Դեյվիդ Գիլմոր
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
| Դեյվիդ Գիլմոր | |
|---|---|
 | |
| Բնօրինակ անուն | անգլ.՝ David Gilmour |
| Ի ծնե անուն | անգլ.՝ David Jon Gilmour |
| Ծնվել է | մարտի 6, 1946 (78 տարեկան) Քեմբրիջ, Անգլիա, Միացյալ Թագավորություն |
| Երկիր | .svg){kind=small} Միացյալ Թագավորություն |
| Ժանրեր | ռոք[1], պրոգրեսիվ ռոք, փսիխոդելիկ ռոք, արտ ռոք, էմբիենտ և բլյուզ ռոք |
| Մասնագիտություն | կիթառահար, երգերի հեղինակ, Բազմագործիքավորող, երաժշտական պրոդյուսեր, գործադիր պրոդյուսեր, օդաչու և երգիչ |
| Երգչաձայն | բարիտոն |
| Գործիքներ | կիթառ[1], բաս կիթառ[1], հարվածային համակարգ[1] և սաքսոֆոն[2] |
| Լեյբլ | ԷՄԻ, Columbia Graphophone Co. Ltd.?, Harvest Records, Capitol Records, Columbia Records և Sony Music Entertainment |
| Կրթություն | Anglia Ruskin University? |
| Անդամակցություն | Փինք Ֆլոյդ[2] և Rockestra? |
| Ամուսին | Փոլլի Սեմսոն[2] |
| Պարգևներ |  և  |
| Կայք | davidgilmour.com |
 David Gilmour Վիքիպահեստում | |
Դեյվիդ Ջոն Գիլմոր (անգլ.՝ David Jon Gilmour, մարտի 6, 1946, Քեմբրիջ, Անգլիա, Միացյալ Թագավորություն), անգլիական Փինք Ֆլոյդ ռոք խմբի երաժիշտ։
Դեյվիդ Գիլմորը ծնվել է 1946 թվականի մարտի 6-ին, Քեմբրիջում, Մեծ Բրիտանիա։ Բրիտանացի կիթառահար, վոկալիստ Փինք Ֆլոյդ ռոք խմբի անդամ։ Բացի խմբի հետ աշխատելուց նա հանդես է եկել որպես այլ արտիստների պրոդյուսեր։ Իր կարիերայի ընթացքում նա շատ է մասնակցել բարեգործական համերգների։ 2003 թվականին նա զբաղեցրել է 82-րդ տեղը բոլոր ժամանակների 100 լավագույն կիթառիստների ցուցակում՝ ըստ Ռոլլինգ Սթոուն ամսագրի։ Մայրը՝ Սիլվիան, ուսուցչուհի էր, իսկ հայրը՝ Դուգլաս Գիլմորը կենդանաբանության ավագ դասավանդող էր։ Դեյվիդ Գիլմորը սովորում էր Փերս-սքուլում, որը գտնվում է Քեմբրիջում։ Նա հենց այնտեղ է ծանոթացել իր խմբի անդամներից՝ Սիդ Բարեթի և Ռոջեր Ուոթերսի հետ։ Սակայն այդ ժամանակ նրանք տարբեր խմբերում էին նվագում։ 1962 թվականին Գիլմորը նվագում էր Joker's Wild խմբում։ 1966 թվականին նա լքեց այդ խումբը և իր ընկերների հետ միասին գնաց Իսպանիա և Ֆրանսիա փողոցներում համերգներ տալու համար։ Այդ համերգները երաժիշտներին հաջողություններ չէին բերում, ուստի նրանք մի կերպ էին ծայրը ծայրին հասցնում։ Նրանք 1967 թվականին վերադարձան Անգլիա բեռնատարով, որը վառելանյութ էր տեղափոխում, որը նրանք գողացել էին Ֆրանսիայում։
1967 թվականի դեկտեմբերին Գիլմորին դիմեց Նիք Մեյսոնը, առաջարկելով միանալ Փինք Ֆլոյդ խմբին։ Գիլմորը իր համաձայնությունը հայտնեց 1968 թվականի հունվարին։ Եվ այդպես նա միացավ խմբին ինչից հետո խմբի անդամների թիվը հասավ 5-ի։ Սկզբնական շրջանում նա կատարում էր Սիդ Բարեթի գրած ստեղծագործությունների կիթառային հատվածները, քանի որ Սիդը ի վիճակի չէր դրանք նվագել։ Իսկ երբ Սիդ Բարեթը լքեց խումբը, նրա տեղը խմբում զբաղեցրեց հենց Գիլմորը։ The Dark Side Of The Moon և Wish You Were Here ձայնասկավառակներից հետո խմբի առաջնորդը դարձավ բասիստ Ռոջեր Ուոթերսը, որն էլ գրում էր Animals և The Wall ալբոմների ստեղծագործությունների մեծ մասը։ The Wall ձայնասկավառակի ձայնագրման ժամանակ դաշնակահար Ռիք Ռայթին հեռացրեցին խմբից, իսկ Գիլմորի և Ուոթերսի հարաբերություները գնալով ավելի էին սրվում։ Animals դիսկի ձայնագրումից հետո Գիլմորը որոշեց որ իր երաժշտական պոտենցիալը ամբողջությամբ չի օգտագործվում և որոշեց ձայնագրել իր անհատական David Gilmour ալբոմը։
