]։ 1984 թվականի հոկտեմբերին Լիթլը ձերբակալվեց 2 մարմնավաճառների վրա հարձակման և ծեծի ենթարկման մեղադրանքով և դատապարտվեց 2,5 տարի ազատազրկման։ Նա դուրս եկավ կալանավայրից 1987 թվականին և տեղափոխվեց Լոս Անջելես, որտեղ ըստ հետաքննության տվյալների կատարել է ևս մի քանի սպանություն[8]։ 2009 թվականին Լիթլը ձերբակալվել է թմրանյութերի պահման մեղադրանքով, բայց շուտով ազատ է արձակվել և թաքնվել։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 Convicted Killer Samuel Little Dies — 2020.
- ↑ 2,0 2,1 2,2 «Sam Little, who grew up in Lorain, is linked to serial killer probes.on April 08, 2013».
- ↑ «Timeline retraces the whereabouts of a career criminal, alleged serial killer Published April 07, 2013».
- ↑ «More cases connected to L.A. serial killer suspect Tami Abdollah April 7, 2013».
- ↑ «Timeline retraces the whereabouts of a career criminal, alleged serial killer Published April 07, 2013».
- ↑ «"I just be in the wrong place at the wrong time with people": Is Samuel Little a Serial Killer? Published April 8, 2013». Արխիվացված է օրիգինալից 2019 թ․ մարտի 15-ին. Վերցված է 2019 թ․ փետրվարի 2-ին.
- ↑ «Samuel Little, aka Samuel McDowell: Yet Another Black Serial Murder Suspect from '80s' Los Angeles: Moved Around the Country, May Have Killed Scores in 24 States, but Don't Expect the National Media to Cover Him. January 07, 2013».
- ↑ «Women's testimony called 'blueprint' to serial killer suspect's behavior. September 1, 2014». Արխիվացված է օրիգինալից 2012 թ․ հոկտեմբերի 6-ին. Վերցված է 2019 թ․ փետրվարի 2-ին.
 | Վիքիպահեստն ունի նյութեր, որոնք վերաբերում են «Սեմույել Լիթլ» հոդվածին։ |
| ||||||
