Պիեռ Ալար
| Պիեռ Ալար ֆր.՝ Pierre Alard | |
|---|---|
| Ծնվել է | սեպտեմբերի 17, 1937[1] |
| Ծննդավայր | Բորդո[1] |
| Մահացել է | հունվարի 13, 2019[1] (81 տարեկան) |
| Մահվան վայր | Luçon[1] |
| Քաղաքացիություն | .svg){kind=small} Ֆրանսիա |
| Մասնագիտություն | թեթևատլետ |
Պիեռ Ալար (ֆր.՝ Pierre Alard, սեպտեմբերի 17, 1937[1], Բորդո[1] - հունվարի 13, 2019[1], Luçon[1]), ֆրանսիացի թեթևատլետ, սկավառականետ։ 1950-1960-ական թվականներին նա խաղացել է Ֆրանսիայի ատլետիկայի ազգային հավաքականում, ազգային առաջնությունների բազմակի հաղթող, ազգային ռեկորդակիր և երկու ամառային օլիմպիական խաղերի մասնակից։
Կենսագրություն
[խմբագրել | խմբագրել կոդը]Պիեռ Ալարը ծնվել է 1937 թվականի սեպտեմբերի 17-ին Ֆրանսիայի Ժիրոնդ դեպարտամենտի Բորդո քաղաքում։
Թեթև ատլետիկայով զբաղվել է տեղի «Բորդո» համանուն ակումբում։
Նա առաջին անգամ իրեն հռչակել է մեծահասակների միջազգային մակարդակում 1956 թվականի մրցաշրջանում, երբ միացել է Ֆրանսիայի հավաքականի հիմնական թիմին և մի շարք հաջող ելույթների շնորհիվ Մելբուռնում արժանացել է ամառային օլիմպիական խաղերում երկրի պատիվը պաշտպանելու իրավունքին։ Սկավառակի նետման ծրագրում նա ցույց է տվել 46,18 մետր արդյունքը, որը բավարար չէր մրցումների եզրափակիչ փուլ դուրս գալու համար։
1958 թվականին հանդես է եկել Ստոկհոլմում կայացած Եվրոպայի առաջնությունում, որտեղ 45,94 մետր արդյունքով զբաղեցրրել է որակավորման փուլի լավագույն քսանյակը։
Լինելով Ֆրանսիայի թեթև ատլետիկայի հավաքականի առաջատարների թվում՝ նա հաջողությամբ անցել է 1960 թվականի Հռոմի Օլիմպիական խաղերի ընտրությունը. այդ անգամ նա նետել է 51,02 մետր սկավառակ, զբաղեցրել 26-րդ տեղը որակավորման մեջ և կրկին դուրս մնացել եզրափակչից[2][3]։
Հռոմի օլիմպիական խաղերից հետո Ալարը որոշ ժամանակ մնացել է Ֆրանսիայի հավաքականում և շարունակել մասնակցել խոշոր միջազգային մրցումների։ 1962 թվականին նա ելույթ է ունեցել Բելգրադում կայացած Եվրոպայի առաջնությունում, որտեղ 49,96 մետր արդյունքով զբաղեցրել է 21-րդ հորիզոնականը։
1955-1970 թվականներին իր երկարատև մարզական կարիերայի ընթացքում Պիեռ Ալարը 11 անգամ դարձել է սկավառակի նետման Ֆրանսիայի չեմպիոն, նա ութ անգամ կրկնել է Ֆրանսիայի ազգային ռեկորդը այդ մարզաձրում, մասնավորապես՝ իր լավագույն արդյունքը ցույց է տվել 1969 թվականի մրցաշրջանում, երբ նետել է սկավառակը 56,29 մետր։
Հետագայում երկար տարիներ աշխատել է որպես թեթև ատլետիկայի մարզիչ, փորձը փոխանցել է սկսնակ ֆրանսիացի մարզիկներին։
Նա մահացել է 2019 թվականի հունվարի 13-ին Լյուսոն կոմունայում, 81 տարեկան հասակում[4]։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Comité de la Documentation et de l'Histoire de la Fédération Française d'Athlétisme
|
