Թոմաս Ադամս (տնտեսագետ)

Թոմաս Ադամս; անգլ.՝ Thomas Sewall Adams
Ծնվել է	դեկտեմբերի 29, 1873; Բալթիմոր, Մերիլենդ, ԱՄՆ
Մահացել է	փետրվարի 8, 1933 (59 տարեկան); Նյու Հեյվեն, Կոնեկտիկուտ, ԱՄՆ
Գերեզման	Woodlawn Cemetery and Chapel Mausoleum
Քաղաքացիություն	ԱՄՆ
Մասնագիտություն	տնտեսագետ
Հաստատություն(ներ)	Եյլի համալսարան և Վիսկոնսինի համալսարան Մեդիսոնում
Գործունեության ոլորտ	տնտեսագիտություն
Պաշտոն(ներ)	նախագահ
Ալմա մատեր	Ջոնս Հոփքինսի համալսարան
	Thomas Sewall Adams Վիքիպահեստում

Թոմաս Ադամս (անգլ.՝ Thomas Sewall Adams, դեկտեմբերի 29, 1873(1873-12-29)^[1], Բալթիմոր, Մերիլենդ, ԱՄՆ - փետրվարի 8, 1933(1933-02-08)^[1], Նյու Հեյվեն, Կոնեկտիկուտ, ԱՄՆ), ամերիկացի տնտեսագետ, Եյլի համալսարանի պրոֆեսոր, 1927 թվականին Ամերիկյան տնտեսական ասոցիացիայի նախագահ։

Կենսագրություն

Թոմասը ծնվել է 1873 թվականի դեկտեմբերի 29-ին Բալթիմորում, Մերիլենդ նահանգում, Ջոն Ուեսլի (1850-1917) և Ռութ (Հասլափ) Ադամսի (1852-1925) երրորդ որդին է^[3]։

1893 թվականին Ադամսն ավարտել է Բալթիմորի քաղաքային քոլեջը և ընդունվել Ջոն Հոփքինսի համալսարան, որտեղ 1896 թվականին արժանացել է արվեստի բակալավրի, իսկ 1899 թվականին՝ դոկտորական աստիճանի^[3]։

1899-1900 թվականներին աշխատել է ԱՄՆ-ի մարդահամարի բյուրոյում որպես վիճակագիր, իսկ 1900 թվականի նոյեմբերից մինչև 1901 թվականի հուլիսը աշխատել է Պուերտո Ռիկոյում որպես գանձապահի օգնական։ 1901 թվականին նշանակվել է Վիսկոնսինի համալսարանի պոլիտէկոնոմիայի ամբիոնի ասոցացված պրոֆեսոր, իսկ 1908 թվականին նշանակվել է Վիսկոնսինի համալսարանի տնտեսագիտության և վիճակագրության ամբիոնի լրիվ պրոֆեսոր^[3]։

1903-1908 թվականներին հարկային օրենքներ է պատրաստել որպես Վիսկոնսինի հարկային հանձնաժողովի փորձագետ։ 1908-1909 թվականներին ԱՄՆ աշխատանքի բյուրոյի համար հետազոտել է կանանց և երեխաների աշխատանքը։ 1909 թվականին Սթենֆորդի համալսարանում դասավանդել է աշխատանքային իրավունքի մեկ դասընթաց և ֆինանսներ։ 1909 թվականի ամռանը Ալյասկայում ուսումնասիրել է աշխատանքային պայմանները։ 1910 թվականին Սենտ Լուիսում եղել Է Վաշինգտոնի համալսարանի տնտեսագիտության և քաղաքական գիտությունների ամբիոնի վարիչ։ 1911-1915 թվականներին շարունակել է աշխատել որպես Վիսկոնսինի հարկային հանձնաժողովի ղեկավար։ 1915 թվականին Կոռնելի համալսարանում տնտեսագիտության պրոֆեսոր է եղել։ 1916-1933 թվականներին Եյլի համալսարանում՝ պոլիտէկոնոմիայի պրոֆեսոր։ Եղել է ազգային հարկային ասոցիացիայի անդամ հիմնադրման օրվանից սկսած, 1912-1916 թվականներին եղել է քարտուղարը և 1923 թվականին նախագահը։ 1926 թվականին եղել է Ամերիկյան տնտեսական ասոցիացիայի փոխնախագահ, իսկ 1927 թվականին՝ նախագահ։ Ադամսը 1921 թվականին եղել է Տնտեսական հետազոտությունների ազգային բյուրոյի տնօրեն և նախագահ, Ազգային արդյունաբերական կոնֆերանսի ֆիսկալ կոմիտեի և ԱՄՆ Առևտրի պալատի անդամ։

