Լասկարի (իտալ.՝ Lascari), կոմունաԻտալիայիՍիցիլիա ինքնավար մարզի Պալերմո գավառում։ Տեղակայված է Պալերմո քաղաքից 50 կմ դեպի արևելք։ Ըստ 2016 թվականի նոյեմբերի 30-ի տվյալների՝ բնակչությունը կազմում է 3602 մարդ, և տարածքն ընդգրկում է 10.4 քառ. կմ[2]։
Լասկարին շատ հին գյուղ չէ։ 1693 թվականին մի խումբ գյուղացիներ, որոնք ապրում էին Գրատերիի լեռներում, տեղափոխվեցին և բնակություն հաստատեցին ծովին մոտ գտնվող մի գոտում։ Նրանք սկսեցին կառուցել տներ տեղի զանգակատան շուրջ։ Բարոն Գաետանո Վենտիմիլիայի նոր բնակավայրը կոչեց Լասկարի, դրանով իսկ նշելով իր ծագումը․ նա սերում էր Բյուզանդիայի կառավարիչ Լասկարի կայսերական տոհմից[3].։ 1840 թվականին Լասկարին անկախացավ Գրատերիից, և 1890 թվականին գյուղին տարածք տրամադրվեց։ Սակայն միայն 1924 թվականին այն ձեռք բերեց քաղաքի անուն։ Այսօր տարածքը կազմում է 10.4 քառ. կմ՝ 3500 մարդ բնակչությամբ։ Լասկարին գտնվում է Սիցիլիայի մայրաքաղաք Պալերմոյից 50 կիլոմետր դեպի արևելք։ Վերջին տարիների ընթացքում լողափերի մոտ կառուցվել են բազմաթիվ սեփական առանձնատներ։ Ամռանը Պալերմոյից կամ Սիցիլիայի կենտրոնում գտնվող այլ քաղաքներից շատ մարդիկ գալիս են Լասկարի՝ իրենց հանգիստը կազմակերպելու։ Քաղաքի կենտրոնը Ալդո Մորո հրապարակն է։
Իտալիա