The Final Cut ձայնասկավառակի ձայնագրումից հետո՝ 1985 թվականին, Ռոջեր Ուոթերսը հայտարարեց, որ խումբը այլևս այն չէ, ինչ նախկինում էր։ Ի պատասխան այս հայտարարությանը՝ Գիլմորը և Մեյսոնը 1986 թվականին հայտարարեցին, որ Ուոթերսը լքում է խումբը, իսկ իրենք կշարունակեն խմբի գործունեությունը։ Գիլմորը դարձավ խմբի առաջնորդը, և 1987 թվականին խումբը թողարկեց իր նոր A Momentary Lapse Of Reason ձայնասկավառակը։ Այդ ձայնասկավառակի թողարկումից հետո պաշտոնապես խումբ վերադարձավ դաշնակահար Ռիք Ռայթը, որը մասնակցեց խմբի նոր ալբոմի 1994 թվականին ձայնագրված Division Bell ձայնագրմանը։ 1986 թվականին Գիլմորը գնեց տուն ջրի վրա Astoria, որը գտնվում էր Թեմզա գետի վրա՝ Հեմփթոն-Քորթի հարևանությամբ։ Այն դարձավ ձայնագրման ստուդիա։ Վերջին 2 ձայնասկավառակների երգերի մեծ մասը ձայնագրվել է հենց այդտեղ։ Ինչպես նաև իր անհատական On An Island ձայնասկավառակը։ 2005 թվականի հուլիսի 2-ին Գիլմորը մասնակցեց բարեգործական Live 8 համերգին Փինք Ֆլոյդի ամբողջ կազմի հետ(Նիք Մեյսոն, Ռիք Ռայթ, Ռոջեր Ուոթերս)։
Նա նաև համագործակցել է Իան Գիլանի հետ 1988-ի երկրաշարժից տուժածներին օգնելու համար ձայնագրված Smoke On The Water-ի ձայնագրմանը, որպես կիթառահար։
Ալբոմներ Փինք Ֆլոյդի հետ
[խմբագրել | խմբագրել կոդը]- A Saucerful Of Secrets
- More
- Ummagumma
- Atom Heart Mother
- Meddle
- Obscured By Clouds
- The Dark Side Of The Moon
- Wish You Were Here
- Animals
- The Wall
- The Final Cut
- A Momentary Lapse Of Reason
- Delicate Sound Of Thunder
- The Division Bell
- P.U.L.S.E.
Անհատական ալբոմներ
[խմբագրել | խմբագրել կոդը]- David Gilmour
- About Face
- On an Island
- Live In Gdańsk
- Rattle That Lock
- Live at Pompeii
- Luck and Strange
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 Miles B., Mabbett A. Pink Floyd: A Visual Documentary / C. Charlesworth — Omnibus Press, 1994. — 160 p. — ISBN 978-0-7119-4109-0
- ↑ 2,0 2,1 2,2 Mabbett A. Pink Floyd: The Music and the Mystery / C. Charlesworth — Omnibus Press, 2010. — 168 p.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Դեյվիդ Գիլմոր» հոդվածին։ |
| ||||||||||||||||||||||||
- Էջեր, որոնք օգտագործում են JsonConfig
- Մարտի 6 ծնունդներ
- 1946 ծնունդներ
- Ապրող անձինք
- Քեմբրիջ քաղաքում ծնվածներ
- Բարիտոններ
- Պատվո շքանշանի ասպետներ (Հայաստան)
- Անձինք այբբենական կարգով
- Երաժիշտներ այբբենական կարգով
- Փինք Ֆլոյդ
- Բրիտանացի ռոք երաժիշտներ
- Անգլիացի կիթառահարներ
- Անգլիացի աթեիստներ
- Անգլիացի երգիչներ
- Անգլիացի բարիտոններ
- Անգլիացի բարեգործներ
- Երաժշտական պրոդյուսերներ
- Անգլիացի կոմպոզիտորներ