Հմայակ Բեգլուև

Հմայակ Բեգլուև
Ծնվել է	ապրիլի 28, 1884(1884-04-28)
Մահացել է	ապրիլի 18, 1965(1965-04-18) (80 տարեկան)
Մահվան վայր	Երևան, Հայկական ԽՍՀ, ԽՍՀՄ
Մասնագիտություն	պրոֆեսիոնալ հեղափոխական
Կուսակցություն	ԽՄԿԿ
Պարգևներ և մրցանակներ	և

Հմայակ Ասատուրի Բեգլուև (ապրիլի 28, 1884 թվական, գ. Գյառգյառ (այժմ՝ Ստեփանավանի շրջան) ապրիլի 18, 1965 թվական, Երևան), պրոֆեսիոնալ հեղափոխական։ ԽՄԿԿ անդամ 1904 թվականից։

1900 թվականին ավարտել է Կարսի քաղաքային ուսումնարանը։ 1901 թվականից աշխատել է Թիֆլիսի Ադելխանովի կաշվի գործարանում։ 1905 թվականին զորակոչվել է բանակ։ Զինվորների շրջանում բոլշևիկյան ագիտացիա տարածելու համար աքսորվել է Լենայի ոսկու հանքերը։ 1912 թվականին գործադուլի ժամանակ ծանր վիրավորվել է։ 1916 թվականին փախել է Թիֆլիս։ 1917 թվականի Փետրվարյան հեղափոխությունից հետո ընտրվել է Թիֆլիսի բանվորական սովետի դեպուտատ, մայիսին մեկնել Պետրոգրադ, ուր մասնակցել է Հոկտեմբերյան զինված հեղաշրրջմանը, հետագայում՝ նաև Ռուսաստանի քաղաքացիական պատերազմին։ 1921 թվականին Հայաստանում մասնակցել է Փետրվարյան ապստամբության ճնշմանը։ Հայաստանում խորհրդային իշխանություն հաստատվելուց հետո աշխատել է որպես պարենմասնատրման կոմիսար Նոր Բայազետի և Դարալագյազի գավառներում։ 1922-1929-ական թվականներին տնտեսական աշխատանքներ է տարել Լենինգրադում (այժմ՝ Սանկտ Պետերբուրգ), 1929 թվականին՝ Երևանում։

Պարգևատրվել է Լենինի և Աշխատանքային կարմիր դրոշի շքանշաններով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 350)։