ՄԱԿ-ի մոդել
![](http://upload.wikimedia.org/wikipedia/commons/thumb/0/01/%D0%9E%D0%B1%D1%89%D0%B0%D1%8F_%D1%84%D0%BE%D1%82%D0%BE%D0%B3%D1%80%D0%B0%D1%84%D0%B8%D1%8F_%D0%BC%D0%BE%D0%B4%D0%B5%D0%BB%D0%B8%D1%81%D1%82%D0%BE%D0%B2_%D0%A1%D0%B0%D0%BD%D0%BA%D1%82-%D0%9F%D0%B5%D1%82%D0%B5%D1%80%D0%B1%D1%83%D1%80%D0%B3%D1%81%D0%BA%D0%BE%D0%B9_%D0%9C%D0%BE%D0%B4%D0%B5%D0%BB%D0%B8_%D0%9E%D0%9E%D0%9D.jpg/220px-%D0%9E%D0%B1%D1%89%D0%B0%D1%8F_%D1%84%D0%BE%D1%82%D0%BE%D0%B3%D1%80%D0%B0%D1%84%D0%B8%D1%8F_%D0%BC%D0%BE%D0%B4%D0%B5%D0%BB%D0%B8%D1%81%D1%82%D0%BE%D0%B2_%D0%A1%D0%B0%D0%BD%D0%BA%D1%82-%D0%9F%D0%B5%D1%82%D0%B5%D1%80%D0%B1%D1%83%D1%80%D0%B3%D1%81%D0%BA%D0%BE%D0%B9_%D0%9C%D0%BE%D0%B4%D0%B5%D0%BB%D0%B8_%D0%9E%D0%9E%D0%9D.jpg)
Միավորված ազգերի կազմակերպության մոդել, գիտական կոնֆերանսի և դերային խաղի համադրություն, որի ընթացքում ուսանողները և ավագ դասարանների սովորողները ՄԱԿ-ի մի քանի պաշտոնական լեզուներով վերարտադրում են այս կազմակերպության մարմինների աշխատանքը, ձեռք են բերում դիվանագիտական, առաջնորդական, հռետորական և լեզվական հմտություններ, փոխզիջման գնալու կարողություններ։
Ամբողջ Մոդելը տևում է երեք կամ ավելի օր, իսկ դա նշանակում է, որ այդ ընթացքում մասնակիցները հանդես են գալիս ՄԱԿ-ի անդամ երկրների պաշտոնական ներկայացուցիչների դերում, որոնք ժամանում են կոնֆերանսին՝ քննարկելու իրենց կոմիտեի օրակարգային հարցերը։ Մոդելի պատվիրակները վերանում են անձնական տեսակետից և պաշտպանում են իրենց ներկայացրած երկրի պաշտոնական դիրքորոշումը՝ պահպանելով դիվանագիտական էթիկայի նորմերը[1]։
Պատմություն
[խմբագրել | խմբագրել կոդը]Ի սկզբանե Միացյալ Նահանգներում քոլեջների սովորողները սկսեցին մոդելավորել ամերիկյան Սենատի աշխատանքը։ Հետագայում՝ միջազգային կազմակերպությունների հայտնվելուն զուգընթաց, սկսեցին մոդելավորել նաև նրանց գործունեությունը։ ՄԱԿ-ի ամենահին մոդելն անցկացվել է Հարվարդում 1953 թվականին։
Ներկայումս նման մոդելները (հիմնականում ՄԱԿ-ի մոդելները) տարածվել են ամբողջ աշխարհում՝ Մեծ Բրիտանիայից ու Ֆրանսիայից մինչև Չինաստան ու Եգիպտոս։ Եվրոպայի հիմնական մոդելներից մեկը ՄԱԿ-ի միջազգային մոդելն է Հաագայում (TEIMUN):
ՄԱԿ-ի առաջին ռուսական մոդելը տեղի է ունեցել Մոսկվայում 1990 թվականի հունվարին։
2015 թվականի աշնանը Սանկտ Պետերբուրգի պետական տնտեսագիտական համալսարանում (ռուս.՝ СПбГЭУ) Ուսանողական գիտական ընկերության ակտիվիստները որոշեցին կազմակերպել համալսարանում ՄԱԿ-ի առաջին Միջազգային Մոոդելը[1]։
2017 թվականի աշնանը արդեն կայացավ Սանկտ Պետերբուրգի պետական տնտեսագիտական համալսարանի՝ ՄԱԿ-ի 4-րդ Միջազգային Մոդելը։
2017 թվականի Մոդելի հիմնական նշանաբանն էր. «Համատեղ ջանքերով՝ մարտահրավերներից դեպի հնարավորություններ»։ Այն իրականացրել են ուսանողները, ովքեր դարձել են ՄԱԿ-ի Մոդելի կոմիտետների կազմում ընդգրկված տարբեր երկրների ներկայացուցիչներ[2]։ Այդ կոմիտետներն են․
- ՄԱԿ-ի Անվտանգության Խորհուրդ, որի օրակարգի հիմնական հարցը Մյանմայում միջկրոնական և միջէթնիկական հակամարտությունների սրման հակազդումն էր։
- ՅՈՒՆԻԴՈ, որտեղ հիմնական լուծվող հարցը տնտեսական աճի և մակրոտնտեսական կայունության ապահովման նպատակով ռեսուրսների արդյունավետ տեխնոլոգիական հիմքի վրա Լատինական Ամերիկայի զարգացող երկրների արտադրողական ներուժի ստեղծումն ու ամրապնդումն է։
- ԱՄՀ, որի օրակարգի հիմնական հարցն էր «Ռազմական հակամարտությունների մեջ գտնվող պետություններին տրանշ-փոխառությունների ներկայացումը»[3]։
Մոդելի արդյունքը եղավ առկա խնդիրների լուծմանն ուղղված երեք բանաձևերի կազմումը։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ 1,0 1,1 Анушян К.А. Итоги Международной модели ООН СПБГЭУ (Русский) // Издательство СПбГЭУ. 191023, Санкт-Петербург, Садовая ул., д.21. : Сборник. — 2017.(չաշխատող հղում)
- ↑ «Регистрация участников на Международную Модель ООН СПбГЭУ продлена - Информационный портал» (ռուսերեն). nstar-spb.ru. Արխիվացված է օրիգինալից 2018 թ․ մարտի 14-ին. Վերցված է 2018 թ․ մարտի 13-ին.
- ↑ «Регистрация участников на Международную Модель ООН СПбГЭУ продлена». sanktpeterburg.bezformata.ru. Արխիվացված է օրիգինալից 2018 թ․ մարտի 14-ին. Վերցված է 2018 թ․ մարտի 13-ին.
Գրականություն
[խմբագրել | խմբագրել կոդը]- A Guide to Delegate Preparation: A Model United Nations Handbook, edited by Scott A. Leslie, The United Nations Association of the United States of America, 2004 edition (October 2004), softcover, 296 pages, ISBN 1-880632-71-3.
- Леви Д. А., Моделирование деятельности международных организаций. Практикум проведения образовательных тренингов «Модель Европейского Союза» и «Модель Организации Объединенных Наций». Санкт-Петербург. Арт-Эго, 2012г. (8,6 п. л.)
- Леви Д. А., Романова Т. А., Моделирование деятельности международных организаций. Практикум проведения образовательных тренингов «Модель Европейского Союза» и «Модель Организации Объединенных Наций» (второе издание, дополненное). Санкт-Петербург: Арт-Эго, 2013 г. (8,9 п. л.)