Իդիլ Բիրեթ
| Իդիլ Բիրեթ | |
|---|---|
.jpg) | |
| Բնօրինակ անուն | թուրքերեն՝ İdil Biret |
| Ծնվել է | նոյեմբերի 21, 1941[1] (82 տարեկան) Անկարա, Թուրքիա[2] |
| Երկիր |  Թուրքիա |
| Ժանրեր | դասական երաժշտություն |
| Մասնագիտություն | դաշնակահարուհի և երաժիշտ |
| Գործիքներ | դաշնամուր |
| Կրթություն | Փարիզի կոնսերվատորիա |
| Պարգևներ | |
| Կայք | idilbiret.eu |
 İdil Biret Վիքիպահեստում | |
Իդիլ Բիրեթ (թուրքերեն՝ İdil Biret, նոյեմբերի 21, 1941[1], Անկարա, Թուրքիա[2]), ժամանակակից թուրք դաշնակահարուհի։
Կենսագրություն
[խմբագրել | խմբագրել կոդը]Իդիլ Բիրեթը սկսել է դաշնամուր պարապել հինգ տարեկանից Միթհաթ Ֆենմենի մոտ[3]։ 1949 թվականին Թուրքիայի խորհրդարանի հատուկ որոշմամբ Բիրեթը մեկնել է Փարիզ[4], սովորելու տեղի կոնսերվատորիայում՝ Նադա Բուլանժեի դասարանում։ Դաշնամուր է պարապել նաև Մադլեն Վալմալետի ու Ժան Դուայենի մոտ։ Կոնսերվատորիան ավարտելուց հետո Բիրեթը հղկել է իր վարպետությունը Ալֆրեդ Կորտոյի և Վիլհելմ Կեմփֆի մոտ։ 1958 թվականից սկսել է միջազգային համերգային շրջագայությունները։ 1959 թվականին արժանացել է Հարիեթ Քոենի միջազգային երաժշտական մրցանակաբաշխության Դինա Լիպատտիի մեդալի։ Մոտ 100 ելույթ է ունեցել ԽՍՀՄ-ում։
Իդիլ Բիրեթը կատարել է Բեթհովենի բոլոր 32 սոնատները, ինչպես նաև Ֆերենց Լիստի Բեթհովենի բոլոր՝ ինը սիմֆոնիաների դաշնամուրի համար փոխակերպումները։ Իդիլ Բիրեթի Շոպենի դաշնամուրային բոլոր ստեղծագործությունների ձայնագրությունը (15 սկավառակ, 1992 թվական) Լեհաստանում մրցանակների է արժանացել[5]։ 1997 թվականի Բրամսի մահվան հարյուրամյակին նվիրված հինգ համերգների ժամանակ, Բիրեթը կատարել է կոմպոզիտորի դաշնամուրային բոլոր մենահամերգները։ Բիրեթի ձայնագրությունների մեջ զգալի տեղ են զբաղեցնում Ռախմանինովի դաշնամուրային ստեղծագործությունները (2000), Պիեռ Բուլեզի սոնատները (1995, ըստ «Մոնդ» թերթի՝ տարվա լավագույն ձայնագրություն), Ֆյորդ Լիգետիի էտյուդները։
Ծանոթագրություններ
[խմբագրել | խմբագրել կոդը]- ↑ 1,0 1,1 FemBio տվյալների շտեմարան (գերմ.)
- ↑ 2,0 2,1 2,2 Deutsche Nationalbibliothek Record #13088653X // Gemeinsame Normdatei (գերմ.) — 2012—2016.
- ↑ Tageszeitung Sabah Kurzportrait
- ↑ Tageszeitung Milliyet 26. Juli 2017
- ↑ "C comme Chopin", in Improvisation so piano, Jean-Pierre Thiollet, Neva Editions, 2017, p. 28. ISBN 978-2-35055-228-6
Արտաքին հղումներ
[խմբագրել | խմբագրել կոդը]- Իդիլ Բիրեթի պաշտոնական կայք(անգլ.)(գերմ.)(թուրքերեն)
 | Վիքիպահեստն ունի նյութեր, որոնք վերաբերում են «Իդիլ Բիրեթ» հոդվածին։ |
| ||||||||||||||||
