Ռուբեն Մելիք

Ռուբեն Մելիք
Ծննդյան անուն	Մելիք Մինասյանց և ֆր.՝ Rouben Mélik-Minassiantz
Ծնվել է	նոյեմբերի 14, 1921
Ծննդավայր	Փարիզի 18-րդ շրջան, Փարիզ
Վախճանվել է	մայիսի 21, 2007 (85 տարեկան)
Վախճանի վայր	Le Kremlin-Bicêtre
Գերեզման	Cemetery of L'Haÿ-les-Roses
Մասնագիտություն	բանաստեղծ
Լեզու	ֆրանսերեն
Ազգություն	հայ
Քաղաքացիություն	Ֆրանսիա
Կրթություն	Փարիզի համալսարան (1942)
Կուսակցություն	Ֆրանսիայի կոմունիստական կուսակցություն
Պարգևներ	Գիյոմ Ապոլիների մրցանակ Գրականագետների միության գրան պրի Prix Antonin-Artaud? prix Pierre de Régnier? և French Language Award?
	Ռուբեն Մելիք Վիքիդարանում
	Rouben Mélik Վիքիպահեստում

Անվան այլ կիրառումների համար տե՛ս՝ Մելիք (այլ կիրառումներ)

Ռուբեն Մելիք (Մելիք Մինասյանց, նոյեմբերի 14, 1921(1921-11-14)^[2]^[3], Փարիզի 18-րդ շրջան, Փարիզ^[1] - մայիսի 21, 2007(2007-05-21)^[4], Le Kremlin-Bicêtre^[1]), սփյուռքահայ անվանի ֆրանսագիր բանաստեղծ։

Կենսագրություն

Ծնվել է Փարիզում, 1921 թվականին, Իրանից գաղթած հայ ընտանիքում։ Հայրը պարսկահայ է, մայրը՝ թիֆլիսահայ։ Մայրենի լեզուն սովորել է ընտանիքում։ Սովորել է Սորբոնի համալսարանում (1939-42)։ Երիտասարդ տարիքից գրել է ֆրանսերեն բանաստեղծություններ։ 1946 թվականին լույս է տեսել «Աշխարհի ակորդները» անդրանիկ ժողովածուն։ Այնուհետև հրատարակել է տասնհինգ ժողովածուներ, որոնցից առանձնանում են հատկապես «Մադամ Լորելեյ» (1949 թ.), «Քրիստափոր Կոլումբոս» (1952 թ.), «Լինչ» (1954 թ.), «Ուր արյուն է հոսել» (1955 թ.), «Միացյալ երգը» (1960, 1967 թթ., Ֆրանսիական ակադեմիայի Մեծ մրցանակ), «Մարմին, ինձնով կենդանի» (1976, ֆրանսիական գրողների մրցանակ), «Թափոր» (1984 թ.), տպագրել է «Հորիզոնի անցորդները», «Երջանկության օպերան», «Քարե պահակը» (1961, Ֆրանսիական ակադեմիայի ֆրանսերեն մրցանակ) և «Ստորգետնյա եղանակները» (1961) հատորները։

Ռուբեն Մելիքն արժանացել է մի շարք հեղինակավոր գրական մրցանակների, ինչպես օրինակ՝ «Միացյալ երգ» (երկրորդ ժողովածուն) գրքի համար 1967 թ. արժանացել է ֆրանսիական Ակադեմիայի Պիեր դը Ռընյե և Անտոնեն Արտո մրցանակներին։ 1976 թ. ստացել է Ֆրանսիայի գրողների միության մրցանակը։

1968 թվականին և հետագայում մի քանի անգամ եղել է Հայաստանում։ 1978 թվականին Երևանում Աբրահամ Ալիքյանի թարգմանությամբ լույս է տեսել նրա բանաստեղծությունների ընտրանին՝ «Մարմին, ինձնով կենդանի» խորագրով։ Գրքի ներածականում բանաստեղծը գրում է. «Ահա իմ պոեզիան, այս գրքի շնորհիվ, միավորվում է իմ բնաշխարհին, հայկական աշխարհին։ Իրականանում է երիտասարդական մեծ իղձերիցս մեկը՝ վերադառնալ հայրենի տուն, վաղ թե ուշ, այս կամ այն ձևով, վերադառնալ և իր տեղն ունենալ հարազատ օջախում»։ Հայ չափածո գրականությունից կատարել է թարգմանություններ, պատրաստել «Հայ պոեզիայի անթոլոգիան 5-րդ դարից մինչև մեր օրերը», որը լույս է ընծայել Փարիզում 1973 թ. («Էդիտոր ֆրանսեզ ռեունի»)։ 1986 թվականին Երևանում նրան շնորհվել է Մեսրոպ Մաշտոցի անվան մրցանակ։

Ռուբեն Մելիքը մահացել է Փարիզում 2007 թվականի մայիսի 21-ին։

Ստեղծագործություններ

Ռուբեն Մելիքը, չնայած ապրել և ստեղծագործել է Փարիզում, մոտ է եղել վերջին երեսուն-քառասուն տարվա գրական նորություններին ու ավանգարդիստական շարժումներին, իր ստեղծագործական նախասիրություններով ավելի հակված է դեպի դասական բանաստեղծությունը, նկատվում է ֆրանսիական Պլեադի (16-րդ դար) և կլասիցիզմի ազդեցությունը։ Նրա պոեզիայում հայկական մոտիվներ չեն նկատվում, չնայած բանաստեղծը լիովին տիրապետում է հայերենին, մշտապես մոտիկ է եղել Սփյուռքի՝ մասնավորապես ֆրանսահայ մշակութային շրջանակներին և սերտ կապերի մեջ է եղել Հայաստանի բազմաթիվ գրողների ու մշակութային գործիչների հետ։

Երկեր

Մարմին ինձնով կենդանի, Երևան, 1978։

Հղում

Մահացավ բանաստեղծ Ռուբեն Մելիքը - Ազգ Օրաթերթ(չաշխատող հղում)

Ծանոթագրություններ

↑ ^1,0 ^1,1 ^1,2 ^1,3 ^1,4 ^1,5 ^1,6 Fichier des personnes décédées mirror
↑ ^2,0 ^2,1 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^3,0 ^3,1 ^3,2 ^3,3 ^3,4 Հայկական սովետական հանրագիտարան (հայ.) — Երևան: 1981. — հատոր 7. — էջ 385.
↑ ^4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Bufkin E. C. Foreign literary prizes: Romance and Germanic languages — 1980. — P. 43—44.

Վիքիդարանն ունի նյութեր, որոնք վերաբերում են «Ռուբեն Մելիք» հոդվածին։

Վիքիպահեստն ունի նյութեր, որոնք վերաբերում են «Ռուբեն Մելիք» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 385)։

[_a338b2fe2e8e4162-1] 1,0 ^1,1 ^1,2 ^1,3 ^1,4 ^1,5 ^1,6 Fichier des personnes décédées mirror

[_ca1323f5409998b3-2] 2,0 ^2,1 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_d22a2a9992c3f433-3] 3,0 ^3,1 ^3,2 ^3,3 ^3,4 Հայկական սովետական հանրագիտարան (հայ.) — Երևան: 1981. — հատոր 7. — էջ 385.

[_ce1e768e9130de6f-4] 4,0 ^4,1 ^4,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_e81ca9b2c3b183b7-5] Bufkin E. C. Foreign literary prizes: Romance and Germanic languages — 1980. — P. 43—44.

[1]

[2]

[3]

[4]

[5]