Ադամսը մահացել է 1933 թվականի փետրվարի 8-ին թոքաբորբի բարդացումից^[4]։

Ընտանիք

Ադամսն ամուսնացել է 1902 թվականի սեպտեմբերի 11-ին Էլիզաբեթ Մեթյուսի (1873-1941) հետ։ Ունեցել են երկու դուստր՝ Էլիզաբեթ Նոել Ադամսը (1907-1952) և Ռութ Հասլուփ Ադամսը (1910-2004)^[5]։

Մատենագրություն

Adams T.S. The American workman — Baltimore, The Johns Hopkins press, 1900
Adams T.S. Taxation in Maryland// Studies in State Taxation/ed. J.H. Hollander — Baltimore, The Johns Hopkins press, 1900
Adams T.S. Index Numbers and the Standard of Value// JPE, 1901, p. 1
Adams T.S., Sumner H. L. Labor Problems — New York: Macmillan, 1909. c1905
Adams T.S. Mortgage Taxation in Wisconsin and Neighboring States, 1907
Adams T.S., Ely R.T., Lorenz M.A., Young A.A. Outlines in Economics, — New York : Macmillan, 1908
Adams T.S. The Sales Tax, 1920
Adams T.S. The federal income tax — New York, Columbia University Press, 1921.
Adams T.S. Needed Tax Reform in the United States, 1920
Adams T.S. The federal income tax — New York, Columbia University Press, 1921.
Adams T.S. Fundamental Problems of Federal Income Taxation// QJE, 1921, p. 527
Adams T.S. Tax Revision Requirements//Credit Monthly, 1921, p. 21
Adams T.S. When is income realized?// Federal Income Tax, 1921, p. 29
Adams T.S. Manual of Charting. Prentice-Hall, 1923.
Adams T.S. Double taxation relief : discussion of conventions drafted at international conference of experts, 1927, and other measures — Washington : U.S. G.P.O., 1928.

Ծանոթագրություններ

↑ ^1,0 ^1,1 ^1,2 ^1,3 ^1,4 SNAC — 2010.
↑ Find A Grave — 1996.
↑ ^3,0 ^3,1 ^3,2 Onofrio J. Adams, Thomas Sewall // Maryland Biographical Dictionary. —Somerset Publishers, Inc, 1999. — P. 1-3. — ISBN {{{isbn}}}.
↑ Cass B. Madison Day by Day // The Wisconsin State Journal. —Madison, Wisconsin, February 12, 1933.
↑ Donna P. Lachance Adams Family Website.

Վիքիպահեստն ունի նյութեր, որոնք վերաբերում են «Թոմաս Ադամս (տնտեսագետ)» հոդվածին։

[_6567f833740bf201-1] 1,0 ^1,1 ^1,2 ^1,3 ^1,4 SNAC — 2010.

[_3e6005ad979f831f-2] Find A Grave — 1996.

[:1-3] 3,0 ^3,1 ^3,2 Onofrio J. Adams, Thomas Sewall // Maryland Biographical Dictionary. —Somerset Publishers, Inc, 1999. — P. 1-3. — ISBN {{{isbn}}}.

[:2-4] Cass B. Madison Day by Day // The Wisconsin State Journal. —Madison, Wisconsin, February 12, 1933.

[:3-5] Donna P. Lachance Adams Family Website.

[1]

[2]

[3]

[4]

[5]